|
|
السلام عليكم
وتقبل الله طاعتكم .. وعيدكم مبااااااارك قبل الزحمه
تناقشة انا ورفيجتي مره عن اسلوب تربية الابناء انا لى وجهة نظر وأهي لها وجهة نظر مختلفه ،، عاااااااااااد انا شقلت ماااااكو الا المنتدى اطرح فيه النقااااااش الى دار بيني وبين رفيجتي ؟؟
كان النقاش يدور حول شلون توصل المعلومه الى الابناء واذا كانت المعلومه محرجه بعضا الشىء،، وما يخفا عليكم الى صاير هالايام وان المسلسلات اللهم ياكافي ما خلت شى ما علمته هالصغار قاموا يفهمون المسلسل اكثر من الكبار ويحللون القصة عــــــــــــــــــــدل….
من وجهة نظرى .. أقول خلي ولدج ولا بنتج تتعرف على
المعلوومه صح من دون ما يكون فيها لف ودوران خصوصا اذا اسألج سؤال محررررج مثل (اذا طلعت دعاية للفوط الصحية ؟ يسأل : ماما مالت شنو هذى ؟ || او ماما انا شلون طلعت من بطنج ؟؟ وغيررررررررررررره )) وقلت لها بعد خليهم وياخذون راحتهم في طرح التساؤل وناقشيه معاهم ببساطه… يدرى من أمــــــــــه ولا أبــــــــــوه أحسن من ما يدرى من المسلسلات والمدرسه وغيره
وجهة نظر رفيجتي مختلفه …. تقول لا تفتحين على نفسج باب انتى في غنا عنه .. يعنى اى طريق ممكن يخليه يوعا الطفل على شى ما تبينه يعرفه صكيه ,,.,,,, يعنى باختصار صكي عليه صكه ولا تخلينه يشوف الى يبي واذا سألج لا تقولين الصج لان مسيره يعرف بس لما يكبر يكون واعي اكثر ويستوعب الموضوع احسن ؟؟؟
عاد انتوا شاريكم … تجاوبين على اسألت طفلج من وهو صغير ولا تتركينه لزمن يتعلم لما يكبر ؟؟؟
اتمنى نلاقي مشاركه مفيده تفيدني وتفيد باقي الامهااااااااااااااااااااااات ؟
يعني اجاوب بس بحدود و بتحديد الاجوبه الخاصه اذا كان ولد او بنت
لان اذا جاوبت بصراحة للطفل امور الاكبار مصيبه لان راح ينقلها للغير بسلوب غلط او حتى اهو يفهمها غلط بس ابنفس الوقت اوعيه بسؤاله بطريقة بسيطه و اذكر انه لما يكبر راح يفهم الباقي
مشكوررررين على تجاوبكم ….
بس ولدي اسم الله عليه امس اختي ولدت ولا يقولي يمه خالتي شقو بطنها وطلعووه؟؟
سكت قتله اي يمه لووول شسوي توهقت وهم لانه صج هالشي