|
|
السلام عليكم
اول شي أًًَدعي وكلنا خل ندعي لجميع المحرومين الذريه الصالحة ان شاءالله
تجربتي مع تكيس المبيايض طويله ولكن صبرت وما شتكيت وقلت بلاء واجر لي ان شاءالله
استفدت منها وايد وبعطيكم الملخص من تجربتي
اول شيء ابيج *تعرفين اذا كان التكيس مع البطانه الهاجرة للرحم ولا بدون . *اذا في بطانه هاجرة فعلاجج بعد الله سبحانه اطفال الانابيب. اذا ماكو بطانه الرحم المهاجرة ان شالله اذا لج رزق بتشوفينه.
اكيد تسأليني شلون اعرف انه فيني بطانه ولا لأ؟؟؟
اول شيء هذا اختصار لمرض البطانه الهاجرة:
أسباب الإصابة هي تواجد نسيج بطانة الرحم في أماكن مختلفة في الجسم خارج الرحم، على شكل عقد صغيرة أو زوائد أو نتوءات أو كتل . في حالات كثيرة يفشل الطب بتشخيصة الا بالمنظار الرحمي.
أكثر الأعراض عند الإصابة بالبطانة الهاجرة: الآلام الطمثية، وما قبل الطمث، والتي تكون أشد من آلام الطمث الطبيعية، ولا تتعلق شدة الألم بالضرورة بكبر حجم البطانة الهاجرة .
آلام الجماع وما بعد الجماع، والنزف الرحمي الشديد أو غير المنتظم، والعقم.
الأعراض الأخرى، مثل الإرهاق والتشنجات أثناء الطمث، وآلام أسفل الظهر، والإسهال أو الإمساك، بالإضافة لبعض الاضطرابات المعوية الأخرى المرافقة للطمث، وهناك بعض حالات لا يُعانين من أية أعراض، وهذا ما يحدث في 20 – 49% من الحالات.
كل وحدة اتحس بنفسها. انا بالنسبه لي كنت حاسة انه فيني البطانه الهاجرة *لاسباب وايد: نزيف الدورة مع الم مو طبيعي اروح مستشفي ومسكنات، قطع مع الدورة كبيرة بشكل فوق الطبيعي . بس ما سويت منظار لانه الدكتور نصحني اذا فيني الهاجرة *المنظار ماراح يعالج، لكن اذا حملت بالانابيب راح الحمل يعالج البطانه الهاجرة. والحمدالله سمعت كلامه ونجحت الانابيب من اول مرة بعد 7 محاولات تنشيط ابر وكلوميد فاشله. لانه والله اعلم لو ينشطون البطانه راح تمنع الحمل. فالانابيب حلت المشكله ولقحت البويضه من غير ما تمر عليه وردوها الرحم من داخل.
*
اهني انا حملت وولدت بالسلامه، وبما ان الحمل علاج للبطانه الهاجرة حملت مرة ثانيه من اول محاوله علاج كلوميد وتلقحت اكثر من بويضه. بفضل الله سبحانه. مع انه تنشيط عادي سويته من قبل الانابيب 7 مرات وما نجحت. وولدت بالسلامه.
شنو سويت انا ثاني حمال. كان التكيس موجود وعندي هم ضعف تبويض:
1- اول شي القرآن والاستغفار بنيه الشفاء "وقل استغفروا ربكم انه كان غفارا يرسل السماء عليكم مدرارا ويمدكم باموال وبنين"*
2- القسط الهندي الاسمر قال عليه الصلاة والسلام: " عليكم هذا العود الهندي فانه فيه سبعه أشفيه يستعط به من الغذرة ويلد به من ذات الجنب"
3- العسل من محل عسل يسوي خلطة فيها مقويات للرحم بس اول 14 يوم من الدوة
4- العلاج الطبي:تابعت مع الطبيب وخذيت منشطات كلوميد وابر بكميات بسيطه.*
انا انصحكم انكم تستخدمين القسط شهرين ثلاثه مع حبوب تنظيم الدورة *بعدين الطبيب والعسل.*
حبي نفسج باللي فيج لا تقولين ليش… هذا ابتلاء ولج فيه اجر.
اي مساعدة انا بالخدمة 
*
*
بصراحه ما ادري شقول بس طيبت قلبج مبينه وواضح انج تحبين الخير للناس الله يعطيج على قد نيتج….
انا مشكلتي ما ادري فيني تكيس ولا لا بس البويضه صغيره ماتكبر الا بجم ابره مع الكلوميد وماينفع معاي الاابر بروحها,لانها تكون قويه علي ويصير معاي فرط تبويض..التكيس شلون يبين؟؟
التكيس عادة يبين من السونار واعراضها ضعف التبويض
دام البويضه مع العلاج تكبر الحمدالله هذي بدايه حلوة
هم انا يصير معاي فرط بالتبويض فقللنا الابر كيتها والحمدالله ما صار لما قللنا وحملت
الله يفرح قلبج ان شاالله
يعطييج العافيهـ على هالنصايح
وفعلا التكييس مرض العصر
اغلبهم يقولون ماايي الا المتينه
مو شرط
انا ضعيفه وفيني من الكلوميد والمنشطات سببت لي تكييس
ربي يشفيناا ويرزقناا يارب
اللي يخلي لج ضناج يااااارب ..
وإن شاء الله البنات يستفيدون من تجربتج ..
يزاج الله خير ..
|
المشاركة الأصلية كتبت بواسطة ترووفه
 مشكوورهـ
يعطييج العافيهـ على هالنصايح وفعلا التكييس مرض العصر اغلبهم يقولون ماايي الا المتينه مو شرط انا ضعيفه وفيني من الكلوميد والمنشطات سببت لي تكييس ربي يشفيناا ويرزقناا يارب |
الله يعافيج
طبعا التكيس مو سببه المتن ، اهوا يسبب المتن لانه الايض عندنا بطيئه
بالنسبه لي ما عمري عرفت المتن
واللي التكيس سبب لها متن زايد له علاج ممكن افيدكم فيه
|
المشاركة الأصلية كتبت بواسطة om-s3oodi
مشالله تبارك الله ..
اللي يخلي لج ضناج يااااارب .. وإن شاء الله البنات يستفيدون من تجربتج .. يزاج الله خير .. |
يجزاج الجنة ان شاالله
| واللي التكيس سبب لها متن زايد له علاج ممكن افيدكم فيه |
مثل شنو اختي ؟
لانه اذا كنتي تعانين من زيادة من الوزن معناتة انه طريقتج بالحياة ما تتلائم مع طبيعة اجسامنا
انا قبل جم سنه شريت كتاب عن علاج التكيس بالاكل هذا كان قبل حملي الاول فا اعتقد كا له علاقه بالنجاح
الكتاب بالانجليزي اللي ما عندها مشكله ادز لكم اسم الكتاب
لكن اذا ودكم اكتب لكم الخلاصه مع اني اعتقد اني شرحت الكتاب من قبل بالمنتدي
مشكورة حبيبتي يكفي إنك شايلة هم البنات وتقولين
تجربتك ربي يتم عليك عافيته ويحفظ لك عيالك
صدقتي هالتكيس مرض العصر والله يشفينا منه
بس والله تفائلت كثير إن ممكن يصير حمل بوجود التكيس
انا اكلت منظم الدوره بريجليتون
وسبب لي ضعف
واكلت كلوميد مرتين وما اكبروا بويضاتي ولا وصلت لمرحلة ابرة التفجير
وحابه اسالج
شلون يكشفون على البطانه المهاجره
؟
بالسونار ؟؟؟
اللي اسألوني عن علاج السمنه فانا نزلت موضوع عنه اقروه بلزز