بنات تعرفون شي بإرتفاع كريات الدم البيضاء ؟؟

أبدخل بالموضوع على طول

أنا أمس تعبت حاشني عوار تحت ابطني صوب الحده على اليمين و يوصل للي الظهر صوب الورك و كان خفيف و شوي شوي زااد علي حييل لدرجه أني ماني قادره أوقف على طولي أمشي و أنا مجندسه و العوار يزيد

المهم أنا هالعوار مار علي لكن عالخفيف و يروح ما يطول حده 3 ساعات و أنا ملاحظه أنه يكون بعد الدوره بأسبوع

عاد أمس لما زاد رحت حق المستشفى و ألا يسألوني عن الأعراض لأنه أول شي عبالهم دودة زايده بس الأعراض مالتها كلش مو فيني يعني ما أرجع و صخونه و لا عزكم الله أسهال
المهم حولوني على الجراحه و سوولي 3 تحاليل اثنين منهم دم و واحد عزكم الله بول

و الا تحليلين الحمدلله سليمين الأول مال وظائف الكبد و الأنزيمات والثاني عزكم الله البول

أما لما شاف نتيجة التحليل الثالث قام يخز فيني و خرعني
و كشف علي يعني قام نغز بطني و جذي فقالي يمكن هذي فترة التبويض و شكه اللي اهوا الدكتور في شي سألته قتله دكتور شنو فيه التحليل قالي (( لا بس عندج كريات الدم البيضا عاليه )) و سكت قلت انزين شنو منه قالي يمكن من التبويض عاد أنا عندي معلومه أنه التبويض ماله شغل بالكريات الدوم البيضا و أنه البيضا أذا مرتفعه يعني مو زين بس ماني عارفه شنو معناهم و مارضى يقولي الدكتور شنو يعني ارتفاعهم يقولي تعالي بعد يومين نسوي نفس التحليل و اذا للحين مرتفعين لازم أنومج