جم العمر المناسب للطفل علشان يروح الحمام .,؟

بسم الله الرحمن الرحيم

حبايبي جم العمر المناسي للجاهل علشان يتعلم يروح للحمام تكرمون و شلون اقدر اعلمة الطريقة يعني؟

شاركوني خبراتكم و اكون شاكرة لكم

تحياتي

ودي افيـــــــديج بس << بس الاطفال مو نفس الشي عشان جذي ماادري شقوولج …؟

تقريبا من سنتين لسنتين ونص انا ولدي عمره سنتين ونص ومن شهر علمته يروح الحمام اول اسبوع راح يتعبج بعدين عادي يبدا يتعلم وانا قريت بكتاب ان الطفل لما يبي يسوي شي تكرمون ينخش باي مكان ما يبي احد يشوفه هذي علامة من علامات اللي تبين ام هذا الوقت اللي تعلمينه يروح الحمام واذا ما علمتيه يصير عادي عنده ان يسويها جدام اي احد انشالله اني اكون فدتج ……….

انا مو أم ——-عيل شكو دااشة

لا صج اعرفلهم —سنتين او قبلها احسن لن ولد بنت خالتي جذي تعلم وعادي
يقول حق الخدامة وديني الحمام
اما خواتي لمن كانو صغار طولوا يمكن صار عمرهم 3 بعدين تعلموا
يمكن الصبيان يتعلمون اسرع

ولدي الحين عمره سنتين ونص وعلمته الحين توه صارله اسبوع واهوه اوكي بس تعب معاه وايد ويبيلج طوووله بال
لانه ما يعرف يحصر نفسه والا يصبر على ما يروح الحمام …..بس بالحضانه عطوني له كتاب لانه اهوه يقولهم حمام بروحه الله يحفظه
ف في البيت وعطل صرت ما البسه الصبح بس ما عندي شغل غير كل شوي اشيله واحطه بالحمام وبس يخلص يغصل وينشف نفسه تحت اشرافي طبعا اعطيه ستيكرز ونصفق
واواريه الستيكرز الباجي احطه عندي واقوله اذا رحت الحمام راح تاخذ وتحط فصار كل ما يحس ايني يلا ماما يلا عاد تعلم فالحمدالله

ما ادري انا دخلت عشان استفيد
انشالله البنات يفيدونا

من عمر سنتين تبدين تعلمين الياهل عالحمام
بس ماحب فكرة القيصرية
اخذيلج من سنتر بوينت شغله تحطينها عالمرحاض يصير بحجم البيبي وقعديه
اول اسبوع راح تتاذين كل خمس او 10 دقايق ودي البيبي وقعدي معاه طولي لمن يسوي شي
شوي شوي يبدي يتعلم
واذا فصختيه البامبرز ولبستيه صروال عادي اهني يتعلم عدل
لا تعتدمين على صوال البامبرز خليه بس لليل

حبوبة آنا اتذكر بلشت مع بنتي من عمر السنتين وطولت جم شهر لي تعلمت
مع التحية…………

طبعا العممر يختلف من ياهل لي ياهل ثاني
بس متى اتعرفين ان ييي الوقت انج اتفصخين ولدج الحفاضة ؟
لما يقعد من النوم جيكي على حفاظته إذا كان مو موصخها يعني اهني فصخي
بس فصخي بالبيييت وبس بس لما تطلعون او حزة النوم لبسيه ليما شوي شوي يتعود

اتوقع المفروض من سنتين ونص احسن عمر
وطبعا مثل ما قالوا البنات على حسب كل طفل

اب للأستفاده

الله يعييني احس بينهد حيلي على ما يتعلمون عيالي

مشكورين ما قصرتوا

انا عن نفسي اشوف احسن وقت للياهل هو ثلاث سنين لان يبدي يفهمك وما يلعوزك , عندي ثلاث اول اثنين شوي لعوزوني لاني علمتهم قبل الثلاث سنين بس من اسبوع بديت مع ولدي الثالث هذا الشهر كمل ثلاث وتبارك الرحمن من ثاني يوم تعلم ولا لعوزني كنت شاريتله سراويل رخيصة من فاشن مل عشان لا اتحسف لما يوسخهم
وعندي اللي ينحط فوق الافرنجي شاريته من سنتر بوينت ب 5 دنانير من عمر ولدي الكبير اللي عمره الحين 7 سنوات

انا بنتي عمرها سنتين ونص وعلمتها على الحمام صار لي اسبوعين
بس مشكلتها اني انا الي اوديها الحمام كل ساعه واذا ماوديتها تسويها على نفسها اوتنقط شوي بعدين تقولي
ماادري اشلون اعلمها اتقولي