|
|
مرحباااا حبيبااتي يوم الخميس مقابلتي لمعلمة حاسب الالي وانا خريجة الجامعه العربية المفتوحه والبنات قالوا انهم راح يسألون في الفيجول بيسك واحنا اساسا مادرسناه في الجامعه بس عندي كتب قاعده اطلع عليهم وياليت خواتي الي سووا المقابلة يقولون شنو راح يسألون بالضبط لاني حيل احاتي وخايفه والله يعطيكم الف عافيه
أختي لا تحاتين …
أغلب المقابلات لما تصير ….لهدف يقيسون شخصيتج…والا المعلومات الاكاديمية ممكن يسئلونج من خلال الاختبار التحريري
نصيحتي لج …
خلج ريلاكس …واااااااااااااااااااااااااااااااااااااااااااااا ثقه من نفسج جدا!!!
ترى الارتباك يعطيهم نظرة مو حلوة عنج…ديري بالج
حاولي تهدين نفسج قبلها بوقت اقري قران …
لبسج مهم جدا………انتي رايحه مقابلة عمل…….لازم تعكيسن نوع من الجدية و الاحتراف في لبسج
يعني لا تلبسين فسفوري ولا شوارفسكي ولا موديلات غريبة….بيني لهم انج على قدر عالي من الكفائة …حتى بلبسج
رتبي افكارج
شلون تقدمين نفسج…اسمج …تاريخ تخرجج
شنو طموحج
ليش مقدمة عندهم؟
وراجعي المعلومات العامه بتخصصج…
اعرفي أهداف التربية بالكويت بشكل عام و أهداف المرحله اللي تبين تتخصصين فيها؟؟
واهداف مادتج؟؟
والله يوفقج يارب
مو تخصصي لكن اتوقع البنات ماراح يقصرون معاج ان شاء الله
uuuup
الله يوفقج ويسخر لج كل الموحهين إللي بيقابلونج …ويصير إمتحانج من أسهل الإمتحانات
لاتنسين قبل لاتدشين المقابلة
1- تتصدقين على الفقراء عشان الله يسهل أمورج
2- الإستغفار عجيييييب عن تجربة ((أستغفر الله للمؤمنين والمؤمنات والمسلمين والمسلمات الأحياء منهم والأموات ))
3- قبل لا تدشين على لجنة المقابلة قولي ((اللهم اشرح لي صدري ويسر لي أمري وحلل عقدة من لساني يفقه قولي ))
((اللهم لا سهل إلا ما جعلته سهلا وأنت تجعل الحزن إذا شأت سهلا ))
موفقة يالغالية وناطرين تبشرينا بنجاحج إن شاء الله تعالى
ومنها للاعلى يارب
الله يوفق الجميع …
حبيبتي لا تحاتيين ولا تخافين
خليج واثقة من نفسج
اهم الاسئلة اللي بيسألونج ياها عن الاوفيس واهم شي الاكسس والاكسل
وبعد بيسألونج عن الفرونت بيج والفيجول بيسك
انا الفرونت بيج اعرف له فجابوتهم بس الفيجول بيسك قلتلهم ما اعرف
بس الحمدلله عديتها ونجحت