|
|
بنات تكفون بجن من النساة
حتى ريقي ماني قادرة ابلعه
والترجيع هد حيلي
من تجاربكم قولوا لي شسوي انهلكت
بصيييييييييييييييييييييييييييييييييح
.gif "Eh S(11)")
ماأدري شقولج
جربي حبوب اللوعة ملوت الحامل من عند الصيدلية
وديري بالج لا يصير فيج جفاف
راجعي الطبيب اذا ترجعين وايد عشان يحطون لج درب
ويشوفون شيسوون لج
الله يخفف عليج ويتمم حملج
في حبوب للترجيع يوصفهم الدكتور … انا كليتهم تقريبا اول 3 شهور …وبالنسبه للمرار اللي بحلجي كنت اكل خيار وملح واييد يروح شوي ويرد … وهممممممممم قبل لا تقومين من النوم اكلي بسكوت مالح
شربي شي بارد ..
والله يهون عليج ويقومج بالسلامه
فيه حبوب اللوعه ناسية اسمهم كنت اكلهم مرة وحدة بليل قبل النوم ..
وعليج بالخيار والروب متى ماحسيتي باللوعه ..
ولا تاكلين اكلج بسرعه اكلي بهدوء .. حتى الماي لا شربتيه مو بسرعه .. دفعات 
وربي يكون بعونج يااارب
والله اني حبيتكم في الله
وحبيت اسأل عن حبوب لوعة الجبد اخاف لما اكلهم احس بالغثيان علموني عليهم؟
وجزاكم الله خير
بس فتره وتعدي
انا كنت جذي وردا لدرجه ماكنت احط شي بحلجي من كثر الترجيع
وعطوني حبوب بس مااكلتهم صراحه مادري وسوست
خذيت علج ينباع بالصيدليه كرتونه ابيض وازرق مكتوب بالاحمر على طول بحلجي صرفته لي الدكتوره مو حبوب
وعلى طووووول اكلي بسكوت مالح والله كنت وانا على فراشه اكله واحط فوقه ملح زياده شوي يساعد
وانشالله من تخلصين الر ابع ترتاحين
وكل شي في سبيل الياهل اللي راح يوصل يهوووووون
حالتي وااايد صعبه بس والله ماسكه نفسي
واحس بضيقه وكل منرفزة وبس
الله يهون علي وعليج ياااارب
واخذي العلج يريح شوي مو وااايد شوي بس
اسمه chooz
طلبيها من دكتورة المستوصف يصرفونها لج
وقسمي وجباتج باليوم الى 6 وجبات خفيفه وعلى اوقات متفرقه عشان ماتلوع جبدج والله يعينج
و خذيت حبوب اللوعه و ما فادوني كلش
ما في شي ما سويته و هم ماكو فايده
ما ودي أحبطج بس هذا اللي صار
و صار فيني جفاف لاني ما قمت آكل ولا شي
و كله يعطوني درب
والله يسهل عليج
تذكرت وحامى كان ثقيل جدا
انا عندى نصايح لج وان شاء الله تفيدج
اولا لاتتركين نفسج تجوعين ولاتنطرين الثلاث وجبات كل ساعتين اكلى شى خفيف
مثل
بسكوت حليب بارد
ايسكريم
والوجبات الرئيسيه اخذى اللى يسد جوعج يعنى لاتطبين
وعليج بعلك المر انا مجربته يزيح اللوعه
ابتعدى عن الدسم والمقالى
والبهارات الحريفه
والله يخفف عليج وكله راح يروح وتنسينه لما يصير البيبي بحضنج
قولي فتره وتعدي
انا عقب كل وجبه ارجع والله بطني يشد علي من تحت بس شسوي وبالضبط عقب كل وجبه ومالي خلق احد ونفسي بخشمي
بس عادي فتره وبتعدي
صج اني شادة المأزر وقد حمى وطيس النساة
بس وقفتكم معاي ومواساتي باذن الله اتخفف علي
اليوم قررت اطلع من غرفتي لاني والله كرهت حتى نفسي ورحت سوق شرق اتمشى بس حسيت بالم اسفل بطني مع اني توني بس 4 اسابيع خفت ما ادري عادي ولا؟؟؟
عاد اي واحد يشوفني ميت من الضحك امشي وبايدي علبة بسكويت وطول الوقت شي بحلجي
يالله الحمد لله على كل حال