|
|
السلام عليكم
كيفكم حبوبات شخباكم
بنات ساعدوني والله تعبت حيل حيل مع ابني عمره اربع اشهر يعني توه صغيره وكل شوي طايح مريض من صدره
كحه وبلغم ونشله وحراره وتعبان وماله خلق ابد
يعني بالشهر يطيح يمكن مرتين او ثلاث تعبان
لا تقولون انا ام مهمله لالالا بالعكس انا محاميه عليه من كل شي وهاذا الي مجنني
احميه من البرد والغبار والهواء ومن المرضانين والتكييف والحشرات ومن كل شيي تتخيلونه
بنات انا تعبت تعبت
ساعات اوسوس اقول ليش ليش ممكن يكون في شي بشقتي يسبب له المرض وتلقوني طول اليوم موسوسه وافكر ومالقى شي بعد عيوني كاسر بخاطري صغير ويعاني
وعتب زوجي وخالتي انا والله نظيفه وتعبت تعبت وانا احميه ورغم كذا مافي فايده
وانا اعرف ابني عنده تحسس عالي
ساعدوووووووووووووووووووني
انا بالجهراء وابي دكتور يفضل استشاري ابيه بالجهراء
انا سمعت عن بندر المطيري تكفون الي تعرف رقم عياته بالجهراء لا تبخل علي بالرقم
محتاجه الرقم عشان احجز عنده
والله يجزيها الجنه انشالله وكلنا جميع
ويبعد المرض عن اولادكم آمين ويحميهم من كل شر
لاتسكتين على ولدج تري باجر يصير فيه صدر اسم الله عليه
جريتي تعطينه اعشاب لاتقولين مااحب اسوي هالسوالف لان الاعشاب حيل مفيده مثل البابونج ورق الجوافه
واذا تبين دكتور دوري الزين وتعني الطريق عشان اولدج
عندج سناء معروف
وسعاد البصيري
واذا ملزمه الا بالجهره انا احب الدكتور وائل اطفال بمستشفى العرف
حبيبتي روحي لدكتور بندر المطيري استشاري اطفال تخصص جهاز تنفسي
عيادته جدام مركز سلطان مواعيده الصبح بس يوم السبت من9الي 1
وباقي الاسبوع العصر من4 الي 9
انا جربته بصراحه رووعه
والرئه عنده مو مكتمله .. والله العظيم انه يعور القلب من انولد وهو كمام وحاله حاله …
وطيحاته جااايده اسمالله على عيالكم ..
لين طحت على دكتور بفضل الله سبحانه وتعالى … ثم بفضل الله سبحانه .. ثم الدكتور .. وااايد زين ..
ومن حظج انتقل راح الجهرا قبل فتره..
سألي عنه بمستشفى العرف .. دكتور اطفال مصري اسمه ماجد
والله يا اختي ولدي الحين ماشي على علاجه وتحسنت حالته 90 %
كان معطي ولدي علاج وقائي .. والله دكتور قوي
والله يطمن قلبج ويشافي عيالكم أمين والمسلمين
يوم زاد ولدي توكلت على الله ورحتله ماشاء الله تبارك االرحمن ليومج هذا ما شفت الصدر
انصحج فيه توكلي على الله ترا عيبه يتعامل بلأبر بس ماشاء الله ممتاز للصدر
بس الاروع منه سعاد البصيري وهذي الي لازم حجز من الزحمه الي عندها
والشرقاوي ما احبه ادويته قويه على الجهال
24569119
ومابى منج الا الدعاااااء لعيالى
د. سيد اسماعيل رضا >>> استشاري قلب م. مبارك الكبير
وعنده عيادة خاصة دقي على البدالة ولا سوي بحث بالمنتدى تلقيني حاطة رقمه باحد المواضيع
ميخالف مو بالجهرا بس انا ولدي تعب نفس ولدج وخوفوني والحمدلله الحل كان عندهم هالاثنين
وكذلك حطيله بماي المطارة خمس حبات حلبة وان شاء الله تخف حالته