تكرهين وظيفتج و ما تدرين شنو تسوين ؟ تعاااالي هالموضوع شلون تستمتعين بحياتج الوظيفيه

حياج الله

السلام و عليكم

شلونكم حبايبي ان شاءالله بخير ؟
بس قبل لا نبدا الموضوع بغيت اقوللكم عيدكم مبارك مقدمااا
يالله نبلش

واااايد نااس ما يحبون ولا يحسون بمتعه في شغلهم ، فشيسون ؟؟؟؟
يقزرونها عرضي و مرضي و نفسيه على المراجعين و لما يقومون الصبح يفكروون متى يتقاعدون و يفتكون

بس بنات ما فكرتوا شلون تخلون وظيفتكم مصدر للمتعه؟

تااابعوني و ان شاءالله بتتغير نظرتكم تجاه دواامكم

1- كل يوم اول ما تقومين من النوم لازم تشكرين ربج على النعمه اللي انتي فيها ..لاا تنسين ان الوظيفه صار صعب يحصلها الواحد في هالزمن .. و دايما قارني نفسج باللي ما عندهم وظايف و اللي وظايفهم اقل من شهاداتهم و اللي رواتبهم ضعيفه

2-هذي تكره هذي ، و هذي مالها خلق تشوف ويهه هذي و الثانيه تحس ان ماكو تقدير كافي حقهاا
اذا استمرينا على هالشي راح تتسرب المشاعر السلبيه و يصير فيج احباط و ملل و ضيقة صدر..عشان جذي لازم تحبين زميلاتج اكثر و لا تنسين ان ديننا اوصانا على التساامح و التعااون و حب الغير ، و خلج واثقه ان اللي تزرعينه راح تحصدينه وكل ما تعطينه للناس ينعكس ايجابياً عليج.

3-لا تكثرين من الملاحظااات و المقارنات في مجال عملج و داااايما ركزي في شغلج لكن اذا طلبت زميله مساعدتج لا تقصرين معاها ، يهالطريقه راح تاحذين اجر من رب العالمين و راح تكسبين زميلاتج اللي راح ينطرون اقل فرصه عشان يردون لج الجميل .. و راح تحسين ان الوقت يمر بسرعه و انج قاعده تصيرين اكثر نضجا و خبره عكس المهمله الي تتهرب من شغلها تلاقينها كل شوي تطالع الساعه ويمر عليها اليوم ثقيييييييل لأنها ما تسوي شغلها بأكمل وجه

4- في النهاية انتي قاعده تخلصين وتتعاملين مع لله الكريم الرزاق اللي يشوفج و يشوف اخلاصج وحبج لشغلج .. و و لما تخلصين في عملج فأنتي قاعده تشكرين الله سبحانه وتعالى على هذه النعمة الي عطاج اياها و تبينين تقديرج لها ، و لج الثواب والاجر الكبير بأذن الله ، ومن اكرم من اكرم الأكرمين وخير الرازقين ؟

5-التزمي بساعات العمل ، اذا تشوفين ان 8 و 9 واايد عيل شرايج ان في اللي يشتغلون 18 ساعة يومياً وبراتب ما يوصل ربع راتبج ومتغرب عن بلاده عشان يحصل لقمة العيش ، فحمدي الله سبحانه وتعالى و تأكدي ان هذه الساعات محسوبة عليج وهي الي تأخذين عليها راتبج ، وتذكري ان الله سبحانه وتعالى يبتلي من يقصر في عمله بالهموم والأحزان ويكافئ من يخلص في عمله ويعطيه حقه ، فلا تخلين للشيطان مدخلاً عليك ،،

6-لا تنسىين ان في صلاة الفجر بركه عظيمه تنعكس عليج طول يومج فتبدينه نشيطه وبطاعه ، وراح تلاحظين حتى تعامل زميلاتج تغير وتحسين بسكينه وطمأنينة
يقول الرسول صلى الله عليه وسلم " من صلى الفجر في جماعه فهو في ذمة الله "

7- حرصي على الصدقة من الصبح وانت في طريجج للدوام ، فأذا خذيتي فطورج الصبح معاج ، احرصي انج تزيدين وجبة تفطرين فيها مسكين في طريقج ، فتنعكس بركة عملج عليج ، ويلحقج بركة دعاء الملائكه لما تقول " اللهم اعطي كل ممسك تلفا وكل منفق خلفا"

8-تذكري ان مثل ما تعاملين الناس راح يعاملج الله سبحانه و تعالى

9- كل إنسان ما عنده هدف معين راح يحس بملل سريع لأن روح التحدي داخله خامده ، مثلا لو انتي ابله فحرصي انج تكونين افضل معلمه في مادتج، واذا كنتي موظفاً حرصي انج تكونين احسن موظفه في قسمج…

موضوعج وايد حلو

مع اني مو موظفه

بس انا بصير ابله و الكل يذم التدريس

بس بحط اب بالي اول شي ان التدريس مهنه نبيله و فيها اجر

و عيالنا امانه في رقابنا

^_^

تسلمين على المرور حبيبة قلبي

حده الموضع يااااا بوقته لانه حدي محبطه توني متعينه وقاطيني بروضه بعيده وحدها كأئيبه
بس كلامج وايد حلو
يسلمؤ

مـــــــــــــاشالله عليج كلامج عين العقل…وافكار تستحق ان الواحد يسوييها ويخلص في عمله..موضوعج جا بوقته لان واجد منا تعيين جديد وانشالله تكون بدايتنا صحيحه وموفقه.. الله يجزاج خير ويوفقج………..زانا عن نفسي بكتب الي قلتيه بورقه وانشالله باذن الله بحاول اطبقه

الله يجزاج كل خير ان شاء الله

يزااااج الله الف خير
موضوعج حده عجيب
ارجوووو التثبيت يا مشرفتنااااااا موضوعهااا يستحق التثبيت

خوش نصايح تسلميين

وبالنسبه للصدقه عندي بالدوام كل يوم الصبح لما اصفط بالمواقف اييلي الهندي اللي ينظف ويوقف عند سيارتي يبي صدقه

مرات اعطيه ومرات لا مايصير كل نفس الشخص واذا ماعطيته احس يتحلطم مادري شسوي فيه

حبيبتي موضوعج وايد حلو يعطيج العافيه

اختي الله فاتحلج باب خير وهذا انسان يقول بقلبه ان هالانسانة كريمة وتعطيني تخيلي نفسج مكانه ؟؟؟ عطيه انتي تتعاملين مع رب العالمين

الله يجزاج خير اختي على هالموضوع وياريت بعض معلمات واداريات المدارس وأقول.. البعض .. يقرون هالموضوع

موضوع حلوووووووووووووووووووووووووووووووووووووووووووووووو و

صاج حبيبتي

موضوعج خيالي

لان الواحد ما يقدر يقص على روحه سنين

الحل يصلحون الادارات ويشيلون المدرا والمسؤولين العقد

ياسلام عليج

ربي يحفظج

نورتي الموضوع حبيبتي و شكرا على المرور