|
|
ماادري .gif "Eh S(2)")
الله كرييم انشالله
يلا كل وحده تقووول
جم عمرها
جم مهرها
من متى مالجه
شنو خلصت للحين
متى احتمال تتزوج
عشان نسوي لنا تجمع
انا عمري 21
ومهري 7
صارلي اسبوعين مالجه وما استلمت المهر توني
ووببدي عنايه بالاول
احتمال اخر السنه يسوون العرس
وأنا بعد وياااااااااااااااااااااااااااااااااااااكم
أنا عمري 21 >> العمر كله يارب
مهري 7 الاف ؛؛ >> الله يبااارك فيه
مالجه صارلي تقريبا 7 شهور ,,
وأحتمال عرسي بعد العييييد
أحس اني على أعصاااابي ,,…!!
يلا المـــــــــــــــآيك للـــــي بعـــــــــــــدي ,,
وياااابختها من تكوووون بعدي … @@
ومهري 5 الاف
ومالجه صارلي اكثر من سنه
واحتمال عرسي من شهر 4 لي فوق
يلااااا قولوا شنو شريتوا للحين؟
احم لـي 10 شهور من ملجتي .. كانت بشهر 4
كانا مقررين نخليه شهر 1 اللي فات بس ماصار نصيب
وعمري 21
يااااااااااارب تسعدنااااا
وشنو شريت .. انا ماخلي اي شي بخاطري اللي يعجبني خذيته ..
لأني اثق اني ماراخ الاقية بعدين .. بس الاشياء اللي بجابل فيها الحريم لا
لأن بتروح موضتها احنا كل شهرين 3 لنا موضه لووول
والميك اب العطور .. بعد تو الناس عليهم ..
بس والله في عطورات اجلتهم وانقطعوا الحين .. 
مادري ليش
بس بنات .. انا كل مابلش بعناية اتركها مالي خلق
ولا رجيم بعد ابي 5 كيلووو جنهم 50 :@
انا راااح ابلش رجيم وعنايه من بااجر من معاااااي؟؟
وبالنسبه للاغراض انا نفسج اجلت اللبس لبعدين بس والله شريت جم قميص نوم والستانات خلصتهم والملابس الداخليه الكشخه وجم بخوور على خمريه على مسك على دهن عوود و مرشات ومعطرات يعني الحمدلله
وان شاء الله يحددون العرس لاني تعبت من كثر ما ياجلون فيييه
انتوا جنه واايد سنه او8شهور
هزار احنا عايلتنا مانطول حدنا 5 شهور
بس اهل ريلي عادي عندهم …..
وماشاءالله كلكم اكبر مني بجم سنه اجل ماني قاله جم عمري << نحاسه^_*
و ملجه صالي سنه ..
وتو الناس على تحديد العرس والباجي…..
موفقيييييييييييييييييييييييييييييييييييييييييييييي يين ان شاءالله
والله يسعدكم ويبعد عنكم العييييييييييييين ..
انا عمري 20 وصار لي اقل من شهر مالجه …
مهري 5000 د.ك الله يبارك لي فيه يارب
وعرسي اتوقع قريب يعني قبل العطله هذا الي سمعته بس انا اتمنى بعد رمضان
وما اشتريت شي للحين اذا حدوو ابدأ اشتري …
والله يوفقكم بنات …
اي وبعد سولفو 
والله يوفقكم انشالله