تجمع * اولياء امور مدرسة كويت ثنائية اللغة بالجهراء .

السلام عليكم ورحمة الله وبركاته …
شلونكم حبيباتي عضوات منتدانا العزيزات .. خليجية

انا حايه اسوي تجمع خاص للامهات اللي عندهم اولاد ولا بنات في مدرسة الكويت ثنائة اللغة بالجهراء …
عشان نقدر نتناقش فيه كل ماهو جديد في المدرسة من قرارات او مواضيع خاصة بالطلبة .. وطبعا نتوا عارفين ان المدرسة شديده شوي في الدراسة والدرجات بعد … خليجية

وبتجمعنا هذا نتقدر بعد نأثر علي المدرسة في اي قرار يمكن ان يكون في غير مصلجة اعيالنا … ومن ناحية ثانية نقدر نستفيد من بعضنا البعض بتبادل الخبرات والتجارب وطبعا هذا اكييييييييييييد راح يكون له تأثير علي اعيالنا وراح يساعدنا في التسهيل عليهم بالدراسة او علينا بالتدريس ( وخاصة للموظفات مثلي لووووووووول )
ونكون كلنا علي قلب واحد في حث اعيالنا علي النجاح والتفوق انشاء الله اجمعيييييين….
واللي حابه تشاركنا… تسجل الحين عشان نفتتح الجلسة بأول نقاشاتنا الهادفة خليجية

ويا انا عندي كلام يقرقع بقلبي اشكثر بس ابي تفاعلكم معاي لوووووول خليجية

يلا يا امهات وينكم … مافي احد مسجل اعياله في هذي المدرسة

ابي تفاعلكم

انا معاج في التجمع

مدرستنا هالسنة شكلها متميزة مع الادارة الجديدة ..

الى الامام يا ال kbs خليجية

هلا والله فيج حبيبتي …
انا معاج هذي السنه في تغيرات حبل بالمدرسة .. و أولها اوقات الدوام زادوها , انا عندي بنتي بالروضة راح تخلص علي الساعه 1,15 وولدي في اولي ابتدائي راح يطلع علي الساعه 2,30 …. الصراحة زادوا اوقات اوقات الدوامي حيل جذي راح يردون اعيالنا منهكين , وبعد غيروا اللوان الزي الرسمي..
وانتوا شنوا رايكم بهذا التغير اللي صار هل فيه مصلحة لعيالنا ولا لأ ؟

اقتباس:

المشاركة الأصلية كتبت بواسطة augest2008

ممكن معلومات زيادة عن المدرسة ونظامها ؟؟؟

وجم أسعار التسجيل عندهم للإبتدائي ؟

وتلفونهم والعنوان بالضبط ؟

وجم طالب بالصف ؟ ونظيفة ومرتب المبنى وإلا كحيان وقديمة وإمكسرة ؟؟؟؟

بالنسبة لنقظة نظيفة ومرتب المبنى ..

وإلا كحيانة وإمكسرة ؟؟؟؟؟

لأني أذكر بنات شكثرهم بالمنتدى تكلموا عن هالناحية إن صاحب المدرسة بخيل ..

لدرجة إن الحمامات بدون أبواب .. والبرادات خربانة وفيها ماي لا يصلح للشرب !

ولا راضي يقط فلس واحد علشان يصلح بالمدرسة ولا يسنع فيها ؟؟؟؟

أرجو الرد بأمانة ..

هلا والله فيج اختي بونزية ورشيقة ..
بالنسبة حق المدرسة من ناحية النظافة اهي الصراحة نظيفة . بالنسبة اي انا دخلت اولدي فيها اولي وثانية روضة والحين خليته يستمر معاهم للابتدائي انشاء الله وبعد هذي السنه دخلت بنتي اولي روضة وانا الصراحة ماشفت منهم اي شيء يعيب المدرسة الا الصراحة صغر حجم المدرسة اجمالا والممرات حيل ضيقة , وكانت هناك مشكلة معاهم السنه الماضية بخصوص المبنى اللي تم بنائه اظافة الي المبني الرئيسي أنهم قالوا ان احتمال المبني مايتحمل الحمل الزائد بس انا ماخليت الموضوع يمر بالساهل وبما اني اشتغل في وزارة التربية تابعت مع مدير ادارة التعليم الخاص بالوزارة هذي المشكلة لما تأكدت ان مافي ضرر علي اعيالنا والحمدلله …
ومن ناحية ثانية المدرسة اجمالا تعتبر جيدا جدا وليست ممتاز من ناحيتي , بس الصراحة اهي افضل مدرسة ثانئة اللغة في الجهراء حاليا وبعد الوحيده …….
و بالنسبة حق الرسوم للابتدائية تقريبا 1090 دينار و هذا السايت مالهم https://www.kbs-edu.com/
وحق اي استفسار انا حاضره …

هلا فيكم خواتي

انا اشوف ان المدرسة راح تشهد تطور مع الادارة الجديدة

لان المدير الجديد هو وكيل مدرسة البيان ثنائية اللغة سابقا .. اللي تعتبر من افضل مدارس ثنائية اللغة في الكويت

بالاضافة الى انهم حطوا مديرة بريطانية متخصصة بالمناهج .. واخصائية نفسية استرالية

وبالنسبة لزيادة الدوام الى 2:30.. فاعتقد انه هذا الدوام اللي ماشية عليه اغلب المدارس ثنائية اللغة في الكويت ..

وعلى فكرة مدرستنا راح تطبق نظام " السكولي " في موقعهم بالنت لكي يتواصل اولياء الامور مع المدرسة لمتابعة مستوى ابنائهم وللاستفسارات الاخرى ..

وايضا انا سمعت من المدير الجديد انه المرسة راح تسعى للحصول على " البكالوريا الدولية " وهي شهادة عالمية تمكن خريجين المدرسة من الالتحاق بالجامعات الاميركية والاجنبية بسهولة ..

ومشكورين على تجمعكم خليجية

السلام عليكم امهات
انا مسجله ولدي بكي جي 1
ان شاءالله راح يداوم يوم الاحد
بالنسبه للمدرسه والله ماشفتها ولا دخلتها بس ماشاءالله معروفه احسن مدرسه ثنائيه بالجهراء
بنات بسألكم شراح يلبسون عيالكم ؟ لان الزي المدرسي ماراح نستلمه الا بشهر 10
انا شريت لولدي ملابس رياضه من سنتر بوينت تيشيرتات بيضاء وشورتات وبنطلونات اسود ورمادي …… اشرايكم؟
ومن وين خذيتو اللانش بوكس …؟
بنات سؤال غبي شوي ………… فيه مقصف بالمدرسه للكي جي 1 ؟ ترا هذا ولدي البجر ومو عارفه شسوي

اقتباس:

المشاركة الأصلية كتبت بواسطة مظلومه ياناس

هلا فيج اختي مظلومه يا ناس في تجمعنا ….
اولا بالنسبة للبس اعيالي راح احاول البسهم جنزات وتيشرتات , وانشاء الله اذا فضيت راح اشتري لولدي ملابس رياضية وعملية خليجية

, بس بالنسبة حق بنتي اللي في kg1 راح اللبسها لبس حلو في البداية بعدين راح اخليها تلبس عملي عشان ترتاح في اكثر
اما جنطة الاكل مالتها.. والله انا لقيت لها من عند red tag جناط اصغار وحلوات علي حجم بنتي واما اولدي والله للحين ماشريت له بعد …
وبخصوص المقصف للkg فهناك لهم مقصف بس الصراحة كان ولدي مايحب اكلهم لأنه اكل صحي … ومثل ما انت عارفه اعيالنا مايحبون الشي المفيد خليجية

… فكنت اسوي له الاكل اللي يحبة من صمون محشي بيض او كرواسان مع عصي مانجو وموز لان عيالي يحبون الموز حيل … بعد تقدرين تسوين معاهم اشتراك شهري للفطور

مشكورة حبيبتي اخت رجال علي هذي المعلومات المفيدة … الصراحة طمنتيني حيييييييييل
وخاصة اني كنت متظايقة من زيادة الدوام الرسمي لاني احس انه راح يرهق الطلبة خاصة لصغار السن , وانا فكرت ان اروح للمدير واتناقش معاه بهذا الخصوص …. خليجية

ان زين انتوا شنوا رايكم اروح اتناقش معاه ولا لأ ؟

مشكووووره اختي اوغست
لاتكلمينهم ولا تعبين نفسج ……….. ماراح يتغير شي اصلا ………
بس والله تعب 2ونص الله يعينهم مساكين يكسرون الخاطر
بس بغيت منج طلب >>>>> ادري مصختها ……… بس اشتراك شهري للفطور غير المقصف؟ وجم اشتراكهم وشنو نوعية الاكل؟
انا سمعت انه ممنوع الكاكاو والبطاط وهالسوالف …….. زين انا ولدي يموووت وغرامه الكاكاوات …….
منو ولدها او بنتها ب kg1c ؟ اسم مدرسة اللغه العربيه رونق ومدرسة الانجليزي اليزابيث فليبينيه
بنات اشرايكم في هالمدرستين

حبيبتي مظلومة يا ناس
اللي اقصده بالاشتراك الشهري , يعني بدال لا تعطين ولدج كل يوم مصروف للمقصف راح يكون له معاهم اشتراك شهري مدفوع مقدما … بس للامانه انا ماسويت هذا الاشتراك لان ولدي جرب اكلهم وماحبه , فأنت خليه يجرب نوعية اكلهم .. يمكن بعد صار علية تغير ويمكن يعجبه بعد فترتاحين ….
وبالنسبة حق اكلهم الصراحة ماني متأكده بالضبط بس جنه فيه ساندويش هامبورغر (مصنوع بطريقة صحية) و هش براون وعصير برتقال طازج

صباح الخير امهات

عندي سؤال حيييييييييل شاغلني <<<<<<<<< ياكثر اسألتج خليجية
بالنسبه لملابس المدرسه … ياخذون قياساتهم وبعدين يخيطون لهم …والا جاهزين؟
لان ولدي اسم الله عليه مربرب شوي وابيله ملابس تريحه بالحركه والقومه والقعده … خصوصا صوب الحزام
وكـــــــــــــــــــــــــل عــــــــــــــام وانتــــــــــــم بخيــــــــــــــــر

هلا فيك مظلومة ياناس .. عزيزة وغالية أسألي عن اي شيء في خاطرج واحنا اهني عشان نساعد بعض .. خليجية

وبالنسبة للملابس انا الصراحة كنت افصل لولدي من عند خياط تتعامل معاه المدرسة بالنسبة للبس القديم لانه يطلع علي ارخص من ان اشتريه من المدرسة دايركت ..
بس الحين الوضع اختلف لان الزي تغير واتوقع ان الملابس راح تكون جاهزة ومتوفرة عندهم مقاسات مختلفة ..

تجمع * اولياء امور مدرسة كويت ثنائية اللغة بالجهراء .

اترك تعليقاً إلغاء الرد