بنات كلية الهندسة ممكن تساعدوني

بنات حبيت أستفسر عن كلية الهندسة أنا أحب الكيميا و مفكرة أدخل الهندسة و أتخصص هندسة كيميائية ، شلون الدراسة سهلة و لا صعبة ؟ شنو طبيعة الدراسة و مستقبلها الوظيفي ؟ و شلون الدكاترة ؟ و ياليت كل الي تعرفونه عن هتخصص تكتبونه لأن حدي ضايعة و ما أعرف أحد بالهندسة و الي ما تعرف ياليت ترفعلي الموضوع

اب اب اب اب اب ابب اببب اب يب
فيدووناااا بناات *

انا هندسة كمبيوتر

الدراسه حلوه وما يبيلها لعب واهم شي تكونين
حابه مجال دراستج …
عشان تتقبلين المواد بصعوبتها وسهولتها

الكيميا ماعندي فكره انشالله البنات يفيدونج

اختي يوم تسجلين حق الجامعة تختارين هندسة بس ما تختارين التخصص

يوم تنقبلين هندسة ان شاء الله تقعدين سنة وبعدين تتخصصين

الهندسة الكيميائية يشتغلون بالبترول بعد ما يخلصه مهندس البترول

و الانتاج و المصانع وهالسوالف و عندهم يمكن 3 مقررات مادري 4 كيميا

كيميا عامة .. كيميا 2 .. كيميا عضوية .. كيميا تحليلية

عموماً راح تاخذين مادة اسمها مقدمة في الهندسة و ايي دكتور من كل قسم ويتحجى عنه

بالتوفيق حبيبتي

شوفي حبيبتي اول شي لما تنقبلين هندسه تدرسين اول سنه او سنه ونص تجتازين جم ماده بعدين يفتحون باب التخصصات ومو شرط يكونون مبطلين الكيميكال بس اذا تيبين معدل قوي عادي تسجلين فيه ,, اول شي لازم تكونين حابه التخصص عشان تستمريم فيه واهوا شي غيير غيير عن الكيميا العاديه الي تدرسينها بالمدرسه بس يعطونج تقريبا ٤ او ٥ مواد نفس الكيميا الي تدرسينها بالمدرسه راح يكونون من كلية العلوم اما باجي مواد التخصص كلهم غييير ,, تخصص الكيميكال مرغوب ومستقبله الوظيفي الحمدلله وايد زين كافي انج تشتغلين بالمصافي والمصانع مثل ايكويت و knpc و koc و kpc , واذا ماتبين خاص تقدرين تشتغلين حكومه مثل البيئه والاشغال وغيره

انزين نبي نعرف دراسته سهله ولا صعببه
يعني مثلا الميكانك والكهربا يقولون انها صعببه فيدونا عفية