|
|
مرحبا بنات
بغيت اسألكم
انا بسوي استقبال ولادتي بالمستشفى انشالله و معارفنا وايد و ابي اسأل جم نوع حلو قهوة احط و جم نوع كاكاو مغلف ؟ انا ما افضل اوزع من هالتوزيعات الغريبه مثل مقراضة و مداليه و مدري شنو مامنه فايده اذا بوزع بوزع كاكاو مغلف تغليف كشخه .. شرايكم ؟
انا حاطه فبالي بحط 4 انواع حلو قهوة ب 4 مواعين
و بحط كاكاو ياخذونه عند الطلعه يكون مغلف تغليف حلو و مفكره بنوع واحد ؟ بس مادري من وين اخذه
و بوزع جاي و اللي ما يبي جاي اييبونله عصير فرش ماني حاطه فطاير كلششش كلششش عشان ما يصير لويه ؟
و بالنسبه للورد شرايكم شلون اطلب يوزعونه و جم باقه ورد ؟ ووين احسن مكان ؟اسوي ستاندات يميني و يساري ووحده بالطاوله اللي بالنص و بس ؟
و على فكره انا بسوي استقبال كبير لاني مابي استقبل بالنفاس الا اهلي و بس
انا توني والده الحمدالله شهر واحد
او انا بعد اخترت 4 انواع حلو قهوه باربع مواعين واحد من الصافي عجيييب اينن او الباجي من سلفينيا ما ادري سلفرينيا نسيت والله اسمه بالضبط الجيس كيك مالهم روعه روعه او الاوريو او طبعا شعر البنات الابيض مو البني
او انا انصحج انج اتحطين فطاير الميني لان استقبال او الصافي شغلهم اينن او واو روعههههههههه او غريب او عندج في محل يبيعهم بالكيلو الكيلو ب8 او الكيلو اعتقد ماعونين كبار
او عن كاكاو التوزيع انا مع انج اتحطين الكاكاو بشكل معين مثل شمعه او علبه او اي شي الناس تستفيدد منه او تخليه ذكرى او فلوسج ما تنقط
اما اذا خليتي بس الكاكاوه تكون مغلفه تغليف حلو او راقي الناس بتقط التغليف او اذا حطيتيه بشكل بيكون لج ارخص على فكره و الشكل ارقى
او انا سويتلي صينيه كبيره قسمتها قراش صغار ماي لقاح او قراش صغار زعفران او قراش صغار فيهم نعناع
او شكر تقديم او بسكويت عنونو او شاي انواع اخضر احمر حليب كل شي انواع وايد حطيت
المضيفه اتدور بس بستكانات فيها ماي حار او علب صغيره فيها مكسرات
او الي وراها اتدور بالصينيه كل وحده تبي شي تختار من الصينيه
وايييييييييييييييييييييد استانسوا على هالحركه او اعجبتهم
انا كنت والده بدار الشفا بالغرفه الثانيه حطيت حلو القهوه على البوفيه او حطيت انواع كاكاو او استاندي مال التوزيعات
او انواع موالح
كان وايد حلو او الكل استانس عليه
مو حلو اتنادين الناس على كاوكاو بس !! او اتقولين استقبال
او طبعا الورد خذيته من محل بحولي اينننننننننننننننننن اسعاره ابلااااااااااااااش تناخذين منه استاند طوله 180 متر ب 13 دينار او شغله راقي
انا وديتله فازاتي او وديتله كلف مثل الي بكفري او وصيته يسويهم اذا ريلي راحله اسعاره صج اتينن او شغله عجيبببببببببببب
حطيت بغرفه البوفيه طبعا باقات صغار مو كبار دائريين
او بغرفتي سوالي قوس فوق السرير على ورد او حطيت بصواني التقديم نفس الورد
لوووووووووووول الوصف شكله عفسه بس بالصج كان وايد حلو او ناعم
ما ادري اشوف ناس يكون ماخذين الحلو بالكيلو مكشوف ومو مغلف للمستشفى
ويردونه البيت ويقدمونه للزوار
اكيد راح يتلوث بهالطريقة
ولا انتو شرايكم؟؟؟
ما لا داعي معجنات كلش يصير وايد لويه
4 انواع حلو كافي
و الكاكاو اخذيه من ريبيل حده راقي و كشخه و اللي يعرفه يدري انه مو هين
الورد الصراحة ما اعرف اسم محل بس على قولتج كافي 3 الى 4 فازات
الله يهون عليج يارب
انا بولادتي حطيت 4 مواعيين حلو سويت 3 سويته عند فوشون الي بالصالحيه وعند في فندق كروان بلازا طبعا شغله غريب وينعرف ان منه لان طمعه غريب وسويت حلو عند صافي كان عجيب وزعت شاي وحطيت مع استكانات مثل بسكوت على جبن غريب الكل سأل عنه هم عند فوشون
والورد انا اسوي عند نيوكلاس على مفرش وعلى الوانه اسوي الورد انتي بس قوليله اي مستشفى واهو يقولج جم ورد تحتاجيين بس ورده كله غريب
يوصلج الورد للمستشفى ويوزع الورد بغرفه ويحط لج المفارش ويحط الورد عليهم
عند افكار غريبه حتى يصمم لج اشلون توزيع مواعيين الحلو على الطاوله انا اودي شغلي واختار معاه الورد
بس اهو ينسق
الصراحه انا ما احاتي الا كفر الفراش
وهل الايام الكفرات كلا على الف و فوق
كل ما ادش على احد بالاستقبال و يعجبني الكفر يصير وايد غالي(الظاهر انا عيني ما اطيح الا على الغالي
والله انا فكرت ان الالف اللي بقطه على المفرش
اسوي فيه استقبال بالبيت.. احسن لي.. اكون مرتفعه شوي و مرتاحه
بس يا بنات ترى انا ما يندرى عني
الحين اقول جذي…واخاف اذا وصلت اخر شهرين ..ادق بريولي ابي استقبال بالمستشفى
يمكن انغر منكم اشوفكم مختبين .. واختب معاكم
الحمدالله … اللهم ديمها نعمه علينا
layla-30 الله يتمم عليج و علينا انشالله
ملكة روحي –> مشكووووووووووورة يالغاليه
ام راكان –> سلفرينا اللي يصير يم السجاد الايراني ؟
شسم المحل اللي يبيع فطاير التقديم الميني بالكيلو ووين مكانه او رقمه بليز ؟
و شسم محل الورد ؟
مبدعه –> تسلمين حبيبتي
ام ضاري — > يا حلو ضاري و يا حلو اسمه فوشون وين مكانه و رقم تلفونه ؟ اذا ماني غلطانه لهم فرع في جالريا 2000 بالسالميه ؟
و شنو الانواع اللي طلبتينها من حلو القهوة و شنو انواع الكاكاوات ؟ و جم الكيلو ؟ و انا مواعين الحلو مالتي مذهبه ينفع ؟
بدره –> قرري من الحين و اهم شي الهون و السلامه انشالله
بنات انا رسيت على نيكولاس بالنسبه للورد انشالله لانني متعامله معاه قبل بس ماجربته حق ستقبالات
و بالنسبه للحلو سلفرينا + فوشون ظهروا بالصورة
و التقديم يكون نوعين شاي ( شاي عادي و شاي اخذر او نعناع)
و يدورون بماي بعد
في ناس اذا صارت ولادتهم بالصيف يقدمون قبل الشاي عصير فرش .
و تالي و اهم طالعين ترتبين على الطاوله مواعين الحلو و القهوه و السوفنير اذا تبين تسوين .
و 4 انواع حلو زين
و افضل 2 مكشوفين و 2 مغلفين .
و لاتكثرين حوسه يتدودهون الضيوف و اللي يقدمون .
و الورد نيكولا ما حبيته عادي و يضرب بالسعر .. في ناس وايد غيره احلى و ارقى و بنص السعر .. و شوفي الغرفه اللي تبينها بالمستشفى و عدي شكثر تبين فازات ورد و اشكالهم
و الله يهون عليج
زينه — > ليش ما حبيتي نيكولاس ؟ ماعجبتج بوكيهاته حق الاستقبالات ؟ و شنو البديل ؟