السلام عليكم جميعا ..
طبعا انا متابعه هالمنتدى بصمــــت صارلي فتره طويــله ..
لاكن اليوم قـررت اسجل واشاركم بأفكاري وحركاتي ومنكم نستفييد طبعا " ياما استفدت منكم وااجد حبيباتي "
اني واي
انتهينا من المقدمه وبدخل في صلب الموضــوع
بنات انا زوجي ماشاءالله صوته حلو لما يغنــي ..
وانا بعد هم صوتي حلوو مرات وانا اطبخ ولا وانا لاهيه يعني ادندن بيني وبين نفسي
اهو سمعني مره وانا اغني طبعا ويهي صار " " وقعد يحن علـــي الا اغنــــــي !!
وانا مستحييييه ومنحرررررجه واحس ودي اهفه كف من كثر الاحراااج !!
واتخيل شكلي وانا منحررجه واغنييي احس ملامح ويهي تصير " غباء وسخافه " !!
وكله ارده بهالشي .. بس مره اهو قاعد يغني الاغنيه اللي انا احبببها
ويوقف فجأه ويعطيني النظره " القاتله " على ابتسامه " خطيره " ومع حركة الاصبع بشكل دائري!
يعني يلا دورج كملي كملي .. الاخ عباله رويشد ونوال
واخرب السالفه كلها يقولي لي متـــــى !!
اقوله انا احب صوتك وانت تغني شتبي بصوووتي !!
بس يعني نشبة وناسه ماراح توصل " اروح بيت اهلي واكلم ابوي عن هالموضوع لاااا ! "
واللي بعرفه الحييين في احد نفس حااالتي ؟
في وحده من كثر الميانه تحط عينها بعيون زوجها وتغنيله " احس قمة الرومانسيه صراحه خصوصا اذا كانت اغنيه هااديه "
حده ودي اسوي هالشي بس مستحيييه ومافيني جرئه مع اني مع خواتي وبنات خالتي اصير
" فطوومه"
يلا ننتظر الردووود واتمنى يكون موضوعي يعجبكم بما اني " مستجده " بمنتدى كويتيات
المايك لكـــم !
لووووووول
شفيه ريلج لا يكون حسباله متزوج شاديه خخخخخ
بس يمكن حاااب صووتج
ههههه انا ماحب احد يقولي غني بس بروحي لي اندمجت اغني لول بس الصوت نشاز
اقتباس:
المشاركة الأصلية كتبت بواسطة marimor
لووووووول
شفيه ريلج لا يكون حسباله متزوج شاديه خخخخخ
بس يمكن حاااب صووتج
|
هههههههههههه مرات اتوقع يجاملني اصلا ! بس صوتي حلو افا عليج يعجبج " :d!"
ومشكورين بنات على الرد
ههههههههههههه لا لا شسالفة نغني مع بعض احس نضحككككككككككككككك
لكن ما يمنع اني اغني بروحي
اذا صوتك حلو غني عادي…
يعني اهي مو بس زوجه
لا
زوجه
طباخه
رقاصه
فنانه استعراض وترفيه
مقلده للشخصيات بالملابس التنكريه
عارضه ازياء
وبالاخير
مغنيه
أنا هيفا أنا من غيري أنا ,,,,,,,,,,,,,,,,,,
هزلت ليهني وبس خخخخخخخخخخخخخ
لاااا شدعـــوه ماشوف ان فيها شي يفشل لهدرجه !!
يعني بالنسبه لي اغني فيها رومانسيه ودلع اكثر من لما البس لبس تنكري على " خرتيت " مثلا ! P:
و الله لو صوتي حلو جان غنيت
بالعكس احس فيها رومانتك
اهو صح شي محرج اشوي ويبيله جرأه
بس انا لا صوتي حلو ولا شي عادي مثل اي احد
ومع هذا احب اغني له بس مو وايد بعض المرات
يعني مرات اتصل عليه اغني احب اغني بالتليفون لووووووول
ومرات اذا زعلان علي اغني له
بس من الخجل كله اغني وانا مستحيه حسباله دلع ههههههه
وبعض المرات قبل النوم بالظلمه يقولي غني لي ابي ادوخ
مشكوره ع الموضوع
مشكوووورين على وجهااات النظر بنااات :>
واخيــرا!!
في احد مأيدني
والله اغني وارقص بعد لول شفيكم عادي يعني صوتي عادي موحلو بس عادي وناسا
انا كنت اغني لصديقاتي بالمدرسة ايام المتوسط والثنوي
جات على زوجي ؟؟
بما ان الحمد لله صوتي حلو في االغنى اغني لزوجي
بس مو كل الاغاني اضبطها بس الهاديه
اذا حافظه الاغنيه كملي معاه عادي مافيها شي بس اذا بتقولين ويع وشكلي سخيف بتلوع جبدج كملي وراه وشوفي
ترى وناسه لووووول احب هالسوالف
تييني دقه اني اغنيله ومرة قالي بغنيلج اتحملي صوتي قلتله عادي غني
جان يزعل شقصدج صوتي موحلو
ياابن الحلال شفيك انا ماقلت شي
قال ليش يوم قللتج صوتي مو حلو ماقلتيلي لاصوتك حلو
خخخخخ
اخر شي ماغنى لووول