|
|
قاعدة آكل بطاط
بقا بس شوي وأخلصه
نطرواااااا ما فيكم صبر
الحمدلله على النعمة خلصت 
حياكم الله مع موضوعي اليديد
موضوعي بصراحة يتكلم عن تقييم الناظرة والموجهة والوكيلة ورئيسة القسم
قبل ..
يوم كنا بالجامعة كان فيه إستبيان فيه مجموعة نقاط يتم فيها تقييم الدكتور بس من غير ذكر الأسامي
وكان فيه مربع في نهاية الإستبيان عشان نكتب الملاحظات الإضافية
وإللي كانوا إييبون الإستبيان موظفات مخصوصين لـ هالشغلة مو الدكتور نفسه
وكان تقييمنا يؤخذ في عين الإعتبار
عشان جذي ودي أقترح إقتراح 
لعل وعسى أحد يسمعنا
جان زين يصير عندنا إستبيان بنفس الطريقة يقدم للمعلمات ويتم فيه تقييم الناظرة والموجهة والوكيلة ورئيسة القسم
في كل سنة بدون ذكر أسامي المعلمات عشان ما يخافون ولا يصير حقد على بعض وبقلم موحد ويكون في موظفات مخصوصين من المنطقة التعليمية يقدمونه لنا
الإستبيان مو شرط عشان نكتب شي مو زين فيهم لأ
ولا وعشان ننتقم منهم 
لا والله يشهد على كلامي تدرون ليش ؟؟ 
والله راح يكون في صالحهم
وااايد ناظرات وموجهات ووكيلات ورئيسات أقسام زينين واااايد واايد ويخافون من الله بس بعض المعلمات شوهوا سمعتهم بسبب موقف معين صار معاهم وإشتكو عليهم بالمنطقة وخلاص الناس خذت عنهم سمعة إنه الناظرة أو الوكيلة مو زينة وظالمة ….ألخ وهم تلاقينهم عكس ذلك زينين ويهبلون ..أتوقع الإستبيان ينصفهم ويعطيهم حقهم
والعكس صحيح
ووايد ناظرات وموجهات ووكيلات ورئيسات أقسام ظالمين ومستبدين ومسيطرين والأبلات خايفين يتكلمون عنهم وخايفين يشتكون والمنطقة ما يدرون عنهم ..اهني الإستبيان ينصف المعلمات ويظهر الحق دون تجريح
هذا الإستبيان لو طبق ما فيه تصيد لهم أو إنتقام وقلة أدب
لا بالعكس من صالح الجميع
مثلا على كل نقطة تصير نسبة معينة إذا الناظرة أو الموجهة أو الوكيلة أو رئيسة القسم خذت أقل من النسبة يتم مناقشتها ومحاسبتها على التقصير
أتمنى من المسؤولن إللي يقرون الموضوع 
يوصلون الفكرة
إنتو شرااايكم يا أبلات ؟؟
|
المشاركة الأصلية كتبت بواسطة قوطي نيدو
 منو اللي يسمع ؟؟
|
وفوق هذا منو اللي بيطبق دام الواسطة تطلع لنا رئيسات الاقسام ؟؟
لكن ان شاء الله يتبنون الفكرة …. ويطبقونها لان احنا محتاجينها
يعطيج العافية حبيبتي 
_03ba: تقييم مدارس .. مديراات .. رئيساات اقساام
إن شاء الله أحد من المسؤولين يسمعون الفكرة
وينقلونها للوزيرة لأنها في صالح الجميع