|
|
السلامم عليكم ورحمة الله وبركاته
.
.
.
.
.
بنات حبيباتي سواء متزوجات او بنات اتعضوا وخلوا قصتي على السنتكم وتذكروها عدل وشنو فيها من اشياء تفيدكم
ببدي معاكم من سنه 2024 شهر 7 بالضبط تاريخ 25/7 كان اول تعارف لشخص ما يصيرلي كنت توني متخرجه من الثانويه بتستغربون لصغر سني بس عقلي اكبر من سني بوووايد
حزتها كنا طالعين نحتفل بتخرجنا بجوكلت بار البدع المهم صار تعارفي على ريلي حبيبي لمن ياالي لي طاوله بنت خالتي عبالها يبيها بس دقرها وقالها مابيج انتي ابي اللي يمج مشت الموضوع اهي جنه ما صار شي بس حقدت علي من هذاك اليوم .. انا ما تعودت اكلم شباب وقلت رقمني بيرقم غيري .. تقريبا اسبوع ما دقيت فجاه لقيته يراقبني شلون جذيه الاخ طلع لاحقني لي بيتنا .. صدمني بحركته واتصلت عليه وحطيت له حد وبينتله انا مو من اللي ابالي ولا الين بسرعه ابدى اعجابه فيني بس انا مو ياهل قلتله تبيني اظن انت الحين عرفت حتى الجد السابع عشر مرت ايام الا امه متصله على امي وخطبتني
اهني انا وايد انعجبت برجولته تحديت الكل وماني ندمانه الا بعض امور بفهمكم اياها بتدريج
مو الهدف اصير كاتبه او اقلام مشهوره .. لا اللي بتقرا بتعرف اشياء وايد قافله عنها .. المهم فترة الخطوبه تمت سكاتي خشاشي محد يدري فيها الا امي وابوي واخواني وامه وابوه .. كان شرطي على امي وابوي ما يبلغون احد .. بالعربي خفت من العين ..
المهم يا اليوم المرتقب امه وخواته يوو وكانوا مصدومين بجمالي وشكلي اكبر من عمري .. امه بكل صراحه تكلمت .. خايفه ان اكون ياهل وزواج نزوه بالنسبه له حزتها كان عمري 18 سنه واهوعمره 24 فرق سنه ست اسنين وايد انعجبت فيني امه وانا ارتحت لهم وحاولت اتودد لهم وابين على طبيعتي بدون تصنع ..
تمت الخطبه عقب السؤال عنه وعنه اهله وكنت وايد مستانسه فيه .. طبعي انا حيويه لابعد درجه بس مع ابوي فهمته شنو استفيد بفترة الخطوبه وكل شي تحت عينه وكل شي يدري عنه طبعا رفض بس رضخ بالاخر وشرطي محد يدري بالموضوع كنت خايفه من العين بنات من اهلنا اكبر مني ومحد خطبهم .. فا شلون شافني بمكان وياا خطبني .. المهم فترة الخطوبه دامت شهر وكنا متفقين ان تتم 3 شهور.. بس احس اني اعرفه من زمان وابي اعيش معاه باي شكل .. ياا يوم خطبت الريايل جدام عمامي حسب الاتفاق بينا ان توهم يايين يخطبون وتم اعلان خطبتي من فلان الفلاني الكل كان يبي يشوف صورته يبي يشوف ملامحه يبي اللي غير رايي بزواج منو هذا .. اول وحده ما باركتلي اهي بنت خالتي اللي كانت معاي لمن شفته اول مره واول سؤاله سئلتني اياها شلون خطبج اهو اصلا كان يبيني بس انت تعتمدين على جمالج اكثر .. كلماتها صكتني طراقات على ويهي ما توقعت منها جذيه تحسدني .. اعرفها اذا كانت قاصده الكلام بس تبينه ان ضحك وتمثيل بتمثيل .. يوم الملجه تم بعد اسبوع من الخطبه حبيت يكون بس انا واهو واهله واهل يعني امه وخواته وحريم اخوانه وانا وامي وخواتي ويدتي فقط لا غير مابي لا خاله لا عمه لا بنت خاله وعمه
الكل زعل وحمق علي وشلون جذيه بس كيفي ملجتي واعزم اللي ابي
المهم مرت مثل ما خططت لها بضبط بحذافيرها كانت ليله من احلى ايام عمري
خالتي ام ريلي يابت معاها عماته وخالاته وهالشي ما قدرت امنعه لان ما يصيرون لنا فكان الوضع عادي جدا .. المهم يت حزة اني ابدل ونطلع نتعشى … تدرون اول شي شسوا ،؟؟؟؟؟
قالي غسلي ويهج من الميك اب ومن اليوم ورايح عباة وماكو غير العباة ما رضى يطلع الا لمن فحص ويهي عدل مافيه ميك اب الحفله ميك اب خفيفففف جدا حمره ممنوع كحل ممنوع
حزتها ما تضايقت وايد استانست لان خلاص عدني شي اخصه وزينتي اه اهو بس لدرجة صبغ الاظافر ممنوع اطلع فيه ..
بنات صدقوني اللبس والميك اب والشكل برا بيتج ما يهمهم يعطيج كل اللي نبينه بس لا تعصين رجولته بشي يخصه واللي اهو انتي
والتعليقات تخليني اكمل
👏👏👏👏👏👏
كملي ،
|
المشاركة الأصلية كتبت بواسطة مآيكبرني نك
 بدايه تشؤق
كملي ، |
ان شاءالله بكمل ببارت اطول ومعلومات افيد
نطروني اليوم
لمن طلعنا عقب تفحص وترقب بشكلي
ركبت السياره وحسيت كل حواجز الخجل والخوف منه راحت .. حسيت براحه ما حسيتها مع احد
حمدت ربي وشكرته على اللي انا فيه
انعجب فيني وعرف شنو انا من غير لا مقابلات وطلعات قبل زواج وايد كبر بعيني هالشي كفيل يخليني اطيعه بكل شي
طبعي كان يايزله وايد لنرسم شخصيتي
انسانه هاديه لابعد درجه اكره شي اسمه زحمه وطلعات وفراره وقزز كنت قليل ما اطلع واذا طلعت حدي مطعم وارد
احلى الاوقات على قلبي القعده بالبيت والاجواء الرومانسيه
حتى الزوارات قليل ما اختلط مع اي احد بيت يدتي خالاتي ورفيجاتي وبس
بالسياره كان وايد فرحان والبسمه مفارقته كلش
قالي انا اسف ما خليتج تستانسين بمكياجج واحنا طالعين انا جدا غيور ومابي احد ينفتن فيج غيري
اهو عباله سكوتي اني زعلت .. بس بينتله العكس
قلتله بالعكس هالشي اسعدني وفرحني وفعلا حسيت اني لك بروحك وغيرتك بحد ذاتها طيرتني من مكاني وحسيت اني متزوجه رجل
النفس اللي خذاه حزتها حسسه برجولته وايد
….
بنات ديروا بالكم تتناقشون بشكلكم بره البيت سواء سوق او مطعم تنازلي عن اشياء عشان تاخذين دبل اللي تنازلتي عنه
حسسيه ان كشختج له اهو بس وفي كشخه له اهو بس مو شرط قمصان نوم واشياء ثانيه شفتي كشختج اللي تطلعين فيها يحب يشوفها ابيته اهو بس
خلي نقاشجج باشياء ثانيه وافيدلكم اثنينكم
المهم نكمل جزء السياره ..
رحنا مطعم النوخذه ههههههه تونا مالجين ورحنا مطعم سي فود
طول الوقت يقولي الله يعيني على الربيان اليوم
وانا مسويه روحي غشيمه وما افهم
اول سؤال قاله لي
.. حبيتيني مثل ما انا عشقتج من اول ما شفتج قلت بس هاذي اللي ابيها
قلتله انعجبت فيك وايد بس كا بنت ما اقدر اسوي شي يضرني واكلمك وتمشي معاي يومين وتمل مني
انصدم من ردي عليه .. قالي تدرين لو داقه علي من حزتها جان منتي معاي الحين وايد كبرتي بعيني ومحترمه وصاينه اهلج قلتله مو اهلي اهما السبب المخافه من الله اهيا السبب وربي جازاني فيك وكتبك من نصيبي
التشقق اللي حاشه فتح شهيته اكثر
شخصية ريلي
غيور هادي الى عصبي بعض الاحيان طيب حنون اخلاقه تسكتني وتغض النظر عن عيوب فيه وايد والاحلى فيه بيت دوام بيت واحيانا دوانيه واغلب الاسبوع طلعاتنا مع بعض يكره يطلع بروحه ويكره اطلع بروحي
عقب العشا تمشينا على البحر انهضم الجريمه اللي صارت ����
تقريبا رديت البيت على ١ ونص وكنت ما ودي ارجع الوقت معاه مر بسرعه
المهم مرت الايام كنا نتكلم بتلفون لان كنت ازهب اوراقي لدخولي الجامعه فا كنت لاهيه ومقدر هالشي وزهبت حق الجامعه من شوزات وجناط وعبي
كان شرطه الوحيد عباة ونو ميك اب اوفر
كنت مستانسه بغيرته يمكن لان انا احب اساحل الريال وايد احب اقلقس عنده .. واحسس برجولته
بنات تخيلوا حتى سحاب بدلتي اخليه يصكره اطلبه بكل شي اخليه يشاركني بكل تفاصيل حياتي لدرجه ساعات اقوله امشط شعري عيزانه
دخلوا ريايلكم بحياتكم لا تقولين عيب واستحي مابيه يشوفني بخيستي خليه يشوفج بكل حالاتج ..
صادف عرسي شهر ٢ ٢٠١١ الكل كان متوقع انا طموحي ادش قاعه على عبالي حبيبي ..
بس صدمتهم لمن قلت مابي عرس والخساير حسبانهم انسافر فيهم وايد ابرك اهو اهني وايد استانست مو معقوله نبلش حياتنا بقرض ٢٠ الف دينار عشان فلانه وعلانه تترقص اكتفيت بعرس محفوف اهلي واهله ورفيجاتي وبس وكان اجمل واحلى عرس مر علي لبست الابيض وسويت كل شي بخاطري لكن بتكاليفف اقل وجوده احسن وشي بيض ويهنا ومرتاحه
احلى يوم مر بحياتي
اتفقنا شهر العسل نأجله بعد نهاية الكورس الثاني لدواعي دراستي
تاريخ ٢٥/٢/٢٠١١ احلى يوم بحياتي
صج مرت علي ايام صعبه بس تعدلت الحمدالله
اتفقنا ما احمل لمن اتخرج بس ربكم بيده كل شي رزقني بحمال من ثالث شهر عرسي
متوقعين شلون حامل ورايحين شهر عسل هههههههههه ابوي يقولي شلون انتي حامل
اقوله عادي يبه كل شي بنسويه سياحه وتسوق فاهمته بس اسوي روحي عبيطه
حملت تاريخ ١٨/٤/٢٠١١
كانت اشهر الاولى صعبه علي كرهت عمري نساتي عجيبه غريبه الفير استهي جوز هند طازج ويقوم المسكين يروح يدور ويشتري
الحلو بس بنساتي ان ما ابي الا حضنه وابي اشم ريحته وغرامي لمن يكون توه راد من النادي صج صج استغرب مني هههههههه المهم نوينا تاريخ ٨/٦ نسافر
قبل سفرتنا باسبوع حسيت الريال فيه شي صاير وايد يطلع اهتمامه قل سؤاله قل .. صار فيني هلوسه الا اعرف شنو فيه
صادف يوم زوارتنا وبنت خالتي يمي مبطله المسنجر مالها المهم تلصلصت بتلفونها ولا اشوف هاليوزر اعرفه وصورت ريلي سكت خنست ليتني ما شفت مت بمكاني جان عرفت انها تكلم ريلي الحقد مالي قلبها علي مادري شسويت لها المهم ما كلمتها ولا سئلتها رديت البيت طبيعي جنه ماكو ولا جني شفت شي
قلت لازم افكر بعقل وما اخسر ريلي عشانها وعشان شطانتها واونسها فيني المهم تتوقعون شسويت شقلتله شلون كان يعاملني عقبها شلون حقرته شنو خططي الجنيه اللي سويتها تفاعلو اكثر اقولكم تفاصيل اكثر دقه وخطط لكم جهنميه
ناطرتكم
لايوقف
لكن لمن ارجع البيت
سي سيد عصب علي هههههههههههه
لكن لمن ارجع البيت
سي سيد عصب علي هههههههههههه
وذكرني بشخصيه ريلي : )