|
|
كيفكم بنات 0000
بصراحة أنا مدرسة انجلش ابتدائي و ابي اسألكم كم سؤال أبي أعرف هالأشياء اللي تحصل عندنا هل هي تحصل في جميع المدارس وإلا لا :
أولا: هل غيروا التوجيهة طريقة التحضير و خلاها طريقة جماعية عن طريق خطة يلتزمون فيها جميع مدرسات المنهج الواحد وأذا حصل و تأخرتي عن الخطة بتكون سلبية لج؟
ثانيا: هل طلبوا منكم انكم تدخلون حصص تدريس في حالة غياب زميلة لج ولو أن غيابها هو يوم واحد وبداوم ثاني يوم؟
ثالثا: هل طلبوا منكم ومن كل معلمة أدرس رابع وخامس انها تعمل أختبار الفترة الثالثة مع المؤجل ؟
بإنتظار أجوبتكم
وشكراااا
هالاشياء من بدع توجيه الانجليزي وماشية على ابلات الانجليزي بس
لاننا قسم المغضوب عليهم بادارة عصابة الوافدين بتوع الدروس الخصوصية سابقا
والنسرات اللي كلى عليهم الدهر وشرب
بصراحة الوضع اصبح لا يطاااق
لازم نسوي ثورة >>>>>>> بنطيح راس التوجيهة
قلت لهم خن نعترض قالوا هالقرار علينا كلنا000 مافي فايدة
والشغلة الثانية ان 90% من رئيسات الاقسام وافدات
فما همهم ان هالشيء في مصلحة الابلة او الطالبة او لأ
اهم شيء يدقون خشومنا بالكراف عشان ياخذون امتياز على ظهورنا
مكان فيه وافدين 00 ما ابي
المعلمات يردن اسقاط التوجيه
هههههههههه
كان الله بعونا
بس سألت مدرسة متوسط اعرفها قالت ما مشى عليننا هالنظام يمكن بس الابتدائي
انا ناطره التعيين بس انا متوسط ثنوي الله يعين
شوفي اهو الموضوع بايد المدرسه الاولى
اهي تسهله واهي تصعبه
تره وااااايد قرارات غلط بحق قسم الانجليزي مو بس هذا
مثلا انا لما كنت ميداني تقولي المدرسه الاولى لا تدرسينهم القاعده تدريس عطيهم جمل وايد وخليهم اهم يستخلصون القاعده ويصير acquiring مو تكتبين القاعده عاللوح وتعطين امثله
صراحه نظام غبي جدا جدا جدا وبااااااااط جبدي
اذا ببالهم ان بيعلمون الطلبه اكتساب اللغه مثل الاجانب فهذا شئ غلط والدليل ان كلام الاجانب كله بدليات ومافيه قواعد صحيحه الا ماندر
نفسنا لايينا نتكلم مانتحجى نصا نفس قواعد العربي والاساسيات لا نتكلم والسلام المهم توصل الفكره
احنا نكتب القاعده عاللوح مع امثله وتمارين ويالله نلحق على الطلبه وهالمره مانعطيهم القاعده؟؟ الله يعين بس
جني هذرت وايد؟؟
بس منبطه جبدي
الصراحة الوضع لا يطاق من قلب!
التوجية ما عند سالفة و يبيله حرااااااااااااااااق !
بيون يطفشونا غصب. يعني احنا الحين تعطل شغلنا و السبه هالخطط اللي مال امهاااااااااا داعي. بس الشرهة مو عليهم ترا علينا لان كل ما سووا شي طبقناه وجنا البخت! ما يصير ياجماعة الى متى و حنا نطيع بأشياء تضرنا و ما تفيد التعليم!
أنا ,ودي نسوي حملة توااااقيع من كل معلمة ونسوي عريضة و نرفعها لعضو من اعضاء الحناااااااااااااجر الذهبية خل يلعلع لهم شوي بالمجلس و ينفض الوزيرة و خل نسوي جمعية لمعلمات اللغة الانجليزية و نراسل الوطن خل شوي نخرع التوجية و نخلية يحس انه حنا مو اي شي يمشي علينا! يا بنااااااااااااااااااااااات تحركوا اما الان او لا !اما النصر او المووووووووووووووووووت ! تحيا الحرية و تياً لهكذا توجية!
صح هذا الي صاير
و بعد هذاك اليوم سمعت بالتحدييييييييييييييييييييد
مننووووووووووع اي حصة انجليزي بالذاااااااات انها تصير احتياط
سكتي عيالنا ماراح يرطنون اذا صار عندهم احتياط انجليزي
اششششششوة نصابي 15 عشان مادخل مكان احد خخخخخخخ <- احلى شي مندقه و تضحك
ذبحونا ومتأخرين بالمناهج .. احنا بمدرستنا للحين بالدرس الثالث من اول يونت
ومو عارفين نخلص بسبب الغياب
انزين قبل كنا ناخذ احتياطات ونمشي الامور الحين لاا ماكو
من وين نيب احتياط للقس كله عشان نلحق
والورك بوك لازم خطوة بخطوة مع بعض
صراحة توجيه الانجليزي ما عنده سالفة وما ادري شفيه كل الاقسام الثانية مرتاحين اكثرمنا
يبا حتى العربي ما يمشون تحضير جماعي
واحنا مو نفس الحاسوب ولا الفنية ولا الموسيقى ولا البدنية
هالمواد يحضرون مرة بالاسبوع .. يعني يقدرون يمشون على هالنظام بس احنا يومي
وبعدين شنو ترى كل صف عن صف يفرق وكل ابلة لها طريقتها
التحضير الجماعي هذا كله سلبيات ومافي ولا ايجابية وحدة فيه
لا والاسوأ تيي الموجهة تلم دفاتر تحضير كل ابلات المرحلة وتقعد تشيك بالتاريخ والدرس والاهداف والكلمات وكل شي كأنه كوبي بيست ولازم كلنا مثل بعض مافي وحدة تتخلف
وقبل يزفون لو وحدة انقلت من رفيجتها التحضر شهالغباء
ما نقول الا حسبي الله عليهم
لكنه فاااااااشل
احنا مطبقينه حرفيا و قاعدين نكتب السلبيات و السلبيااات واااجد
ما اقول الا الله يعينا و عساهم يكنسلون كل هالخرابيط الا ما وراها الا كراااف على غير سنع
بس صج لازم يصير في تحرك
ونوقف الخرابيط هذه