تعليم القراءة والكتابة >> بطريقة سهلة وسريعة

السلام عليكم ورحمة الله وبركاته

طبعا مايخفى عليكم اهمية ان الطفل يتعلم القراءة والكتابة الصحيحة قبل لايوصل ثانية أو حتى ثالثة ابتدائي وبما ان مناهج اللغة العربية دسمة وصعبة باعتراف التربويين نفسهم

فصار لازم يتدرب الطفل في البيت على القراءة والكتابة بطريقة تساعده باختبارات المواد الثانية

وهذي طريقة مجربة وحلوة وسهلة لتعليم القراءة والكتابة لعيالنا واهي بالأساس طريقة من شخص تربوي

اول شي مسكي كتاب ولدج العربي وكلمة كلمة تهجيها مع الطفل >> ادري كبداية بتتعبين بس تحملي

وبعدين على صوب بورقة خارجية خل يكتب الكلمات مثل

نام

ذهب _ لعب

أكل – سافر

وعطيه راحة

وقولي له خل نكتب حرف الراء وحرف ال ك او اي حرف تشوفينه صعب عليه

وردي خل يقرا الدرس اللي بديتي فيه

ومع تكرار عالعمليه ساعة باليوم تعالي شوفي التحسن والتقدم بمستوى ولدج او بنتج

هالطريقة سهلة ومحببة اكثر من النسخ اللي يمكن ينسخ ويتعب واهو مو عارف أشقاعد يكتب *

احس القراءه وربط الحروف متتتتعبه انا بنتي تعرف الحروف بس الصعوبه بربط الحروف وقراءه الكلمه كامله اشلون اعلمها؟؟؟؟؟؟

هلا والله بالأميرة جوري

بالنسبة للربط عطيها كلمات صغيييرة مثل

من

هل

كم

استمري على الكلمات الصغيرة اسبوووع كامل

بعدين تدرجي عطيها

سمر ، عمر ، عمل ، كتب ، طار >>> نوعي بالحروف واهم شي التهجئة يعني واهي تكتب تقرا اللي تكتبه

مثال اكتبت بحر تنطق ب ح ر واهي قاعد تكتب

والله يوفقها ويسهل عليها الدروس يااارب

وعلى فكرة احنا نحس بصعوبة لان بالبداية صعب تتخيلين هالطفل راح يقرا كلمات مثل يدرس و يمرح ويستطيع

لكن مع مداومة القراءة مع الطفل من قصة او من القران الكريم او حتى درسه راح تعرفين ان ممكن انه يقرا اصعب الكلمات

وع انتي شفتي مناهجهم
اولى بتدائي يتحجون فيه عن قصص وحالتهم حاله

الله يرحم ( انا اكل )وجمل قصيره سهله … الحين ماادري شلون مركبين هالقصص لطفل مايعرف توه

حبيبتي عندنا صعب وعند عيالنا صعب بس بالبدايه لكن اذا مدرسة الماده زينه والام شاده حيلها مع ولدها وتخصص له وقت لو نص ساعه باليوم تجابله فيها بيسير كل شي اوكي
انا بديت من امس اراجع مع عيالي توقعت ناسين كل شي مع العطله لكن ماشاءالله عليهم الكلمات اللي اعطيهم اياها يضحكون عليها يبون اصعب فديتهم الله يوفقهم بدراستهم ويقر عيني بنجاحهم يارب

أحلام روحي

فعلا المنهج دسم وكلماته فيها اكثر من مهارة

الله يعين عيالنا ويسهل لهم كل صعب*

ماشا الله

الله يوفقهم وأكيد اتفق معاج ان هذا ناتج جهد المدرسة مع الام

بارك الله بعيالج والله يحفظهم

مشكوره حبيبتي
وبعد خليها تتهجى اي شي اتشوفه حتا لوانتوا طالعين تتهجى اسماء المطاعم المحلات
بيعلمها وايد هالشي
وبعدين ابدوا وياهم بالمقاطع الساكنه اللي من حرفين اسهل وكملوا

الله يعطيج العافية شادن

فعلا اسامي المطاعم او العناوين الكبيرة بالجرايد

ومشكووورة عالاضافة الحلوة

جزاك ربي خيرررررر

طبعا انا عندي طفلين بعمر التاسيس في بدايه حياتي معاهم ..

بلشت بالحرووف الهجائيه .. وهذى انسب طريقه .. تعلمينه الحرووف بأشكالها .. مثلا حرف الباء بجميع حالاته

طبعا هالطريقه عشان تاسسين حق اولي ابتدائي وطريقتي كانت ناجحه واتبعتها مع كل عيالي ولله الحمد الحين اهم من المتفوقين .

تبتدون بحرف الالف مثلا .. بالفتحه والضمه والكسره ..

وبعدين اشكال الحروف .. مثلا حرف ال باااء .. في بدايه الجمله ينكتب بـ وفي نهايه الكلمه ينكتب ب .

والحروف اهي اهم شي بالموووضوع يعني اذا تبون عيالكم يقرون ويكتبون من غير نسخ وحفظ لازم يعرفون الحروف بجميع حالاتها ..

وطبعا لازم تبتدوون معاهم هالتأسيس من اولي روضه .. وتستمروون لين يوصل الاول ابتدائي

واذا اتبعتوا هالطريقه والله ما راح تتعبون مع الياهل لا دخل اولي لانه المنهج الحين من غير حروف علي طول جمله امل فراشه بيضااء والحق ربعك ..

الله يعينهم ويعينا يارب ..

قواج الله اختي علي الموضووع وجان زين ينقلون المووضوع بقسم اولياء الااموور عشان الكل يستفيد .

مشكورة

تقبلي مروري ياعسل

بعد عمري ام كوثر

ومشكورة عالاضافة المفيدة وفعلا طريقتج احلى طريقة لعمر التأسيس