&&تجمع للي ولادتهم شهر ابريل ومايو&&

السلام عليكم

عجبني موضوع حوامل الي ولادتهم يوليو وابي اسوي نفسة

يلله ياحوامل الله يتمم علينا ويثبت حملنا ويسهل ولادتنا وتكون طبيعية ويعطينا الطفل السليم المعافى ويقومنا بالسلامة ويرزق كل من تبي الحمل يارب قولوا اميييييييييييييييين

المهم الحين يلله بديتوا تجهزون للبيبي؟؟؟؟ انا بصراحة لا
متى ناوين تجهزون؟؟
حددتوا وين بتولدون وعند منو؟؟؟ والله انا تلعوزت مع الدكاترة لان ينزل علي دم(الله يشفيني يارب) فللحين ماحددت عند منو

تفكرون بولادة الحكومة؟؟؟ اذا (لا ) ليش؟؟؟

يلله قولولي يومياتكم ……….سؤال مبيوق

يلله مع السلامة

بسم الله الرحمن الرحيم
انا ولادتي انشالله شهر مايو الحين اراجع عند الدكتوره معصومه مخصيد وانشالله اولد عندها اما دار الشفا او المواساة وهذي اول مره اجرب الدكتوره بس امبين انها شاطره

انا انشاءاللله شهر 4
وعند د/منى موسى
وراح اولد انشاءالله في طيبه كلينك
وماافكر اني اولد بالحكومه ———–حط افلوسك بالشمس واقعد بالظلال
اهم شئ راحتي وراحت البيبي
وانا انشاءالله راح اجهز شهر 12
ومشكووووره حبيبتي على هالموضوع الحلو

زين سويتي سبحان الله

انا كنت محترة من حوامل يولو و بسوي موضوع حقنا بس صبقتيني

انا للحين ما جهزت للبيبي و بعد شوي عندي موعد مع الدكتورة و ادعولي اعرف شنو البيبي

كل مرة مايبين .. ودي اعرف

و ناوية اجهز اول ما يرجع زوجي من امريكا .. لانه وده يكون معاي لما اجهز حق البيبي .

يعني بعد ثلاث اسابيع تقريبا ان شا الله

و انا مفكرة اولد بالمواساة او دار الشفا

و كلش مو مفكرة بالحكومة لانهم يلعوزون الوحدة و ما يصبرون عليها و سامعه بعد انهم يطقون الحريم علشان يولدون !!

و دكتورتي ناهدة العلي تهبل

حبيبتي سبحان الله للحين ينزل عليج دم !! الله يثبت حملج يارب و يشفيج

و انتي ما جاوبتي على الاسئلة ..

انا ان شاء الله اخر مايو….وليلحين ما جهزت ان شاء الله الشهر الياي…

وليلحين ما قررت وين اولد بين الشفا و المواساة و احتمال رويال حياة ما يندرى….

دكتورتي نداء بوخضور…

والحكومة……… Noooooooooooooooooooooooooo WaY

ان شاء الله اتسلف ولا اولد بالحكومة = )

مشكوووووره عالموضوع حبوبه
وانا ان شاء الله ولادتي بشهر مايو وناوية اولد بدار الشفا عند الدكتوره معصومه والحكومه مافكر اولد فيها شنو ماكوشغل
وللحين ما شريت للبيبي ان شاء الله بعد العيد

وعسى ربي يهون عالكل ويقومكم بالسلامة يارب ويرزقكم الصحة والعافية والذرية الصالحه ويعطي كل محرومه يارب

هلا فيكم والله

ياحلو تفاعلكم

انا جاوبت يمكن على جم سؤال …….. الدكتور يمكن ان شاء الله ناويه عند ناهدة العلي للحين ماعرف شكلها بس قاعدة استخير لان بغير دكتوري

الدم اي والله للحين ينزل الله كريم يارب

اما التجهيز مادري ليش انا من قبل حاطة ابالي اني بجهز لما اكون بالشهر السابع بس لما اشوف اغراض اليهال احس ودي متشوقة …… شفت حوض سباحة قلت باخذه خلاص بس ريلي قال مانبي نستعيل بالسابع احسن ………….

واي اغراض مذركير تزوغ

شريت جم شغلة لي خاصة للحوامل

يمكن الي يخليني اجهز بالسابع بعد اهو ان انا مو زين لي الجهد وايد ينزل دم فيقولون اساسا كل الحوامل من السابع او الثامن زين المشي لها

وانا تصدقون ساعات افكر اولد بحكومة بس مو العدان اقول ( يمكن مبارك او الولادة ) بس يمكن خاص بعد انا ( بستخير )

أحلى تجمع و أحلى موضوع انطرح بالمنتدى لأن الحال من بعضو
انا ولادتي بحيل الله بأبريل واحس ان خلاص لازم ابدي اجهز لا يروح الوقت علي واتوهق
ودي ابدي هالأسبوع أجهز حق البيبي وهذا اللي بستفتح فيه انشالله
ورانا يا بنات لويه وشغل كتيييييييير الله يعين ويسهل على كل الحوامل

الله يثبت حملج ويشافيج ويعافيج يا رب يا سبحان الله ويفرح نظرتج بشوفة البيبي سليم ومعافى
ألزم ما عليج الحين راحتج وسلامتج انتي مع اللي ابطنج ماجوره انشالله

سبحان الله الدكتورة ناهدة تهبببببببببببببببل

انا اليوم كان موعدي و عرفت شنو فيني

و الله و اهي تسوي السونار تكلم الياهل و تدلعه جنه صج جدامه و طول الوقت تدعي لج و للياهل

اسلوبها حلو و يريح

انتي اي مذركير رحتي .. ؟؟

و امي كانت تقول لي اجهز بالسابع بس انا مو قادرة انطر و لا حتى اهي

رحت الي بالسالمية ……. وبموضوع ناهدة الله يكتبلي الخير معاها يارب

صج حتى انا احس اغراض البيبيات تشوق

امييييييييين يا ملح الدنيا توني اشوف ردودكم

بدور قالولي المشيمة ولما ارتحت قالوا ارتفعت بس للحين ينزل دم ومايدرون من وين ماعطوني سبب معين بس يقولون احيانا يكون شي عادي فان شاء الله يكون فعلا شي عادي وانا متكلة على الله سبحانة

مرحبا حوامل

انا ولادتي نص ابريل …
انا بغيت اعرف شنو تحسون فيه هالأيام …حركة البيبي؟ شلونها؟
متى قالوا لكم شنو فيكم ؟
اييكم تشبن بالريل ويلا لأ؟
راحت نساتكم؟

والبيبي تو الناس …خو يوم واحد و يخلص التجهيز ..الله يعافي المحلات كل موجود في مكان واحد