|
|
قوه بنات اتمنى ما تبخلون علي بردودكم
انا عندي ولد واحد بس عمره 3 سنوات ضبط مشكلته انى من ولدته بكل شيء تأخر بالحبي بعدين المشي وطول وايد على ما تكلم وقال جم كلمة والحين كلامه جمل بسيطةوايد جنه واحد عمره سنتين مو 3 سنوات
مع انه اسمل عليه ذكي وايد وكنت خايفة من هالموضوع فقالي الدكتور انه اكثر الاطفال اللي يتأخرون بالنطق اتلاقينهم اكثر ذكاء وصج هذا اللي حاصل معاي
المهم انه ولدي من النوع اللي كله بالبيت وما يقعد مع يهال وايد بحكم الظروف لانه اهلى عايشين ببريطانيا
فماعندي الا هالولد وسجلته بالحضانه صارلي جم شهر الحمدلله تحسن شوى بالكلام وقام يعبر احسن من الاول بس هم مو وايد وصار اجتماعي
المشكله مو اهني المشكله الحفاظه مو عارفة شلون اقطعها من ولدي والله انى كل نص ساعه او ساعه ادخله تكرمون الحمام وما ازفه وصارلي 4 شهور وانا اعلمه والحضانه تساعدني وحاولنا بكل الطرق ماكو فايده ابد
المشكله انه في ناس تنرفزني بسلوبها انه اتقولي ليلحين ولدج مايروح الحمام كبير؟ ليلحين ما يتكلم عدل ؟ انزين انا شنو بيدي
قالولي لبسي الحفاظه اللي على سروال وصارلي 4 شهور واهو لابسها
قالولي قطي السروال الحفاظ وخلي على السروال العادي علشان اهو يتضايق اذا وسخ على نفسه هم ماكو فايده
اهو يروح اذا وديته انا بس اذا سكت عادي اهو مايقول
ساعات اقول خل يتكلم وساعات كلام الناس يتعب نفسيتي
تكفون عطوني حل زهقانه عيشتي واسفة طولت عليكم وابي تجاربكم
واهم شي صحت اولدج
يمكن اولد مو قاادر يعبر انه برووح الحماام ولا قاادر انه يحس انه برووح الحماام
انا ولد اخوي شوفي عمره 4 اسنين وهو لابس البااابرز
طلع ماايحس في نفسه وطلع عنده المشكله فيها
انتي لا تضقطين على ولدج وحااولي تسألين الطبيب
واكيد بقولج خليه يوصخ على نفسه وشوفيه يقولج ولا لا
عشاان تعرفين هو يحس بنفسه ولا لا
والله الحين امبلشه انها تقطها اشوي اشوي
وارد اقولج ماالج شغل في كلام النااااس
حاولي بعد مره وحتى لو يصير عمره 4 سنين عادي ترى
والناس اذا احد قالج شفيه ولدج قوليلهم (مدلع) وحيد امه بينجعمون
ولاتلوموني ماعندي غيره وشيء غريب علي ليش اول ياهل وماقصرتو
مشكلتى انه كلام الناس يعور قلبي بس على قولتكم خل يولون
عادي ولازم ماتقارنين ولدج بباجي اليهال كل واحد وطبيعته
وحبه وحبه بيتعلم بس زين سويتي سجلتييه بالحضانه علشان يختلط
لأنهم جذي يعطونج رسائل سلبية تأثر على تعاملج مع ولدج ..
ركزي على ولدج وقطي كلام الناس ورا ظهرج …
نفس ولدي
والحين كاهو اسم الله عليه عمره 10 سنين ومافيه الا العافيه
بين الصبيان انا ولدي الاول الحمد لله ما تعبني بتعليمه للحمام مع انه للحين ما يتكلم عدل
اما ولدي الثاني هالدلوع اسم الله عليه موراضي يتعلم بالمره
وحاولت اكثر من مره بس رافع الجامات ورديت البامبرز له لان اختي توها
تعلم بنتها للحمام قبل دخولها الروضه اسم الله عليها كبيره بس كانت دلوعه
فخلي الاطفال على راحتهم ان شاء الله راح يتعلمون مع الوقت