بنتي والغازات :(

مرحبـآآآ ..

شلوونكم امهاات ..

انا عندي بنت عمرها سنتين ونص وتوني والده صارلي اسبوعين وبنتي وايد تغاار من اخوها

وصارت ماتاكل ولا تنام تبيني معاها 24 ساعه .. انا بالليل والظهر انومها اخليها تشوف توم وجيري وتنام ..

المهم الحين صارت تشرب واايد بيبسي وغازات وبالليل تبجي من بطنها مادري شنو اسوي

شنو اعطيها علشان تخف عليها الغازات .. لان كل هذا تسويه علشان انتبهلها وامنعها

حرام عليج هذا العمر يفهم اما اللي توه مولود مايدري شسالفه اهتمي فيها وحبيها اكثر من قبل وركزي عليها وبيني لها انج قريبه لها اكثر من قبل والله بعدين راح تأثر وتذبح اخوها وتكرهه وراح تتعب نفسيتها ولا تشيلين البيبي وترضعينه قدامها توها ماتعودت شي جديد عليها وحاجيها قولي لها هذا دادا صغير ياحلوه وخليها تحبه وطرشيها تجيب اغراضه لج مثل فوطه حفاظه مميه لهايه واذا جابتهم حبيها ولميها وصفقي لها عشان تستانس عليه وتعود وامنيعها من البيبسي حرام عليج تذبحينها جذي

نفس حالتي قبل جم شهر اول ماولدت كانت تغار وماتحب اخوها لين قتلهااا هذا اخوج يحبج باجر يكبر يروح وياج الالعاب ويمسك ايدج وهو بيبي مايعرف ياكل بروحه ويمشي ونتي كبيره تفهمين تاكلين بروحج وتمشين وتلعبين اهو مايعرف شي وخليتها تساعدني بتلبيه وتييبلي اغراضه وكل شوي لميها وبوسيها وقوليلها احبج يوم عن يوم تتغير وييبيلها هدايا قوليلها انتي شاطره عشان جذيع اعطيج واهم شي لو عندج فيديوهاتها وهي صغيره خليها تشوفهم قوليلها شوفي انه سويتلج قبل الحين اسوي حق اخوج والله يعينج اهي مساله وقت بس

لا تييبين بيبسي للبيت …وحاولي تبوسينها وتلمينها لاتشوفج والبيبي بحضن تغااااار اكثر …وخليها تمسكه انا كنت احببهم في اخوهم انهم يمسكون واحطه بحضنهم واقول هذا اخوك ويحبك واخش كاكاو واقول يابه لك ويستانس <<لازم نقص عليهم وبالاخير كلهم صغار لازم دراينها اكثر

المفروض من انتي حامل حبيبتي تهيئينها
المهم الحين مثل ماقالوا البنات حببيها في اخوها خليها صج تكون متشووووقة حقه لين يكبر وتلعب معاه
واهي تفهم حرام عطيها ويه وخلي البيبي ذاك توه صغير مايفهم شي
خليها مثلا مثلا اهي تيود المرضعة وتشربه حليب اي شي خليها تشاركج

ولاتدخلين البيبسي للبيت

عطيها ماي النعناع خففيه بشوية ماي وسكر بيشيل كل الغازات منها

حرام لا تعليمها على البيبسي من الحين

حبيبتي حاولي دايم تحضنينها وتلعبين معاها
ولوني معاها
الاطفال بهالعمر يحبون اللوان

واشتري لها هديه وقوليلها البيبي شرالج
الهديه

وبالنسبه للبيبسي لاتعطينها
عطيها عصاير
والله يخليهم لج يارب

قطعي البيبسي ولحد يشرب جدامها لين تنساه