|
|
السلام عليكم
بنات أنا طالبة رياض أطفال
ومطلوب مني تقديم تحضير درس حق أي خبرة من خبرات رياض الأطفال سواء مستوى أول أو ثاني
فبليززززززززززززززز
أي وحده عندها تحضير أي خبره لا تبخل فيه علي
الأهم إن التحضير يكون كامل ومشروح كل شي فيه من الأهداف إلى شرح المنبه والتقنيات والمناقشه
والنشيده أو المسابقه المستخدمه
وجزاكم الله خير مقدماً
من الاخت عالي مستواها
|
المشاركة الأصلية كتبت بواسطة عالي مستواها
 الهدف : يتعرف على كلمة " بحر "
حطي منبه بالبوربوينت لما يتكون قاع بحر أو حتى بشفافية تعرضينها على الاوفر هيد لما يتعرفون على انها رسمة بحر اسأليهم من ذهب يا أطفال إلى البحر ؟ خليهم يعبرون وناقشيهم قوليلهم : ما رأيكم أن نذهب في رحلة إلى البحر صفيهم طابور .. تكونين حاطه بأحد الأركان مجسم للبحر بسيط .. للاسف انا خليته بالروضة ولا جان حطيت لج صورة فكرته بسييييطة خذي صندوق تلفزيون وقصي طرف منه يعني يصير جنه دريشة وخطيه بورق لونه أزرق من برا ومن داخل رشيه بألوان رش أزرق فاتح لزقي على قاعته قطن راشته أزرق وركبي قوقع كلها بالصوب اللي تحت من فوق علقي بخيط صور سمك تصير كأنها تسبح بالبحر … مادري إذا شرحي واضح عمومــًا انا باجر باخذ له صورة وأحطها هني بالمنتدي انزين قوليلهم اللله أطفال ماذا نشااااهد ؟ راح يقولون بحر وراح يذكرون لج الأشياء اللي داخل ماااي محاار سمك طحالب كل هذول انتي تكونين حاط صور لهم أطفال ماذا نفعل حينما نذهب للبحر ؟ راح يقولون نسبح .. قوليلهم يالله كلنا نقلد حركة السباااحة " حركيهم " عززي السلوكيات .. أطفال حينما نسبح بالبحر نحرص على السباحة بقرب الشاطئ عززي الجانب الديني والوطني … هل يوجد بحر لدينا بالكويت ؟ من أنعم علينا بهذي النعمة " ديني " وشغلي آية الخبرة والجانب الوطني من وفر لنا الشواظئ النظيفة ؟ " الوطني " قوليلهم أطفال سنتعرف على كلمة جديدة وعرضي الكلمة " كلمة بحر " يقولونها فردي وجماعي .. بعدين اكتبيها على اللوحة بخط كبير وخط صغير واسأليهم ما الفرق بينهم ؟ يقولونها بصوت عالي وصوت واطي سوي مختلف ومؤتلف .. اعرضي 4 كلمات وحده فيهم بحر وثلاث بطاقات فيه نفس الكلمة من الكلمات اللي خذوها قبل مثلاً سيارة وقوليلهم يطلعون كلمة اليوم وسوي مسابقات بالكلمة مثلاً حطي حبل غسيل فيه كلمات مختلفة ويطلعون كلمة بحر منها ممكن تسوين تركيب كلمة " بحر " يعني تقصينها لمقاطع كل حرف بروح وهم يركبونها |
[/B][/COLOR]
وجزاج الله خير
بس شدعوا وين باقي البنات ؟؟؟؟