|
|
حبيت اطرح مشكلتي عندكم لاني حاسه انكم تحسوون بهموم غيركم ووتفاعلون معها …
بنات انا تزوجت وكل فكري عن الزواج ابي انسان يحترمني ويقدرني واهم شي ما يخونني
لاني شفت ببيت اهلي نماذج كرهتها وتعقدت منها …
المهم يا بنات ….
زوجي كبري وعقليته مو ناضجه ابد ….
يعني مو فاهم الحياة عدل واحيانا كلمة تجيبة وكلمة توديه ….
ايام الملكة كنت اكلمه وكانت بينا مشاكل بس قلت مابي استعجل واتطلق يمكن بعد الزواج يصير احسن
بنات تزوجته ….وانا كنت ادري ان كانت له مكالمات وماضي مغازلجي بس كان املي كبير يتغير
تزوجته واكتشفت ان عقليته عقلية مراهق …يعني حيل يدقق على اشياء ما تسوى ويغار حيل
ظنشت حيل هو ولد خالتي …
صدته يغازل اكثر من مره كان يعتذر لي حيل بس ماقدرت اصبر حسيت ان هالشي نهاية حياتي
رحت اشتكيت لامه ولابوه
ومانفع ….
امه اللي هي خالتي صارت توقف ضدي باغلب الاوقات ودايما حاطه عينها علي …
تغار حيل مني
وخاصة اني غلطت عليه قدام امه وقلت ولدج مو رجال ولدج يعاملني بهالطريقة من زماااان
واكيد وصلت له هالكلام
المهم بنات هو ماديا ما يقصر معي ..
حملت ….
كان حيل طاير بحملي …بشكل مو طبيعي بنات والله يقوم بالليل يتفقدني لا يكون نايمه على بطني
حيل كان يخاف علي ….
وماقصر معي بتجهيزي وووالخ ….
كانت بينا مشاكل دايمااااا بس كنت ابلعها بس عيبي دايما عصبية واخذ الامور بالبجي والصراخ ..
ولدت جبت ولد …..الله يصلحه …
وبعد ولادتي بشهرين اكتشفت وصدته يكلم وحده المهم واجهته ولما عرف اني بتركه قام يترجاني ويوعدني بس عطيني فرصه عطيته فرصه
سافرنا لشغله بيوم من الايام بعد اسبوعين فتحت تلفونه لقيت البنت داقه عليه وهو مكلمها وما قال لي
واجهته بعصبية بالبداية قال هي دقت وقام يحلف بعدين مد ايده علي بشكل جنوني
انا هنيه مت قلت شلون تمد ايدك علي بديره ماعرف احد فيها غيرك
قام يعتذر يومين ويحاول فيني حيل بس من الصدمة ماقدرت اتقبل الموضوع
المهم رجعنا لديرتنا وهو مفكر اني رضيت عليه مجرد ما رجعت قلت له ماراح ارجع لك وانت فيك وفيك كنت للحين مصدومة
المهم يابنااااات انا كنت ناويه ارجع بس لما شكيت لامه غلطت علي وما هدت النفوس شوي
المهم يا بناااااااات رحت لبيت اهلي وصارلي الحين خمس شهور قاعده عندهم ….
هو حاول يحل الموضوع اكثر من مره بس ابوي عصبي حيل وما عطاه مجال لو بالتلفون
كل ما يبي يجي ابوي يرفض ويقول ماراح استقبله ….
لانه تطاول عليه اكثر من مره بالرسايل …
بنات كان يتصل علي وتزيد المشاكل غيرت رقمي وقام يتصل على اختي
وصار يحلف بالطلاق اذا ماكلمته يسوي ويعمل …
يعني دايما كلمة الطلاق على لسانه …
المهم لما كلمته بالبداية كان مشتاق ويعتذر بعدين قلت له كل ماقمت وقعدت تحلف بالطلاق على شنو طلق وخلص …
هذا وانا زعلانه جذي تسوي
قال من حرررتي محروم من ولدي خمس شهور ومن زوجتي وووووووو ما تبيني اغلط وانتي بعيدة عني كل هالفتره وولدي يكبر ومقدر اشوفه ووو
وابوج مو معطيني مجال ابدا تعبت
بنات انا محتاااااره حيل هو فيه حاليا عيبين اول عيب دايما الطلاق على لسانه الشي الثااااااني الناس قاموا يكبرون قلبه علينا اتركها وفيها وما فيها ووووو …
الحين اخاف اتطلق ويروح فيها ولدي …….كاسر ظهري
واخاف اذا رجعت القاه اسوا من اول بسبب كلام الناس له وفلان قال وتعرفون الناس
شوروا علي تكفون …
ردي لرجلج واكيد هالفتره علمته درس ماراح ينساه
انتي جبتي منه يعني شتسوين تحملي علشان ولدج
وترا هذا جهل
وزوجج جاااااهل
باجر يكبر ويتعلم
وخالتج لاتشكين لها ومهما كان
هذا ولدها أكيد بتوقف معاه
المهم اتي كبري عقلج
ولا تضيعينه
واشبكي علا مواضيع ناعمة الهاشمي حييييل بتفيدج
ترا الطلاق مو سهل
وموفقة انشالله
حبيبتي انتي بنفسج قلتي ياهل ومراهق
حاولي تربينه على إيدج وتشكلينه بكيفج
يمكن بالفعل هذي بنت حرام وهي تلاحقه وتتصل عليه
بعدين إذا السالفة على أمه ترى الأم عمرها ما وقفت ضد ولدها والله لو تشوف
الحريم واقفين دور عند غرفة النوم تقول كله منج انتي وصلتيه حق هالمستوى!!!!!!!
عشان تريحين بالج لا تشتكين لها ولا تعورين قلبج……
والحين كلمي أمج خليها تكلم أبوج عشان يعطيه كلمتين بالصميم ويخليه يحترمج
وما يمد إيده عليج مرة ثانية ولا يغلط عليج ، وخلي فرحتج هالأسبوع فرحتين
فرحة العيد وفرحة ردتج لبيتج وريلج ، أما بالنسبة لخالتج خففي علاقتج فيها
وقطعي الشكاوي ولا تييبين لها سيرة ولدها بالشينة وإذا إهي سألتج قولي لها
الله يهديه وبس لا تكثرين معاها بالحجي !!!!!!!!!!
أنا رايي من راي حبيباتي أنك ترجعين له ولا تتركي مجال لوحده غيرك تاخذه وأنسي كل شي سواه وأبدي صفحه جديده ربيه روضيه بالبدايه راح تحسي ان هاشي صعب لكن مع توكلك بالله وثقتك فيه انه بيغيره لك صدقيني ماراح ربي يخيبك وتذكري قول الله سبحانه {{إن مع العسر يسرا }}
جاهدي فيه حاولي تلبين كللللللللل رغباته من دون أستثناء ونصيحتي لك لاااااتتركي قيام الليل والدعاء لله والأستغفاااااااااااااار ترى فضله حيييل كبير وبعد أكثري من قول ." لاحول ولاقوه إلا بالله." فهي شفاء من 99 داء وأولها الهم وشغله أخيره تذكري (( لن يغير الله مافي قوم حتى يغيروا مافي أنفسهم )) .gif "Eh S(7)")
وأسأل الله بأسمه الأعضم الذي إذا سئل به أعطى وإذا دعي به أجاب ان يبعد عن زوجك بنات الحرام ويحليك بعينه ويعمي عينه وقلبه عن غيرك 
وهذا دعاء الزوج جبته لك من أحد المنتديات …
اللهم اني استودعتك قلب زوجي وسمعه بصره ولسانه وفرجه في ودائعك فاحفظها لي يامن لاتضيع ودائعه اللهم اجعله لي قرة عيني الوحيده واجعلني له قرة عينه الوحيد اللهم حببه فيه وحببني فيه اللهم اطمس على قلب زوجي وسمعه وبصره ان لا يرى من نساء الدنيا غيري اللهم سخره لي في سمعه وبصره وقلبه وماله اللهم استر عيوبي عنه واقنعه فيه وجملني في عينيه واجعلني اجمل من الحور العين في عيني زوجي اللهم اره الحق حقا واره الباطل باطلا يارب العالمين …………ادعوا وانتم موقنين بالاجابه
وهذا ثاني ..
أللهم ياولي نعمتي وياملاذي عند كربتي اجعل نقمة [فلان ] طبعا اسم الزوج علي بردا وسلاما كما جعلت الناربردا وسلاما على ابراهيم اللهم اجعل من بين ايديهم سدا ومن خلفهم سدا فهم لايبصرون …..
العصبيه عمرها ماحلت المشاكل والمراقبه والشك الزايد عن حده
اقولج جذي وانا مثلج متزوجة وكنت عصبيه وشكاكه بس من نفسي
تعلمت الاحترام وحسن الظن وغلطتج الثانيه واجهتيه بالخيانه اكبر غلط
جذي عطيتيه فرصه يتمادى اكثر ويعلن خيانته جدامج ولا تشكين لاحد مشاكلج مع زوجج سر بينكم لا يطلع حتى لأمج
وعيوب زوجج لا تطلعينها لابوج وأخوج وتصغرينه جدامهم ردي له عشان ولدج وابتدي حياة جديده معاه..
|
المشاركة الأصلية كتبت بواسطة ام فواازي
 نصيحه ردي له وانتي تقولين عقليته مراهق صدقيني باجر يكبر ويعقل ودامه يبيج وشاريج ليش تخلين للناس مجال انهم يقسونه عليج حرام ولدج يعيش يتيم ترى لو تطلقين انتي الخسرانه عبالج الطلاق سهل ولدج كل مسؤوليته بتكون عليج لا تقولين عادي اقدر اتحمله لا حبيبتي ولدج للحين صغير خليه يكبر وشوفي شلون مسؤوليته صعبه يبيله ابوه يربيه
ردي لرجلج واكيد هالفتره علمته درس ماراح ينساه |
صح كلامها اوقفي بضده كل الي يبي يطلع صح كلامه لي الله لا يقول لما تتطلقين
وهل جم سنه جدام لا تفكرين بالحمل
واذا بيشوف ولده واعديه برا يشووفه وتفاهمي معاه بروحكم
وحطي شروطج
يترك المغازل وهالاموور واهله مايتدخلون فيكم وغيره من الامور اللي تبينها
اما بيتم جذيه طوول العمر لا وللله
لاتدخلين الناس بمشاكلك حتى اهلك
ومدامه عصبي انتي خففي شوي مايصير لازم واحد يتنازل
واذا ع الخيانه ترى ثلاث ارباع رياجيل هالزمن يخونون نادر المخلص
وفي بعضهم عيني عينك شوفي مواضيع القسم حتى مايتعذر لها والا يقلب السالفه عليها
وزوجك اشوى انه اعتذر ووعدك مايكررها
ارجعي له وحاولي تغيرين من حياتكم ومن اسلوبك معاه وبأذن الله بتنصلح اموركم
خلآص يعني عآرفته قصي عليه بجمم كلممه ^
و ع فكرررره أحسسه يخآف منج لو وآحد غيرررررره
جآن قآل هآذا أنتي دريتي " أعلى مآ بخيلج أركبيه *
ترا زوجج
احسن من طليقي بمراحل
ومبين عليه حنون
ونصيحه لوجه الله
مهما تهاوشين انتي وياه
لا تقولين لخالتج
لان ما حصلتي غير يكبرون قلبه عليج بالكلام وهو بليا مو ناضج وكلمه توديه وكلمه تجيبه
اشتري بيتج
وحرااام ولدج يعيش ضايع بين امه وابوه والتربيه مو سهله خصوصا الولد يبيله رجال وراه