تجاربكم مع نقل الطفل من فراشكم لفراشه

السلام عليكم

بنات ..بغيت أنجح التجارب الى تخلى الياهل ينتقل من فراش الوالدين الى فراشه ..الياهل عمره 3 و نص ..و عنده غرفه مع اخوانه (2) و فراش و ديكور و كل شى …

مشكورين

والله اختي اوليدي ليلحين شهرين مامريت بهالمرحله

بس اضن لماا يكووون الياهل نااااااااااايم بساااابع نوومه ويكوون دايخ تقدرين اشيلينه واتحطيينه بسريييره واذا قعد بفراشه قعدي يما ودبخييييي

وبس

الين الحين انا ماجربت هالسالفه مع بنتي بس بحاول قد ما اقدر انه على السنه والنص بخليها بروحها

بس كانه اولدج كبير يعني ما حس تاخذين راحتج في غرفتج

الله ايعين ..هاليهااااال ما يكبرون الا واحنا انتهت صلاحيتنا

انا ماعندي خبره , بس اسمع بتجارب بنات عمي ,,

بنت عمي الله يذكرها بالخير , كانت كل يوم تقوله اذا نمت بفراشك راح تلقى شي حلو تحت مخدتك لما تقوم .. وفعلا كانت كل يوم تحطله حلاو او لعبه ,, وبعدين تعود ينام بفراشه,

عاد بعدين فكي نفسج من الحلاو والهدايا لووول

اتمنى اني افدتج

انا من وهم عمرهم ايام انومهم بفراشهم والزق فراشهم بفراشي عشان لما يكبرون لا اعور قلبهم ولا قلبي
حاليا توني ناقلة ولدي العودعمره سنة و9 شهور لغرفة ثانية وانوم الخدامة عنده لان توني والدة وجربت انوم الاثنين بالغرفة معاي ما مشى الحال
فتلاقيني طول الليل رايحة رادة اطل عليه
وبالليل انا انومه واحطه بفراشه

والدنيا تمشي

انا ولدي بيكمل 3 سنين وللحين ينام بينا
تعبت معااه
لو انومه بفراشه راح يرجع ويقعد وينام معانا

وجان زين يحترم نفسه وينام عدل
يقعد يشوت فينا انا وابوه
ويا مدخل ريله بحلج ابوووه
ويحط راسه على صدري و انا بروحي مو ناقصه

وبعدين استلسمت لاني تعبت كالساعه اشيله واحطه بفراشه ويقعد مره ثانيه ويرجع لنا

كل هذا نار الغيره من خواته
وانشالله قلت بشتري له غرفه نوم سبيادر مان علشان يتشجع وينام بروحه

مشكورين خواتى ما قصرتوا

والله انا نفس الحالة بنتي عمرها 5 سنوات تنام بينا كل ما شلتها ترد مرة ثانية سويت لها كل شي بس مو نافع
والمشكلة الحين تشوف اخوها عمره 4 شهور ينام ويانا تقول شمعنى
بس لازم اشوف لها حل تعبت من التشوت والساعات تحط راسها على ظهري وراسي وما اتهنى بالنومة
كفاية كل شوي قايمه حق الياهل

اكبر غلط انك تعودين الطفل ينام في غرفتكم فما بالك السرير لا تقولين صغير مايعرف!!!!!!!!!!!!!! مصيبة .

الحل يبي طولت بال وصعب على الموظفة لكن تعب كم يوم وترتاح: – حببيه في الغرفة اللي بينام فيها اسأليه وين يبي سريره وشنو لون المفرش حتى ابو سنة ونص بيعرف شنو اللي يحبه.
ثاني شي رقديه بنفسك في سريره قولي له الحين وقت النوم ولميه بوسيه ودفيه وخلك عنده بالغرفة إذا يخاف بدون ما تتحركين ولو قام رجعيه للسرير بدون ما تقولين ولاكلمة لو 20 مره بتتعبين وهو ما تعب بس لا تيأسين ونفس الشي المره الثانيه بس قعدي بعيد عنه قريب من باب الغرفة وتربعي وكل اشوي اسحبي نفسك برى بدون ما تكلمينه وإذا قام رديه بهدوء للسرير.

الطريقة شايفتها ببرنامج سوبر ناني وطبقتها وكل من علمته عليها نجحت معهم والحمدلله .

إذا فيه شي مو واضح مستعدة اوضح اكثر.

ولدي عمره 1 وشهر طبعا السرير ماله يم سريري بس مايحبه ضيج عليه انا حاطتله مطرح بروح (لان سريري وايد نازل )انا معودته باي مكان ينام بس صار له جم يوم هاب بحركه ينام على بطني ( ياحلاته بطاطي ) بس المشكله وايد يقعد بالليل مسويلى قلق ماينام نومه وحد مادري متى تعدل نومته

احلاهم

احط بداره و بفراشه اذا نام و اخلي الاباجوه شابه
و باب غرفتي مفتوح

متى ما قعد ياني .. و انتي و حظج يا او الليل .. او ساعات الصبح .

و شوي شوي يتعود

مشكورين بنات ما قصرتوا …
الحمدلله المشكلة مو لى
ناس عندهم هالمشكلة و مو عارفين شيسوون بعمرهم …قلت ماكو إلا بنات منتدانا الحبيبات ..
كفيتوا ووفيتوا