|
|
السلام عليكم ورحمة الله وبركاته
تحية قانونية معطرة لأجمل طالبات طموحات
اليوم الله يسلمكم .. تشرفنا بزيارة
الـ KiLAW (كلية القانون الكويتية العالمية)
طبعا قبلها بيومين قلت لأخوي عشان يوديني
ومارد علي .. بس آنا اعتبرت السكوت علامة الرضا
مع ان القانون يقول " لايُنسب قول لساكت "
المهم .. أكدت عليه بالليل وقلت له نروح 9,30 وطبعا مبجر هالوقت
بس آنا أحط فترة احتياطية ولاّ أدري مابنروح بهالحزة
المهم آنا كنت أفكر متى أنام وآنا قاعدة المغرب 
اللي صار انه نمت الساعة 7 الصبح و10,15 دق منبهي وأقوم وآنا مغمضة
أقعد أخوي مارضى يقعد وأخوي الثاني النحيس كان قاعد وأقول له ودني قال
خليه اهو يوديج
وآنا جني ماصدقت .. ميتة وأرد سريري
كملت نومتي .. وقلت أقعد صلاة الظهر أصلي ونمشي
بما انهم قاعدين للأربع على كلام ميسون
المهم قعدت (وحدة إلا) صليت وأشوة رضى يوديني
وطلعنا وقلت له على مكانهم وطول الطريج ماسألني
سيدة وداني من لقافته على (الاكاديمية الامريكية للعلوم والتكنولوجيا) جنه جذي اسمها
ويقول لي مو هذي اللي تبينها ؟
لا مو هذي .. ونظل نفر نفر .. وصلنا الترفيهية
.gif "Eh S(9)")
ومسحنا المنطقة ولقيناها بالاخير
شفت مبنى جديد ومبين ان اهيا .. قلت له هذي هذي
قال لي : على كيفج
وآنا أقوله : امبلى هذي
وطبعا كان المبنى مقطوط بصحرا بروحه ماتدرين من وين تدخلين له
قلت له : يهدي شوي ولا مكتوب دخول ودخلنا
وعينج ماتشوف إلا مبنى جديد وعمال حوالينه !
يعني ماتتوقعين أحد داخل
بس آنا متأكدة ان بلاقي أحد لأنهم قايلين لنا
هذي صالة القبول
شوفوا الطابوق .. للحينهم شغالين بالمبنى
وهذا السور
الزبدة .. أدري طولتها وهي قصيرة 
دخلت ولقيت يمكن ثلاث أشخاص
بس اللي تستقبلكم وحدة
سألتها قلت لها بسجل وجذي
قالت: جم نسبتج؟
قلت لها : لأ بدخل على دبلومي
شكثر تعادلون ؟
قالت : ماكسيمم 45 وحدة يعني سنة ونص
شكثر رسومكم ؟
قالت 90 دينار حق تقديم الطلب
وكلها شكثر ؟
قالت : 154 دينار للوحدة
قلت لها : الله وايد .. محد بيجيكم
قالت : لا والله شكثر يونا (أشك) 
سألت بعثات ولا على حسابج .. قلت لها : على حسابي مع انه حسابي مكشوف
وأيضاً قالت .. فيه اختبار قدرات يوم 17 عربي وانجليزي
وكان في بالي شكثر أسألة بس كلهم طاروا
وخذيت منها بروشور و ورقة الاوراق المطلوبة ومشيت
بس صج لاتروحون بنات بروحكم
المكان موحش
بس ميزته ان محد راح يعاني من قلة المصافط
لأن المكان كله مصافط لووووول
براحة محد يم هالكلية
ماكو جيران كلللللش
يعني مو بس مصافط إذا بغوا مهبط هيلوكبتر بعد
مااقول الا حسبي الله ونعم الوكيل فيكم يا الديوان لو موظفينا جان مافكرنا نكمل
شفيج .. ؟!
قصدج عشان تكلفتها عالية
واصلن ما يقبلوني لاني معدلي اقل من نقطتين ونص
مع اني ادرس حقوق بس توني ادري
شنو دراستها بس قانون؟ وشنو شهادتها؟ وفيها ماستر ودكتوراه؟؟
|
المشاركة الأصلية كتبت بواسطة اصلن عادي
 اي والله غاليه
واصلن ما يقبلوني لاني معدلي اقل من نقطتين ونص |
والله غالية من قلب 
آنا معدلي يسمح بس فلوسي ماتسمح
للحين مو أكيد تسجيلي فيها .gif "Eh S(2)")
شروط إضافية للحاصلين على شهادات الدبلوم:
– أن يكون الطالب قد درس و حصل على درجة الدبلوم من مؤسسة تعليمية معتمدة داخل الكويت أو خارجها ( لا يشمل دبلومات التدريب).
– ألا يقل المعدل العام للتخرج عن 3 نقاط في نظام الأربع نقاط أو 80% في الأنظمة الأخرى.
– أن يكون حاصلاً على درجة الدبلوم خلال السنة الحالية أو السنتين الماضيتين.
– ألا يكون حاصلا على الإجازة الجامعية أو ما يعادلها.
– أن يكون حاصلا على قبول في إحدى المؤسسات التعليمية الخاصة في الكويت و ألا تقل الوحدات الدراسية المقبولة للتحويل عن 30 وحدة دراسية.
– تتضمن البعثة فصلاً دراسياً واحداً فقط للغة و المواد العلاجية عند اللزوم غير قابلة للتمديد.
وشهادة الدبلوم لازم المعدل جم يكوووون ؟؟
|
المشاركة الأصلية كتبت بواسطة دمي خفيف
تصدقين اول مره اسمع فيها!!
مع اني ادرس حقوق بس توني ادري شنو دراستها بس قانون؟ وشنو شهادتها؟ وفيها ماستر ودكتوراه؟؟ |
بس قانون
(دبلوم قانون / ليسانس حقوق / ماجستير في القانون)
دكتوراة للحين مافي
|
المشاركة الأصلية كتبت بواسطة كيفي قدساوية
أنا بسجل بالكلية عن طريق البعثات الداخلية شلون اللي تعرف لا تبخل علي معدل 3.30 يعني زين
|
sisley ماقصرت
وبالتوفيق قدساوية
|
المشاركة الأصلية كتبت بواسطة أم*سلمان
اول ممره اسمع عنها
|
هم من زمان يسولفون عنها
والحمدلله ظهرت للوجود أخيراً
مع اني متوقعة يطولون أكثـر
حتى تفاجأت ان بيبلشون الكورس الجاي
بس تدرين .. قطاع خاص
ماشاءالله فلوسهم جاهزة والحكومة بصفهم
فـ مايعوقهم شي
|
المشاركة الأصلية كتبت بواسطة sisley_q8
هاذي شروط البعثات الداخلية
شروط إضافية للحاصلين على شهادات الدبلوم: – أن يكون الطالب قد درس و حصل على درجة الدبلوم من مؤسسة تعليمية معتمدة داخل الكويت أو خارجها ( لا يشمل دبلومات التدريب). |
يعطيج العافية sisley
جان زين تنطبق علي
وبالتوفيق للي تنطبق عليهم