تحليل الدم الهرموني تعالوا شوفوا النتيجه وابي رايكم؟

انا سويت التحليل اليوم الصبح

طبعا الدوره طايف موعدها اكثر من 5 ايام وسألتني السستر قالت متا اخر موعد حق الدوره اللي طافت قلت لها 6 او 7 / 4
قالت اوكي قلت لها النتيجه مضمونه قالت لي اي حتا لو قبل موعد الدوره بيومين النتيجه مضمونه واكيده وقلت لها يبين ليش ماتنزل الدوره وجذي؟ قالت لا بس يبين اذا انتي حامل واي اسبوع او اي شهر عرفتوااااا

سويت التحليل

وطلع التحليل بعد ساعه

وقالت لي نيجيتيف ماكو حمل

حاطين بالورقه انه 5 وفوق يعني حامل واقل من 5 مو حامل

وانا طلع لي 0.100 يعني تحت الصفر ب100؟ مافهمت النتيجه؟ قالت لي وفهمتني انه تحت الصفر يعني مايحتاي اعيده

شرايكم اعيد التحليل ولا خلاص ماكو حمل والنتيجه مضمونه؟

هل احد فيكم سوا التحليل مره ثانيه وطلع حامل ولا خلاص مافيه شك واني مو حامل

اول مره اسمع عنه

وين سويته اختى وبجم !!

حبيبتي المفروض لو طايف على موعدها 5 ايام او اسبوع يطق ال 600 او 800

انتي وايد نازل عندج ..

ما ادري والله اتمنى البنات يفيدونج

بس حبيت ادخل ادعيلج بالضنى الصالح يارب

سويته بحولي وين مجمع النقره العماير اللي خلفه
العمارتين اللي كلها اطباء اللي تكون على شاره الملك فهد(المغرب السريع)
فيه مختبر اسمه مختبر حولي

انا قالولي البنات انه التحليل الهرموني يكون فوق ال9 يعني حامل
وانا قالت لي السستر 5 وفوق حامل وانا طلع 0.100 يعني صفر وتحت الصفر ب100

مادري ياريت البنات يفيدونا

مشكوره يابعد روحي جزاج الله خير

حبيبتي سمعي مو شرط كل شي بيد اللة انا سويت تحليل دم بالمختبر وطلع حامل و بعد ثلاث ايام رحت دار الشفا سويت سونار داخلي وخارجي طلع ماكو شي قالولي رحمج فاضي وسويت تحليل هرمون قالولي ماكو حمل ضاق خلقي حيل وكتبتلي الدكتورة حبوب تنزل الدورة وبعدين ريلي مارضى اخذهم نطرت والحمدللة بعد اسبوعين مانزلت سويت تحليل دم طلع في حمل وبعد جم يوم عقب رحت حق دكتور بالسلام سوالي سونار طلع مافي شي ولمن سوالي سونار داخلي طلع في كيس البيبي والحمدللة الف الحمدللة انا الحين بالاسبوع الاخير بالخامس وانشاللة تكونين انتي بعد حامل واذا اللة لا يقول وطلعتي مو حامل لا تحاتيتين انشاللة اللة بيرزقج بالذرية

حبوبة مافي حمل لازم

الرقم لازم فوووووق الخمسة

يعني 5,10 او اكثر هذا مجرد مثال

وانتي تحت الصفر حتى حتى مو 1

الله اعوض عليج حبوبة

مشكورين ماقصرتوا

تحت الخمسه مافي حمل حتى اذا كان اقل من 25 يكون حمل ضعيف انا الشهر اللي فات سويته وطلع لي 2 وفعلا عقبها شرفت الحلوه ومرات ممكن يكون في خطأ إذا المختبر الي سويتي فيه التحليل يكون مو دقيق اجهزتهم قديمه وهذي مره صارت معاي سويته السبت قالوا مافي حمل ويوم عدته الاربعاء طلعت حامل طلع المختبر اي شي والحين ما قمت اسوي هالتحليل الا بمختبر ثقه مثل دار الشفا

اختي وايد نازل انا سويتة قبل الدورة بيومين طلع لي 230 يعني انتي حتى ما وصل نص بعد جم يوم صار فوق ال 1000

خيرها بغيرها

انا اسوية بطيبة كلنك

الله يرزقج ان شاءالله

الصفر يعني ماكو حمل

الله كرييييييييييم

الله يرزقج اان شاءالله

الله يرزقج بالذرية الصالحة يارب