|
|
تكفون صاير فيني احباط من عيشتي الزوجية والله
وحاسه اني اتعس متزوجة بالعالم ……زوجي ايده طويله وماكو شي عنده الا بالطق ……
او الغلط والاسلوب ؟؟؟؟؟؟؟؟؟؟؟؟؟؟ عرفتوا….
عايشة معاه بجحيم اعوذ بالله …..وعمري ماقصرت….
ايام الملجة كلمته وحطلي الشمس بايد والقمر بيد …..وطلبي وتمني….
وكنت موظفه بمكان كل الناس تحلم اتوظف فيه وظيفه حيل زينه…..وحط دوبه ودوبها وقال ان مايحتاج اتوظيفين لان عندي خير والحمد لله قادر اعطيج بدال الراتب 10……والله
واصدق واروح اقدم استقاله…..واقعد بالبيت بالاول كان يعطيني ومايقصر …..وبعدين شافها اطواله وبطل والاخ طبعا عنده ولاء لاخوانه …..كل واحد يبي قرض يزعل عليه وبعدين ياخذله قرض
لمن صفينا بلا شي …..
وطلع ماعنده شي ….والله وبعدين حط اسمي بشركة عشان ياخذ راتبي من العمالة طبعا البطاقة مالت البنك معاه …..وياحسرة قلبي….قاموا اهلي يكدون علي وعلى ولدي…..
والعيشة معاه كلها تهديد بتهديد
كل ماقلت ابي السوق او اي مكان قال المرا مالها الا بيتها…..
واذا زعلت عليه قال تبين اطلقج….
وانتوا تدرون الطلاق صعب والمشكله ماحب اشكي لاهلي وامي عشان مايخذون بخاطرهم ويتحصرون اني تزوجته…..
ومالي غيركم
شسوي .؟؟؟؟؟
تكفون قولولي وادعي لكل وحده تساعدني ولا تعطيني حل
اختى انا ممكن اقولج صبرى على العوز..على اهله..
بس عالطق..اسمحيلى شبقى بعد..
تدرين شنو مشكلتلك انك مو عاااارفه قدر نفسك..
والحمدلله انتى مو بحاااجه له حتى شهااااده عندك..شاللى مخليك
متحمله كل هالشى ماادرى ..حتى يهااال ماعندك غير واااحد ..
المشكله فيك قبل لا تكوون فيه ..لازم تحسسينه بقيمتك ..ومابيحسهااا الا
لمن انتى تعرفينهاااا..حاولت اختصر ويارب المعنى وصل ..
وان شاء الله الخوااات مايقصروون ..وربى يرحم بحالك ويفرجها عليك
اللهم امين يااارب العالمين.
من ضعف الرجل انه يستضعف المرأة ويمد ايده عليها
اختي ….
اوصيج بالصبر اولا …
وثانيا … في وقت يكون فيه هادئ وباله تمااااام
حاولي تفتحين معاه المشاكل … وحده وحده كل مرة
ولا تحسسينه انج بتقولين انه غلطان لانه شكله مو مال ينقاله غلطان
وحاولي تتحدثين عن قصة وحده نفس مشكلتج وكانج ما تقصدينه
الهدف انج توصليله المعلومة … اذا الله يهديه يفكر ويراجع نفسه
حاولي مرة وعشرة وعشرين
اما الطلاق …. لا توصل المسألة للطلاق
والله يلهمج الصبر وييسر امرج
والله يصبرج ويوفقج بحياتج وييسر امرج عاجلا ام اجلا يارب العالمين
ماخذينكم من اهليكم عشان يوولونكم ويصيطرون عليكم استغرلله كلنا مانخلا من المشاكل
بس شنقول غير حسبي الله ونعم الوكيل
ادعي ان الله يهدي لج ويسخره يارب
والصبر مفتاح الفرج اصبري وانا اختج مدام عندج طفل وكلمة طلاق ماراح يقولها يهددج فيهاا
الا اذا بايعج
وتفهمي معاه انج بتردين اتوضيفين لان حالتكم تئزمة
والله يعينج
حبيبتي ام خالد اولا اكثري من الاستغفار وقيام الليل
ثانيا حاولي تقعدين معاااه وتقوليله لاتمد ايدك بس بطريقة عادية موطريقة تهديد ديري بالج من التهديد لان الرجل يعاند بالتهديد وعن الامور الي تضايقج
ثالثا اذا مانفع قولي حق اقرب شخص لج من اهلج وصارحيه بكل شي والحمدالله الله عطاج ولد الله يخليه لج والقانون يجيبلج حقج غصبن عليه وانتي عارفة
ويام خالد الرجل اذا شاف مرته ضعيفة وخوافه منه يشوفها بعينه ولاشي للاسف ويعتبرها مذله لها وقفيه عند حدة والله وبالله وتالله راااح تشوفينه يحترمج ويحطلج الف حساب بس قبل كل هذا تاكدي انج مومقصرة بحقوقة وادعي ربج
اللله يوفقج ويسخرة لج يارب ويهدي كل ريال لمرته
ادعيلي بالذرية
حسبي الله ونعم الوكيل
والله يهديه لج ويسخره يااااارب
لانه شايفج خايفة من كلمة الطلاق و مستعدة تعيشين معاه مهما سوا
حبيبتي الريال ما يحب المرا اللي تخضع له
اذا مد ايه المره اليايه اوقفي بويهه و اخذي قشج و طلعي من البيت
خل يعلم و يتأدب
الاحترام اساس الحياة الزوجية
انتي اللي خليتيه يتمادى و انتي اللي بايدج تصلحيه << حطي هالجملة ترجيه باذنج
انتي بيدج تسنعينه
طلعي من البيت و لا تردين الا بشروووووطج و ردي حق وظيفتج .. خل تكون عندج حياة مستقلة بعيده عنه
و اذا ما يغاج المنه عليه … ابدي حياتج من يديد .. الحياة مو واقفة عليه
الطق عمره ما كان اسلوب للتفاهم
و لا تقوليلي صعبة اتطلق … تتطلقين و تعيشين بحرية و بكرامة احسن ما تعيشين متزوجة و كل يوم تنهان كرامتج فوق الالف مره
ولازم تتفاهمين معاه بهدوووووء او تخلين احد كبير يتدخل بس يكون فاهم ويعتمد عليه
والله كرييم
الحل بايد الرجاجيل ولا يحلها الا رجالها
هو مستهتر بالحرمه واكل حقوقها
واجهيه برجااال
ايه لازم رجال من طرفكم يقوله حنا ماعطيناك الا بنت معززه مكرمه تحافظ على كرامتها وتحميها وترفع قدرها
مو انك تهينها وتحرمها من ابسط حقوقها المصرف والامن وانت موقد المسؤوليه والرجوله ومن هالكلام القوي لازم شده عليه
ولازم ياخذ عليه تعهد وشروط وانه يحافظ عليك ويحترمك ويوفرلك الحياة المستقره والاماااان بعدم مد اليد
ولا تخافين من الطلاق اولا لان الي مثله هو يخاف نفسه من الطلاق بس يتهددك لانه يعرف انك خايفه من كلمة مطلقه
وثانيا اذا رفض وماتجاوب والله العظيم العيشه بدونه افضل الف مره وربي بيرزقك افضل منه وولدك اسمه ولد مرده لك الحين اواذا كبر شوي
اهم شي الشده عليه لا تعطينه فرصه يستغل خوفك لازم الامر يوصل لرجل ياخذ حقك ويطالب بحقوقك عنده ويحفظها لك لازم