تجربة رفيجتي باطفال الانابيب بالتفصيل "

السلام عليكم ورحمة الله وبركاته

رفيجتي صارلها 3 سنين متزوجه وماحملت لان فيها ضعف تبويض وتكيسات وريلها مافيه شي

جربت تلقيح يمكن 6 مرات هم مانفع

ف نصحها الدكتور باطفال الانابيب طبعا دكتورها ناهض حماديه بمستشفى المواساه

تكلفة العمليه شامله المراجعات والادويه 2300

اهي سوت انابيب طويل المدى ( دكتور اهو يحدد لج شنو يناسبج طويل المدى ولا قصير حسب مبايضج )

وطلبت مني اكتب هالموضوع عشان يفيدكم وادعولها بثبات حملها

يلا نبدا

راحت له ثاني يوم بالدوره طلب تحليل حق هرمون حليب وسوا لها سونار وقال لها يناسبج طويل المدى وطلع عندها هرمون الحليب مرتفع عطاها حبه تاكل نصها اليوم والنص الثاني بعد اسبوع وحط لها موعد يوم 21 من دورتها

يوم 21 سوا لها سونار جيك عالرحم والمبايض كل شي اوكي وبدت البرنامج اللي اهو تاخذين ابره اسمهاdecapeptyl هالابره كل يوم بالليل تاخها تحت الجلد اكثر البنات ياخذونها بنفسهم اما رفيجتي خوافه كانت تروح المستوصف يطقونها الابره وسعر الابره الوحده 3 دنانير

تاخذين الابره لين ماتنزل الدوره طبعا الفوليك اسد ماتقطعينه وممنوع الاعشاب ووممنوع الككاو والقهوه والمشروبات
الغازيه

الحين بعد 10 ايام من بدت تاخذ الابره صار موعد الدوره بس مانزلت فدقت على النيرس اسمها سونيتا وسوت لها سونار ماكو شي الرحم زين فعطتها تحاميل مهبليه تنزل الدوره ونزلت بعد 3 ايام طبعا الابره للحين مستمره عليها ماتقطعينها

6 يوم الدوره موعد سوو لها سونار وتحليل دم الرحم والمبايض زينين وبدو ابر تنشيط اللي اهي :

ابره نفس القلم اسمها puregon سعرها 60 دينار تكفيج يمكن 6 ايام

و

انبولات حق الابره اسمها menopur 75 سعر الانبوله مع المحلول 3 دنانير وشي

و

ابر اللي اول شي ذكرتها تستمرين عليها ماتقطعينها اسمها decapeptyl

حلووو ؟؟ هذا من 6 يوم الدوره ويحطون لج موعد كل يومين وترك وبعدين كل يوم وترك بعدين يوميا وفايدة هالمواعيد يجيكون على حجم البويضات والهرمونات لان الدكتور حريص ماتصيً تضخم بالمبايض فكل موعد يايزيد او ينقص من جرعت الابر حسب حالتج

غالبا التنشيط ياخذ من 10_12 يوم لين توصلون للحجم المطلوب

بعدها خذت الابره التفجيريه

بعد 36 ساعه عملية السحب بنج كامل ولما قامت تقول عوار نفس الدوره

بعد يومين دقت النيرس سونيتا قالت لها باجر ترجيع الاجنه وراحت رجعتهم تقول بسيطه جنه سونار مافي الم ودقايق وخالصين

وراحت قعدت ببيت اهلها 10 ايام وردت لريلها بس ماقامت من الفراش الاكل يوصلها لين فراشها وماتسبحت الا باليوم العاشر سبوح خفيف سريع

وبعد 14 يوم حللت ما شاء الله حامل

الله يتمم عليها يارب وافرح بشوفة ضناها

واهي حبت تفيدكم لان لما كانت بتسويها حيل توترت لان ماتعرف شي

وسامحوني على الشرح لووول ماعرف اكتب مواضيع

اي صح وحيل تمدح الدكتور تقول تقطين نفسج بيده وانتي مرتاحه ماتحاتين شي دكتور فاهم وعارف شغله وشاطر ويخاف الله ودقيق ويهتم بادق التفاصيل والستاف عنده قوي قوي

نسيت اكتب

مدة العلاج من اول ابره لين يوم الترجيع شهر و ١٠ ايام

الله يعين كل من بتسوي ما اتخيل نفسي بمكانها شهر وشي كل يوم ابر وتحاليل

الحمدلله على كل حال وكل شي يهون لاجل عيون البيبي

يارب يابنات ماتحتاجون شي وتحملون طبيعي وانا معاكم

الله يتمم حملها
يرزقنا بلا ابر وجع
شكلي بدي اجرب عنده جربت كتير دكاترة
يعطيك العافية

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

ما شاء الله ربي يثبته أن شاء الله

اهيه مثل حالتي بالضبط

ماشاء الله ربي يثبت حملها ونصيحه شيطوونه جربي الدكتوور مرره شاطر وانا سويت عنده والحمدالله نجحت ربي يتمم كل شي على خير يارب وطبعا اول واخيرا تتوكلين على ربج

وعقبال بنات القسم كلهم يااارب

شيطونه الله يثبت حمل رفيجتج ويرزقج بالحمل من غير تعب

اي والله الدكتور ناهض شاطر ان شالله بسوي عنده انابيب

ام دليار الكل يمدحه هالدكتور وان شاء الله تحملين من غير شي

فانتا ستروبري عاش من شافج لو ادري من زمان نزلت الموضوع هههه لج وحشه والله وعسى الله يرزقج قريب

سمو حبيبتي الله يثبت حملج ونفرح فيج تبشرينا بولادتج بالسلامه يارب وان شاء الله بروح للدكتور على النيو ييير

ماتغير شي نورتي الموضوع والله يوفقج ولايضيع تعبج ياكريم

اما باجي البنات اللي دخلو وماعلقو ولو بدعوه مشكورين وعسى الاه يرزقكم وماتدخلون هالقسم يارب

الله *

الله يتمم عليها

الله يتمم عليها يارب ويرزقنا ادعولي انا مبلشه للعلاج لاطفال الانابيب

الف مبروووووووووك حمالها والله يتمم لها وقومها بالسلامه ويرزقج الحمل السليم يارب انتي وبنات القسم ،،،

ههههههه

حبيبتي عاشت ايامج وانتوا كلكم لكم وحشة

أمين يارب ويرزق الجميع

تسلموون بنات جزاكم الله خير