جدتي وصلاتها ساااااعدوووني

مساكم /صباحكم عامره بطاعة الرحمن

ياحلوات ابي اسألكم

الحين دعاء فاتحة الصلاه كلنا عارفينها وعارفين انها ضروريه قبل الفاتحه

المهم عندي الوالده الكبيره>>جدتي<< الله يحفظها ماكانت تعرفها وحاولت احفظها بس مو راضيه تحفظها تنساها على طول وصعبه عليها ويعلم الله اني حاولت احفظها وتحفظ معي بس في صلاتها تنساها لاني اسألها وماتعرفها اش اسوي ماابي صلاتها تكون مو مقبوله

وكمان شي الحين نعرف اركان الوضوء اذا نقص شي منها يخرب الوضوء من الى

يوم من الايام كنت ماره عشان اصلي الا واشوفها توضي اناظر الا وضوئها فيه اشياء غلط حاولت اوضح لها هالشي بالكلام طبعا بس احس ماتطبقها وكمان في صلاتها يعني في الركوع اسمعها ماتقول سبحان ربي العظيم لا تستغفر كمان جلست اوضح لها بعض الاحيان تعصب علي تحسن اني انتقدها على كل شي وبعض الاحيان اشرح واشرح واشرح وفي اخر شي ولايهمها مره عنيده بعض الاحيان اقول اسلوبي غلط هي مره كبيره في السن

بس اش اسوي اعطوني طريقه ولااخليها؟؟

بس مااقدر اخاف يطيح علي الذنب لاني انا متعلمه واجب علي اعلمها

قلت لوحده من البنات قالت انتي حاولتي وخلاص وهي مره كبيره وربي عارف بأمرها وعارف نيتها خلاص اتركيها بإذن الله ماعليها شي وصلاتها مقبوله بس مااقدر انتم اش تشورون علي