توها مولودة وقالولي فيها اشتباه بمفصل حوض ضعيف .حدي خايفة!!!!!!

السلام

بنات . . بنتي للحينها عمرها اسبووع

اول ماولدتها (بالهادي) قالولي احتمال معاه ضعف بمفصل حوضها اليسار اسمالله عليها

وقالولي اخذ موعد عند الرازي

واحتمال لاسمح الله اذا الكلام صحيح ممكن يأثر على المشي بعدين

والله احاتيييها بس مابي اوسوس عشان لاخاف زيادة

منو قالولها جذي وطلع غلط

او طلع صح بس بشنو عالجو البيبي ؟؟؟

يعني شلون تصرفو ؟؟

حبيبتي انشاالله ما تشوف شر و كل يطلع غلظ
بس لا سمح الله كان معاها اقولك لحقي عليها و هي لسه ما كملت الشهر ابن خالتي كان نفس الشي الحمد لله امه لحقته و الطبيب اعطاها نفس البومبرس (مااعرف كيف اشرحلك) المهم حاولي تفهميني هو نفس البومبرز بس صلب حطتهولو مدة 6 شهر ما تشيلو ابدا الا وقت الحفاظ و انتي بكرامة و الحمد لله الولد عمره الحين 5 سنين عادي ما فيه شي

^
^
المشكلة مواعيد الرازي عقب شهرين

الله يستر

ومشكورة ماقصرتي

انشاء الله ماكوا الا العافية وديها لاتنطرين افضل لويتعالج واهو لسة لحمة طرية

سلامتها يارب الله يشفيها و يقولولج مافيها الا العافيه حاولي فيهم شهرين واايد حاولو تجدمون الموعد

فهد قالوا له
وقالوا بنحط له سياخ
وتذكرين من شهر 11 الى 4 وانا بالمانيا اعالج فيه
والحمدلله لاتحاتين

ان شاءالله مافيها شي يارب.

الله يطمن قلبج.

ان شاءالله مافيها شي يارب.

الله يطمن قلبج.

قلبي اذا ها الدكتور مواعيده مطولة مو بس اهوا اللي موجود بالكويت شوفي لج دكتور ثاني احسن ولحقي على البنية توها صغيرة

ان شاءالله مافيها شي يارب.

الله يطمن قلبج.

بعد عمري انشالله ماكو فيهاا الا العااافيه ياارب ،،
طمنيناا عنهاا يااقلبي ،،

عسـى ربي يطمن قلبج عليها .. و يطمن قلبي ع بنتي

ولااااا ينحرق قلب ام ع ضنااااهااااا يارب

مبروك ولاتحاتين مافيها الا العافيه سمالله عليها الله يحفظها ويخليها لج موشرط تري فيها بس خايفين مثل بنتي خوفوني قالولي فيها صوت بالقلب خفت بس تشيييك سويت لها مراجعات بامبارك وبس قالي قلبها سليم عشان كانت شاربه ماي بطني لاتحاتين بس يبون يطمانون لااكثر مافيها الا العافيه

الحمدلله على سلامتك
والله يطمن قلبك عليها
يارب

حبوبه عادي والرازي لازم بعد شهرين تراجعين ويعطيج جهاز نفس البامبرز ويعلمج او يقولج لبسها حفاظتين انتي من الحين لبسيها حفاظتين بس وقت النوم وحاولي ماتشدين رجلها حيل وان شاءالله مافيها شي
الله يطمن قلبج عليها