تجاربي الناجحه والفاشله بالفلر ونفخ الشفايف بالتفاصيل الممله دشو استفيدو

السلام علييييييكوووووم

وحشني منتداي الغالي وايد

صراحه حبيت اكتب اليوم لان حرام المنتدى يندثر وانا وحده للامانه لي اليوم ادش المنتدى اقرى واستفيد من تجاربكم اذا كنت محتاره بشي,,

بدش بالموضوع

انا بسنة 2024 تقريبا كان اول مره لي اتشجع وادش عيادة تجميل
واذكر كنت وايد خايفه من الابره ودكتورة التجميل قالتلي اليوم انتي خايفه بس بكرا رجليكي بتجيبك لعيادات التجمل وفعلا كلامها صحيح الحين صار فيني هووووس تجميل

المهم اول تجربة
تفخ شفايف كانت عند دكتورة بالصفاة الامريكي عند دكتوره غاده حقنت لي ماده اسمها توزيال او توسيال
الي ماعجبني انها كانت مستعيله علي ولمن حقنت شفايفي ما سوت لي مساج ووزعت الماده عدل
فا تكورت الماده وصارت شفايفي فيها اطراف مبوزه وكور ماعجبني شكل الشفه وتضايقت ورحتلها بعد يومين خليتها تحقنلي شي يذوب الماده المكوره وعدلت لي ياه بس ماعجبني التفخ مو مرتب بس الماده حلوه وطولت تقريبا 4 شهور خذت عال ملي 120 دينار يعني لمن تخفت وجنتين وشفه علويه كلفني شوي بس اذكر انها خصمت لي 20 دينار من المبلغ النهائي.

ثاني تجربه
رحت عن د دكتور هشام ياسين بالزهير الطبي اهو الحين انتقل من الزهير ..
اول مادشيت عنده سألني حاقنه من قبل؟ وعند منو؟ وشسم الماده؟
جاوبته عالاسأله وقلتله تفخت ماده توزيال ووافق انه يتفخلي شفايفي
وطلبت منه وجنتين والشفه العلويه
وسوالي طلبي ووالله احلى تفخ تفخته بحياتي وهمن كان الملي غالي اذكر جنه ب 120 دينار
واو 130 دينار ناسيه ..
الماده ظلت بويهي وشفايفي اقل من 6 شهور

المهم مع الايام تجيعصت شوي لان والله مكلف اذا كل 4 شهور بقط 400 على ويهي ويروح بسرعه احس يبيلي ميزانيه .. ولاني ادرس ف وايد علي صراحه..

وسألت رفيجاتي ودلوني على وحده روسيه عندها عياده اسمها اويقا اوليجا
رحت لها قابلتها وسحرتني بابتسامتها لوول اهي قليلة الكلام بس تبتسم وايد
المهم حقنت شفايفي عندها بماده اسمها جيني فيل
وللاسف ماده تجاريه وفاشله وبسرعه تفشش
سعر الماده كان 60 دينار وللعلم قبل كانت تحقن الشفايف ب 30 دينار لوول والحين صار 60
اوايد استانست اي تفخت شفايفي ب60 دينار + وجنتين كان نص السعر الي ادفعه بره بالعيادات فرقت علي الميزانيه …
بس الي صدمني ان الماده الفاشله تفش بعد اسبوعين !!!
وورحت بعد شهر عندها تفخت مره ثانيه حسبالي من الاشياء الحاره الي اشربها
وحاليا خلت سعر الماده 80 !! لوول على شنو مادري..
والله من تشربين نسكافيه او كوفي او شي حار تنصدمين ان بعد اسبوع اسبوعين الماده راحت وبقى شي بسيط جنج مو تافخه
والي صدمني اكثر انها مو دكتوره ولا شي ولا عندها شهاده يعني حالها حال النيرس لا وبعد النيرس عندها شهادة تمريض هذي ماعندها

المهم لمن رحتلها وناقشتها قلتلها مايصيير بعد اسبوعين اختفت الماده يعني مو كل شهر برجع اتفخ ؟ وسوتلي رتوش فري.. عادت على النفخ مره ثانيه
وهم نفس القصه رحتلها قتلها يابنت الحلال راحت الماده مامداني اتهنى ماكملت شهر شلون جذي

وصدفت عندها دكتوره مصريه مسكتني وكلمتني وقالت لي انا جايبه معايا مواد مختلفه وجربي ومادري شنو انا راح اسويلج ياه فري والمره الثانيه تدفعين 80 لان هالماده مختلفه وتظل 6-8 شهور وافقت ونفخت بس والله ماطولت الماده الثانه اكثر من شهرين واتصلت عالدكتوره المصريه قلتلها جان تقول خلاص انا جبت ماده جديده اسمها هايلورونك اسيد ودي ماده كويسه وراح تطول ومن هالحجي بس انا مارضيت اروح لان صار تتش بيني وبين الروسيه فمابي ادش عيادتها والدكتوره المصريه وايد نفسها حلوه وطورت المواد وتفتح الماده جدامج وتعطيج القوطي تشوفينه وبعد جم يوم تسويلج رتوش وتزيدلج اذا تبين اهي الدكتوره المصريه طيبه وحبيبه بس انا كشيت من العياده

وطبعا حاليا افضل ماده للحقن اهي هايلورونك اسيد

وسويت سيرج منو احسن عيادات يحقنونها لاني ابي احقنها حق الوجنتين
هوليوود كلينك وايد غاليه اتصلت فيهم قالولي الملي ب130 جنه
وفي بيلا كلينك يسوونها جنه ب 70 للملي
وعند الدكتوره المصريه الي مع اولجا ب 80

انا احترت بينهم وراح اشيل هوليوود كلينك لانه غالي الملي عندهم
ساعدوني عطوني اقتراحاتكم منو تعرفون عياده تغز هايلورونك اسيد بسعر مناسب مابي غالي

المهم بخصوص الوجنتين انا مفكره احقن هايلورونيك اسيد

اما شفايفي
تدرون بعد الطب تطور وانا وحده زهقت كل 3-4 شهور اروح انفخ وتطلع رسمة الشفايف غيرعن المره الي قبل..

فا هالمره بقررت بعد ما شفت رفيجتي تيننن صارت..
قررت ارفع الشفه الي فوق بغرزتين .. غرزه عند التحديد الي فوق صوب اليمين وغرزه صوب اليسار وهالخيوط طبيه ت..قعد النتيجه سنتين
طبعا بعد ما ارفعهم بالغرز بنفخهم شي بسييييط بس بالوسط

وبكتب لكم تجاربي مع عيادات التجميل عشان تستفيدون

الله يعطيج العافية
ومشكورة على عرض تجربتج
وديري بالج لا تغامرين مرة ثانية
مو كل مرة تسلم الجرة

مشكوره حبيبتي على عرض تجاربج بمصداقيه
ماجربتي تفخ الشفايف دائم ؟
انا جذي نفسج ماعندي فلوس وماقدر كل شهرين اطقلي ابره ب 120
حرام وايد غالي صراحه فودي اتفخ دائم شفايفي شي حلو وناعم
ماتعرفين عياده زينه وتتفخه بشكل حلو يمدحون الجار الله حق الدائم
يقولون دكتوره ايرانيه مادري روسيه اهي الي تسويه وب 80 دينار بس للمانه ماجربته

لااااااا ديري بالج من هالماده ترا مو زينه واهي ماده دائمه وممكن تسبب لج التهابات وبلاوي وتتكتل جد جد منظرها مو حلو
وبعدين اذا شلتيها مايصير تتفخين وراها شي لانها تحرق المكان

شوفي روحي لدكتور ياسر شبير بمركز الجار الله الالماني بحولي والله مو دعايه بس ريال شاطر وايده خفيفه ومو تجاري ينصح من قلب واذا شي م، محتاجته يقولج ماراح اسوي

شندوخه مشكوره حبيبتي
بس التفخ المؤقت غالي ماعندي ميزانيه كل شوي اتفخ
والدائم على قولتج وايد يخوف يسوي التهابات وبلاوي احنا بغنى عنها
والله احترت هذا غير اهلي اصلا مو راضيين اتفخ بس انا خاطري بشي ناعم وطبيعي من غير لايدرون