تكفون جاوبوني جرح القرنيه

السلام عليكم

بغيت اسألكم بخصوص جرح القرنيه ؟؟

انا ولدي ضارب اخوه في عينه مايدري ووداه ابوه للمستشفى البحر وقالو فيه جرح قرنيه الحين له

3 ايام للاسف كل يوم اسوأ من اللي قبله اول قالو جرح بسيط ومغطين عينه وكل يوم فحص بالابر

امس 3 ساعات يحطون قطرات واليوم شالو القطنه قالو بنريح العين بس قالو في دم داخل العين وموزين يتحرك وعطونا قطرتين

كل 4 ساعات مره

يابنات طمنوني الا العين كله ولا الشوف …من اتصل فيني زوجي وانا بستخف
في احد مار عليه نفس هالوضع اش تنصحوني فيه احس عقلي وقف من التفكير

ناطره ردودكم واللي ماعندهاا جواب تدعي لولدي وربي يجزاكم الجنه

انا قلبي شاب ضو الله يسامحكم

اقتباس:

المشاركة الأصلية كتبت بواسطة -angel- مايشوف شر ولدج وان شاءالله ربي يطمنج علية قرنيتي انجرجت من العدسات وصج اتعور وايد بس محد عرفلي غير دكتور سلطان المطيري وعيادة بخيطان ��

جزاك الله خيرماقصرتي
واضح انه تعوره يقول تحرقني يمه …….ولاحظت حتى الاضاءه تعوره وتأذيه قبل يوم كان بغرفته وظلمه وبطلت اليت ويصرخ وينط هذيج النطه كسر قلبي منها البيت كله اضاءه خافته كله

زين حسب معرفتج بالقرنيه تطيب بسرعه او تبي لها وقت ؟

اقتباس:

المشاركة الأصلية كتبت بواسطة عاشقة الاسلام وديه حق الدكتور عبدالله ربيعه مافي مثله حق العيون بالفروانيه عياته والله يشافي ولدج ويخليه لج يارب

ربي يجزاج الجنه على هالدعوه

انا بصراحه اسمع كثير عن الربيعه بوديه ان شاء الله وبشوف اش يقول

اقتباس:

المشاركة الأصلية كتبت بواسطة blue tulip الله يشافي ولدج يارب

الله يجزاج كل خير ومشكوره ياعمري على الدعوه الطيبه

إن شاء الله الموضوع بسيط وتوكلي على الله وعليكي بالدعاء والصدقه والله هو الشافي.

الله كريم يارب

اقتباس:

المشاركة الأصلية كتبت بواسطة زَهر تِشرينْ .. } صباحك خير اختي ,, انا اكثر من مرة تصير مع عياالي والحمدلله مافيهم الا العافية الحين ,, لاتشيلين هم ياقلبي جرح القرنية بياخذ وقت شوي خاصة ع حسب الحالة يعني ممكن يقعد 4 ايام او اسبوع لين تبدا تتحسن شوي اهم شئ لا تخلينه يقعد عند التلفزيون ولا كمبيوتر ولا يقرا ولا يستخدم اي شئ ممكن يخليه يتعب عينه اكثر خاصة بعد ما يشيل القطن .., واعتقد موبس القطرة ياقلبي فيه مرهم للعين كان يحمي العين من اي احتكاك ويعالجها بنفس الوقت سالي الدكتور ,, والله يشافيه ويعافيه يارب من كل مكروه ويطمن قلبك عليه {

بعد عمري ماقصرتي

انا انجرحت قرنيتي , تميت اسبوع منومه بمستشفى البحر عمياء مآأشوف شي
وتبدل اللون الاسود للـ أبيض
كل ساعتين يحطون فيني اتوقع اربع انواع قطرات ,,
والليت يعوووووورني صج مآكنت اشوف شي الا النور اذا تبطل احس في

بس الحمدلله على كل حال., كآني الحين غزال لاإله الا الله
رجعت اشوف بعيوني بس مو نفس النظر .. قل النظر فيني

لاتحاتين ولدج انشاءالله خيــر