|
|
اكتبلكم تجربتي لما كنت حامل في بناتي التوام؟شصار فيني ؟.gif "Eh S(11)")
بنات حملي كان حيييييييييييل متعب ولله الحمد وكنت حيل مااكل شي اسمه فيتامين؟ معدتي ماتحمل لو اكل يوم اخليه
عشره ايام ؟مالي خلق ومع هذا ياني ضغط حمل وضيق تنفس بس ماهتميت المهم.gif "Eh S(10)")
بنات بعد ماولدت بلمستشفى قالي الدكتور غلا دمج حييييييييييييل نازل يعني انيميا حااده حيل لازم تاكلين حبوب الحديد وحبوب الدم عشان دمج؟؟
قلت بيني وبين نفسي ؟؟ايي انطرني اكلهم ماصدقت اولد ؟؟ارد اكلهم ؟؟
بس والله يابنات نصيحه لله ونصيحه من اخت لخواتها لالاتستهنون بامر الفينامين والله ؟
المهم؟لما صارلي تقريبا 3شهور والده؟؟؟ تقريبا على حزت المغرب ياني نفس اختناق برئه ولااقدر اتنفس وايدي اليسار طاحت
وصارت ثقيله واصيح وانادي ريلي وخالتي والكل يركض يناديني وانا اصيح واقول انا ماتنفس احس شي يخنقني؟
وفجاه ولا يغمى علي
ومافتحت عيني الا بلعنايه ان شالله ماتجربونه صار فيني ذبحه صدريه من درجه الاولى وكانت ادموعي:eh_s
(11): اتذكر بناتي وقلبي معاهم واقول لخواتي وخالتي بناتي في ذمتكم والله شفت الموت في عيني
وقلت يبوهم ابشوفهم ؟وثالث يوم يابوهم كان صدري مليان اجهزه واهم صغار حييل واشوف نظراتهم لي واقول يارب
رزقتهم فيني بعد سبع سنوات يارب لاتحرمني منهم يارب يارب
وبعدها الحمدلله تقريبا بعد عشره ايام طلعت من المستشفى ومافيني الاالعافيه وليومكم هذا وانا اكل حبوب الفيتامين ولا اخلي ولا حبه
وبناتي اعمارهم اربع سنوات ادعولي ان اللله يصلحهم ويرزقنا لهم اخوان يارب
ادري ضيقت صدووركم بس والله اكتبلكم لوجه الله ابيكم اديريون بالكم على حبوب الفيتامين وعسى الله يسهل على كل وحده حامل يارب ويرزق اللي تبي الظني يارب
ومشكوره عالنصايح
احنا مشكلتنا نشوف شنو نبي احنا وشنو نشتهي بس مانفكر ان في ارحامنا اجنه احنا مسؤولين عنهم
قبل بحمالاتي القبليه ماعرف هالسوالف واطنش لكن سبحان الله من دشيت الكليه وخذيت مادة تربية صحية ومن حملت ولله الحمد همي الاول اللي في بطني لاني مسؤوله عنه وايد من عيالنا نقول ياربي مايقدرون يركزون واللي مادري شنو وكله من اكلنا وشنو نعطيهم اعرف وحده ولدها عمره سبع شهور تقريبا لمن تطلع مالها خلق توكله او الله اعلم شنو السبب كل اكله على الكستر والكراميل وهالاشياء الجاهزه اللي بالجمعيات وانا اقول حراااااام كلها مواد حافظه كلا فيها الوزان صناعيه
يازين التفاحه او لاموزه بقفشه صغيره اهرسها له واوكله شي طبيعي وماطاف عليه وقت بحيث يفقد قيمته الغذائيه
نصايحج والله حلوه ومفيده ومن واقع تجربتج
الله يخليلج بناتج ويحفظهم لج ويرزقج باخوان لهم يارب
والله يخليج لعيالج ويرزقج بالولد الصالح يارب
عاد انا نفسج ما اكل الحبوب وامي كله تزفني
ان شاءالله اذا الله كتبلي بداوم عليهم
والحمدالله على سلامتج
صاجه نتهاون بأشياء مهمة ،، لو ندري انها جذي بتسوي جان ما نسينا و لا حبه ..
الله يخليج لعيالج و اهلج ..
الحمد لله على سلامتك هذا اهم شي والله يخليلك البنوتات ويحفظهم ربي من كل شــر
تحياتي لج حبوبه
وعسى الله يخلي لج بناتج ويرزقج بالذريه الصالحه
اللهم امين يارب
اي والله صاجه حبوب الفيتامين ضروريه وقت الحمل
وفي البعض من البنات يستهزئون فيهم
وجزاج الله خير على هذه النصيحه .. ويجعلها في ميزان
حسناتج
والله يخلييلج بناتج وتفرحين فيهم وباخوان لهم عن قريب ان شاء الله
اي والله الفيتامينااات حييييل مهمه ومفيده بس الوحام يخلي الواحد تنسد نفسه
نتقصب عليهم عسى الله يسهل ويسر علينا الامور