|
|
بنات
بنتي صا رلها 3 ايام
حراره وصوت بصدره ومن يومين خاصة بالليل نومه متقطع تصارخ وصوت مع صوته
والحين وديته المستشفي المره الثالثه
وشافه الدكتوروقال لازم كمام
انا سالته قلت اخاف ربو
قال بداية ربو
خفت وزعلت يعيني بنتي عندها ربو؟؟؟؟
وهل راح تاخد. بخاخ الربو
والله خايفه قمت اوسواس
بنات جابوا علي
انا خايفه من الربو
لان قال بداية ربو
لاتحاتين عادي انا كل عيالي جذي لا واردى بعد عنايه مركزه واختناق والحمدلله على كل حال لازم تتتعودين
لان اغلب اطفال الكويت يجيهم ربو لي سن معين 3 سنين ويفج يعني الصدر الاغلبيه يعاني منه
وانتي خليج عالكمام عشان ما تسوء الحاله
ويمكن يضطرون يعطونها وقائي كرتيزون لا تخافين ترا شي طبيعي
والحمدلله على كل حال ربو وصدر ولا غيره
مردها بتكبر وتنسى وانا قدامج كان فيني ربو بالصغر الحمدلله من كبرت ما شفته
ولاتحاتين ان شاء الله مافيها الا الخير .. بس اهم شي اقري عليها دااايم
فا اشتريت الجهاز في البيت وارتحت…….الله يشفيها لج ………..
الله يخليها لج ( لا تخافين عليها )
بالنسبه لي عيالي عمرهم ما اخذو كمام ( والسبب خدامتي الاندونسيه )
اذا شفت عليها بداية المرض ( علي طول ادفي زيت ) يكون دافي مائل للحراره شوي
وافرك بطن الرجل ( بين الاصابع ) لين احس انه كافي والبسه دلاغ على طول
ونفس الطريقه بالرجل الثانيه
وبعدين اصعد الي فوق – السائق – الصدر – الظهر – تحت االابط – خلف الاذن – فروة الشعر
واخليهم 10 دقايق بدون مكيف او هواء بارد
ومن باجر والله تقولين ما فيهم شئ
——
وبالنسبه للربو ( في جهاز بخار بالصيدلية ) ودوا اعشاب موسع للشعب الهوائية
حطيه بالغرفه خليه يفتح الشعب عندها ( بالاخير هو اعشاب ) مراح يضرها
استخدمه لعيالي بعد
وان شاء الله اكون فدتج
كمام ولا غيره
الحمدلله عادي كل الجهال حساسيه بالصدر وكمام لي شهر 3 الحمدلله
ولا يختنق الجاهل والكمام احسن من المضادات الحمدلله ولا تخافين ولا توسوسين ولا تقولين مابي احط كمام يتعود الجاهل عاااادي الكمام امره هين وكل الدكاتره ينصحون فيه
بعدين الجو صفري والجهال كلهم مصاخين وعندنا وعندج خير
بنات احسه ماتنام طبيعي نومه متقطع
ادعولها ربي يشفيها
بس مومعناته انه كل مره راح يحتاج كمام لا موشر
انا عندي واحد من عيالي يشب عليه صدره من العطر ومن البخور ويحتاج كمام
لانه اهو بالاساس معاه ربو وبسرعه يتنك صدره
فلاتحاتين اهي لانها مريضه تنك صدرها
سلامتها وماتشوفين شر