|
|
السلام وعليكم ورحمه الله وبركاته
خواتي كويتيات اللي حالتهم مثل حالتي ينطرون رحمه رب العالمين عليهم
انه الله يرزقهم الذريه الصالحه
بما انه الحوامل يسوون لهم تجمعات ويتناقشون بمواضيع الولاده والتجهيزات
حبيت انه يكون تجمع لنا احنا المحرومات من الذريه
نواسي بعض ونشجع بعض ونتابع اخبار بعض لما الله يكتب لنا
ويرزقنا الذريه اشرايكم ؟؟
وكل وحده تدخل تقول
اشكثر صار لها متزوجه
ووين تتعالج
وشنو مشكلتها
اتمنى الاقي تعاون منكم خواتي علشان نصبر بعض ونفيد ونستفيد من بعض
وانا اطلقت على تجمعنا هذا اسم ( تجمع الامل )
ومافي احلى من الامل والتفاءل برحمه الله الواسعه
فحياكم الله خواتي بتجمعنا المتواضع
ويفرج هالكربه يارب
انا متزوجه من 6 سنوات واربع اشهر
طبعا ما حملت ولا مره 
علشان تشجعني اني ما افقد الامل ومايدش اليأس بقلبي ( حبيبتي والله ماراح انسى وقفتها معاي )
وتعالجت عند مسشفى الشركه ( ماكان في نتيجه )
تعالجت عن الدكتور فريد صوصو ( ماكان فيه نتيجه )
واخيرا ولا ليس اخرا
اتعالج حاليا بمستشفى الصبااااح ( والحمدلله مرتاحه نفسيا عندهم )
دكتوري وايد زين وفي نتيجه حلوه مع العلاج
طبعا مشكلتي الرئيسيه كانت السمنه المفرطه
مما تسبب لي في لخبطه بالهرمونات
ارتفاع هرمون الحليب
عدم انتظام الدوره الشهريه وانقطاعها لعده اشهر ( وكنت اتوقع اني حامل ) بس يطلع نيجاتيف
وتكيس شديد
وضعف شديد بالمبايض
اللي صار
اني نزلت وزني بشكل جذري
وصارت الدوره اتييني كل شهر بانتظاااااام
الحمدلله رب العالمين ( هذا من فضل ربي )
وفي استجابه للعلاجه الحمدلله
وباقي ربي يأذن انه يرزقني بالذريه
يعني المشكله الرئيسيه الحين ضعف التبويض
يا بناااااااااات حلو التفاءل وحلو الامل بالله
منو اللي بتدخل عقبي وتشاركني ؟؟
ويارب ما انسى اسمج لما اروح اولد علشان ادعي لج
حبيبتي عسالله يهون عليج ويسهل عليج ولادتج ياااااااااارب
ويقر عيونج بشوفه طفل سليم بصحه زينه وعافيه يارب
ومشكووووره من كل قلبي يكفي دعواتكم لي ولغيري
والحمدلله والف حمد وشكر لك يارب على كل شي
واعتقد اني حامل وارووووووح احلل واندقر من النتيجه
وعقبها شوفي المناحه اللي تصير بجي وصياح
وانا بنصحج بشغله سويها وانتي تعالجين وانشالله بأذن الله تحملين ارقي نفسج انا كنت حاطه رقيه شريعيه اهني بالمنتدي والحمد الله بس سويتها بنفس الشهر الله رزقني و حملت وهذا اهو الرابط مال الرقيه
ويرزق كل محرووووووووووووووم
وانا مجربه هالشي وحمدالله عقب صبرررر الله رزقني
اهم شي الصبر وكثرة الاستغفااار والدعاء وقت السجود
وربي سبحانه مايقصر
و إنشا الله على السنه اليايه نفرح فيكم أمهات
انكم تواسون وتدعون لي بالخير والله يعطيكم العافيه
بس في سؤال معقوله بس انا بروحي بالمنتدى ماعندي عيال
اا اللي اعرفه انه في اكثر من وحده وينكم يا بناااات
تعالوا نشجع بعض
عاجلا غير اجلا
على فكره سولج رقى شرعيه او اليامعه او خلي يدهنونج يمكن اسم الله عليكم من التابعه
عاد اتصدقين انا ولدي عمره 2 سنتين وناويه احمل وبس نويت احمل
هالقطاوه السوده ما تهدني بالحلم
واخر مره حلمت ما ادري منو والله بس حسيت ايد تدخل بطني واحس تفر رحمي فررررر واحس احد يطقني على ظهري
وانا بالحلم بجي من العوااااااااااااار
واقولهم الله يخليكم بس ذبحتونييييييييييي انا حامل وخروا عني
بس يتلي الدوره بعدها تصدقين
حدي ضايق خلقي من حلمي حسيت ان الحلم مو طبيعي في أن
الله كريم