|
|
صج رضينا بالهم والهم موراضي فينا !!!
سكت سكت موته قهر بسكوتي وصبري قام ينافخ ويستقوي _ اليوم بروح زواره لامي
منعني اخذ عيالي وهذي ثاني مره يسويها اول مره خليتهم وطلعت بس ترددت مارحت بيت
اهلي من الضيقه رحت قعدت عند رفيجتي وتالي رديت !
واليوم نفس الشي سوا خذيتهم وحقرته لحقني وطقني وولدي قعد يبجي ويقول خلاص خلاص
حسبي الله عليه وبنتي اخترعت اخذهم وصعد فيهم ويصارخ يقولي عقدتي العيال يالمجنونه !!
على شنو عقدتهم ! قتله بنسير ونجي تعوذ من الشيطان وقام يتحداني ابن اللذين
دقيت على اخوي الكبير سندي اللي ماجاني ولاشفته ليلحين وكنت منهاره وابجي قالي ::
هددي هددي وتعوذي من ابليس لاتصيرين خبله المره مالها الا بيتها وعيالها عصب اليوم
باجر يرضى !! ااااااااااااااخ ماالومه اخوي والله مايدري عن شي ! مايدري ان من دهر معيشني
بضيم ويوم راضاني واخذ بخاطري ثاني يوم طق تذكرته وسافر ويوم رد رد قلب علي !
دقيت على اخواني الصغار موصغار حيل مواليد الغزو _ جو وبغوا يطقونه وانقدوا عليه حيل
خصوصا لمن شافوا وضعي وعيشتي وشافوا غرفتي وغرفته اخوي الصغير اسم الله عليه
مجسم اطول من زوجي واعرض منه يقولي خليني اكوفنه بس انا مارضيت خفت علي عيالي
ومابي الحق يصير معاه _ دق اخوي الكبير مع الاسف وعصب يوم درا انهم عندي كلمهم
زفهم وطردهم وقال انا راح اجي اتفاهم معاه خلي هذيلا يطسون >> قصده عن اخواني الصغار
طبعا ماجا ولاشي ولاحتى دق كلمه كلش ! تلوموني الحين لابلعت حرتي وقعدت ! اخوي كل همه
ماارد البيت واضايق حرمه المصون ! الحين يقولي كيفي عيالي ماابيهم يروحون حق احد
قتله بيروحون لجدتهم وبيجون ليش ماتبيهم يروحون قال كيفي عيالي وكيفي هنيه اخوي الصغير
يتفلت بيطقه انا ماابي المشاكل لخواني ف هديتهم وقتلهم خلاص روحوا انا اتصررف
عاد كلمت امي قالت اي وقت تقدرين تطلعين عيالج طلعيهم وتعالي لاني مااقدر اروح واخليهم
مااقدر بنتي حيل متعلقه فيني بينفطر قلبها لو رحت ! بس احس الموقف صار من صالحي لان
شافوا بعيونهم حالتي واحتروا من حررتي باقرب فرصه راح اوكل محامي وعسى الله يسهلها
علي @@ ادعولي ادعولي ان الله يفكني من هالمريض
روحي الطبيب وثقي الضرب بتقارير طبيه وخليها عندج راح تحتاجينها
وهو ليش معارض روحتج مع العيال لاهلج
انا مو فاهمه شي
- شوفي حبيبتي انت عايشه بضيم وظلآيم
- حقج ماراح تاخذينه الا بالقانون
- اخذي تقارير طبيه وقدمي ع المخفر محد راح ينفعج ,
- اذا بتظلين جذي رآح تموتين بحرتج
!
انتو واعيين لحجم الموضوع ؟
التعب النفسي أشد وأقوى من التعب الجسدي … !!
إمساك بمعروف أو تنتهون بالحسنى .. استغفرالله
الله يكون في عونج وياخذ حقج منه … مآكو غير القآنون