|
|
عندي مشكله
بدخل بالموضوع بسرعه
انا مالجة من 7 اشهر وماخذه من العائلة الكريمة
انزين يا طويلا ت العمر
من ملجة وهو ما يزورني ولا يتصل الا اذ حد قاله اتصل فيها …
(او ) اذا ما عنده شغله يسويها (يعني وقت الفراغ)
ولما ارد عليه بتلفون كل كلامنا رسمي جدا واوامر بس …ما شيء مشاعر
ومره اتصلت فيه قال انا مشغول بعدين بكلامج….(بصراحه يقهر)
وصارت مشاكل واااايده (غير جذيه)
وطلبت الطلاق منه
تم يتصل بي وااايد وانا ما ارد
المهم… كل شخص في العائله تدخل في الموضوع (خوالي وخالاتي ويدتي)
بهدف واسطة خير
وتمت الاعذار تطلع
1- عذره انه عنده مشاكل في الدوام
2- انه ما عنده وقت لانه يدرس في الجامعه ويشتغل
انا بصراحه اشوف انه مب قد المسؤولية
وبعدين انا وين مكاني في حياته
يريد ..يدرس …ويشتغل… ويعرس.. في نفس الوقت
واذا مثلا تصلحنا مب قادرة انسى ولا هو بينسى ومشاكل الي قبل بتأثر على حياتنا بعدين
بنات اريد حل ؟!!
قراري خطا ولا ؟
احس في شيء ناقص
مب عارفه شنو
لاااااااااااااااااااااااا شنو طلاااااااااااااااق
أنا مثلك مالكة لي 5 شهوووور كثير أنقهر من أنشغاله عني ..!!
تدرين ليش لأنه ماتعود يكون في حياته زوجة .. بس تجين عنده بيتعود ..!!
وغلطتك كبر الموضوع مو زين أبد يتدخلون الناس بينكم لو أمك ..!!
أنتي حلي أمورك وخليك ثقيل خليه هو اللي يدق لاتدقين ولاترسلين
خليه هو اللي يبادر بالأتصال والمسجات
والله خطيبي أكلمه وأهلي مايدرون عشان التقاليد وماتقاليد بس ماعلي كلمته ..!!
وحليت أموري بنفسي ..
مرة تهاوشت معه قلت خلاص ماعاد تحبني ..!!
وبرر لي بكل بعقل قال مشغول وعندي ألتزامات وهو داش دورة عسكرية وضغط وتعب
حسيت روحي صغيرة وماأقدر ترى مو كل شي حب وحب وحب
الحب مايوكل عيش ..!!
عيشي لحظاتك بدون نكد ترى الزوج مايحب البنت النكدية والحنانة ..!!
يعني بذمتك داقة وهو مشغول ومنمج مثلاُ تبينه يقول أحبك ومن هالسوالف ..!!
كبري عقلك وأثقلي عليه خليه يتولع فيك ..!
والله جربتها وقطعت المسجات والمكالمات وهو اللي يدق وأحيان أقول مشغولة أبوي عندي ..!!
وأنا فاضية بس كذا أبيه مو كل ماأشتاق يلقاني لاااااااا .. عشان يوله علي أكثر ..!!
قسم بالله مامر الا أسبوع وبأوقات فراغه بدى يفقدني لأني كنت لزقة مرررة فيه
وصار يشرهـ علي وينك وفقدتك ..!!
عاد ساعات أرد أو أقول كنت نايمة ..
خلي مكالاماتكم عن شنو تحبون وتتبادلون المشاعر مو فرض السيطرة وليش وليش وليش
ترى كذا بيكرهـ يكلمك والله نصيحة مجربة
جربي من كيد البنات وأبحثي عن شغلات كثيرة فادتني بالنت بالتعامل مع الخطيب بالجوال
وتدلعي بس مو تصدينه مرررة ولاتقطين روحك خليك وسسط
وبالتوفيق وسامحيني عاللأطالة
(فارسة خالد)
(نبض فواز)
بس اهوا شكله صغير عالزواج اذا ليلحين يدرس وهم يشتغل !!!
بتعرسون عقب ما يتخرج ولا واهوا يدرس ؟!
اذا بتمين معاه تقبلي الوضع انه الريال على قولتهم .. جدوله مزدحم 
وانتي قطعي لا تدقين عليه كل ساع خلج ثقيييلة
عشان مايدق عليج يعني ..!
مفروض هالوقت تلتهين بنفسج .. وبتجهيزج
واذا عليه هو لو يبي او عنده وقت
جان دق عليج ..
بس يمكن مايبي يكلمج في رياجيل جذي
حبيبتي الزواج موعبوديه استغفرالله ينرفزوني اللي جذي !!! بتلزقين فيه من الحين ؟؟؟
زين تزوجوا اول بعدين يصير خير !!! شكلج بتكرهينه بالزواج من اولتها ….
اسفه ردي قاصي بس عشان مصلحتج ياقلبي
حاولي تنظمين نفسك انتي وياه وتلقين اوقات محدده تكلمون بعض فيها
ومو لازم كل يوم.
حاولي تتفهمين زوجك وتستوعبينه وتقدرين اوضاعه ومشاغله
بس
كان يدزلي هدايا مع امه وخواته
وكان كل عيد يدزلي عيديه
وماكان بينا اي مكالمات او طلعات والحمدالله بعد العرس اخذنا راحتنا مع بعض
انا مو شايفة انه عشان مايدق تستحق انج تطلبين منه الطلاق
بالعكس هالشي من صالحج تضبطين امورج وتستعدين وتتهيأين للعرس وحياتج اليديده
عطيه الوقت
وبعدين حرام الطلاق
ولا تتسرعين
راح تندمين
وراح اتقولين انج ظلمتيه
وانشالله حبيبتي لمن تتزوجين كل شي راح يتغير والوقت كله لج