تهقون حلوه الفكره!!!!

اولا مبروك والله يتمم عليج

ثانيا اذا اهوه شرالج هدية قيمة وثمينة على قولتج ماكو مانع تاخذيلة هدية الرسول اقول تهادوا تحابوا

بس في شغلة بحذرج منها لاتعودينة اذا يابلج هدية لازم اتردين علي بهدية يعني اذا شرالج شغلة مو ظروري اتهادينة عشان مايحط ابالة اذا عطاج شي لازم اتني تعطينة انشا الله فهمتي وجهة نظري

عموما الريال الي معدنة طيب ابين من البداية الله يوفقج انشا الله وسهل امورج

حبيبتي رسولنا صلى الله عليه وسلم قال تهادو تحابو
بس انا مع انج تنطرين فترة عقب الملجة
انا عن تجربه بعد شهر عطيته هدية وايد اثرت فيه
والله يوفقج انشاءالله

نطري شوي على الأقل اسبوع .. احسن
و اذا ما تعرفينه من قبل بعد نطري اكثر تعرفي شوي عليه بعدين عطيه الصورة و الهدية .. قولي اسبوعين ثلاثة على الأقل …

هذي وجهة نظري ..
و الله يوفقكم يا رب و يحفظكم و يتمم عليكم بألف خير

لا نطري شوي مو من اول يوم

خليها بمناسبه معينه مثل مرور شهر او شوفيلج مناسبه حلوه وعطيه الهديه

ممكن يكون حظج حلو ويكون عيد ميلاده قريب ان شاءالله بعد ملجتكم

والله انا اشوفها خووووووووووش فكره وتدل على كرمج وذوقج
وعن نفسي ريلي يمووووووووووووووووووووت بالهدايا
ومن اسويله شي او اجيب هديه
يخليني يا دهينه لا تنكتين

بس مره وحده سويها ، مو كل شوي طاقه الدرب وشاريتله هديه
يقول هاذي ماصدقت على الله ريل هاهااهاهاههااه

ومبروووووووووووووووووووووووووووووك حبيبتي والله يوفقج

طبعا وما تدرين ردة فعله بينه وبين نفسه

الله يتمم عليج ويباركلج انشالله

انا اشوفها خوووووش فكره وايد حلوة
وانا عطيت زوجي ولبسته ساعه انا يايبتها بوقت الملجه لمن لبسني الشبكه
حلوه لمن تقوليله خلها بالبيت افتحها وتحطين صورتج وعباره حلوة
خوش فكره بالعكس
والله يوفقج

انا رايي من راي فلانه
نطري شوي حبيبتي منتي خسرانه اول وتالي بتهدينه
الله يوفقج عزيزتي وتدوم المحبه بينكم يارب

الفكره واااااااايد حلوه , بس مثل ما قالوا خواتي الصبر واااااااايد زين في هذه الأمور , و الله يوفقج في ولد الحلال يا قلبي

انا بالنسبة لي…لما سوينا الملجة ولبسني شبكة ناعمة … كنت مسويتله مفاجاة وشاريتله ساعة فتحت العلبة ولبستها له وااااايد استانس

انا رأئي من رأي البنات ,,,احلى لو تنطرين شوي بتكون لها طعم احلى

يوم الملجه بتكون فيه حركااات ثانيه ويوم مشوق مايحتاج هديه خليها ليوم ثااني

أول يوم انتي أحلى هديه…..

هديتج ماراح يصير لها ها الكثر قيمه لأن الغالب فرحته فيج تكفي…..

عقب جم يوم تفرحينه بهديه تكونين من قعدتج معاه ها الجم يوم عرفتي انه تونسه.

أذكر رفيجتي عقب الملجه باسبوع او اكثر شوي ريلها سافر…و صار وقتها معرض الكتاب و هو استخبر ان فيه مجموعة كتب صار له سنين يدورها مو لاقيها معروضه بالمعرض…
المهم وصاها تشتريهم له.

فهي قالت خوش زلقه بطيحه
شرتهم و شرت معاهم هديه جذيه…

بس أكثر شي استانس عليه و ظل سنين يذكرها فيه هو التغليف ….

يعني بدعت بطريقة تغليفها للهديه و حركاتها فيها اللي طار الريال.

الشهد بعض الرياييل يفرحهم شي مو على بالج.

على فكره…بعض الرياييل يحبون اهم اللي يجيبون للمره….
يتضايق اذا جابت له شي…
خاصه بالبدايه …..