بنات تكفون ساعدوووووووووووووني بموت من البجي :(

قوة بنات ….اشلونكم ؟ اتمنى يا بنات تساعدوني انا مالي الا الله و بعده انتوا اللي ممكن تعطوني رايكم و نصايحكم ..

بنات انا حمالي الاول كانت عندي حالة وفاة و ارتفع البيبي (يعني راسه كان تحت بس و مستقر بالحوض) و عنق الرحم كان مفتوح 3 سانتي و تسكر مع انه الجيس انبط وولدوني بالاخير عملية قيصرية …. و هذا الحجي قبل 6 سنين .. و الحين باقيلي اسبوع و اخلص شهري و الدكتورة قالتلي عندج 3 حلول يا انج تنطرين و يمكن طبيعي و يمكن قيصرية و الحل الثاني قيصرية اختيارية و الحل الثالث ان نعطيج طلق صناعي بس هااا اذا عطيناج صناعي احتمال ينبط الرحم و يودي الى اساصال رحم و و انا حدي تصرقعت ..يعني جنها تقوللي اولدي قيصرية غصب و انا مابي لان امي توفت و ماعندي احد يكون فوق راسي مثلها فحدي خايفة و مادري شنو اسوي ؟؟ حاسة جني راح امووت ….مادري شنو اسوي عشان اخللي عنق الرحم يفتح ؟؟ عيزت وانا امشي و اشرب دارسين بس ماكو فايدة ساعدووووووني الله يفرج عليكم ياااااااارب

لا حول ولاقوة الا بالله
الاحسن انج تستخيرين وسوي اللي ترتاحين منه

الله يقومج بالسلامة وتفرحين بضناج

مشكورة و ماتقصرين حبيبتي ….. و الله يسمع منج يا رب

حبيبتي لاتستعجلين روحي حق فوزيه القطان عندها الحل انا نفس حالتج بالضبط قالتلي دكتورتي نفس الكلام بعدين انصحتني وحدة الله يجزاها خير اني اروح حق فوزية القطان ورحت اكشفت علي وبعدين قالتلي مالج شغل فيها انتي انشالله طبيعي والحمد لله ولدت طبيعي قالتلي لاتروحين المستشفى الا ليمة اييلج الطلق كل خمس دقايق

حبيبتي توكلي على الله و اولدي قيصري … ولا تجازفين … انا ولادتين قيصري ومثل حالتج الاولى نبط جيس الماي وما يالي طلق … بس الثاني البيبي اسم الله عليه كان عود … والحمد لله توكلت على الله وقررت قيصري….

ودامج مخيطة من فوق خلاص بعد ليش فوق وتحت تجازفين
والله يسهل لج يارب

انا ما ودي استعيل بس اخاف البيبي يكبر ابطني و يصعب السالفة بس انشالله بروحلها و بشوف ….مشكوووورة و ما قصرتي حبيبتي

العفوااا استغفر الله الدكاترة ماعندهم ضمير ماخذينها تجارة بفتح بالبطون

اهم شي صحتج وصحه الجنين اول شي استشيري دكتور ثاني وثالث وشوفي رايهم اذا نفسه اولدي قيصريه وتوكلي ماكو الا هالحل

لا تغامرين مدام انها قالت لج الافضل قيصريه

الله يسهل أمورج وتولدين بالسلامه

استخيري وتوكلي على الله قيصرية ولا طبيعي اهم شي سلامتج وسلامة البيبي صدقيني ولا تحاتين وايد ترى السهالة من الله ويارب يسهل عليج

ياحبيبتي ربج معاج وامج الله يرحمها ويغمد روحها لجنه

والله ساعدي نفسج واستخيري وربج راح يدز لج اللي يقوم فيج والله لو اني بالكويت مااهدج بروحج

الله يسهل لج وتولدين بالسلامه وروحي لطبيب ثاني

الله يكتب لج الي فيه الخير و يسهل عليج
ويكتب لج المولود الصالح المتعافي
ان شاء الله

الطلق الصناعي بهذله وأنا مجربته ، وانشاء الله الله يكتبلك إلي فيه الخير وخلي توكلج كلة على رب العالمين وإنشاء الله حبيبتي تولدين بالسلامة ويرزقج الله بالضنا الصاحي والصالح ، واحنا ناطرينج تبشرينا ؟

حياتي انتي يا سوشية واللع انج عسل و انشالله بسمع كلامج يا عمري انتي ….خليتيني ابجي

شوفي حبيبتي

النفسية تلعب دور وايد

وحطي بالج ان راح تلدين طبيعي و خليج عايشة على الوضع هذا