|
|
السلام عليكم
شلونكم بنات؟؟
انا توني متخرجه وسجلت بالديوان عن طريق النت
واليوم دشيت موقعهم ولا اشوف حاطين لي الترتيب 5 / 20
حق شنو هالترتيب؟؟
والحين شنو المفروض أسوي؟؟
الله يخليكم اللي تعرف خل تساعدني
.gif "Eh S(8)")
نطري
يعني بعد ما يعينون الاربعه اللي جدامج يعينونج
وعلى أي أساس يرتبون إلي أول مرة يسجلون بالديوان؟؟
يعني انتو دفعتكم تخرجتوو من هالتخصص 20 شخص وانتي ترتيبج بينهم 5 يعني بس يتوظفون ال4 اللي جدامج انتي وراهم علطول
حق شنو هالترتيب؟؟
حق يرشحونج الديوان اذا يالهم احتياج بمكان معين يرشحونج على حسب رقمج جم يعني بالترتيب
والحين شنو المفروض أسوي؟؟
ولا شي بس عليج تنطرين يرشحونج الديوان
ويقولون البنات انه في دفعه شهر 8 نطري وشوفي احتمال ينزل اسمج وياهم واحتمال لا على حسب الاحتياج
|
المشاركة الأصلية كتبت بواسطة عناقيد الجنه
 منار.. يعني بغض النظر عن الرغبات؟
وعلى أي أساس يرتبون إلي أول مرة يسجلون بالديوان؟؟ |
يتم الترشيح للجهات الحكومية المشمولة بنظام التوظيف المركزي حسب طلباتها وبالعدد من كل تخصص ذكور وإناث وبموجب المعايير الآتية:
( أ ) أن تكون الأسبقية في الترشيح للمتخصصين ( الحاصلين على مؤهلات جامعية أو دبلوم أو دورات تدريبية ) المسجلين في فترات التوظيف السابقة ثم في الفترة الحالية وفقاً للمعايير التالية:
يقدم الحاصل على التقدير الأعلى للمؤهل
-فإن تساوى اثنان يقدم الأقدم في الحصول على المؤهل
-فإن تساوى اثنان يقدم الأكبر سناً فإن تساوى اثنان يقدم المتزوج قبل الأعزب.
( ب ) أن تكون الأسبقية في الترشيح لغير المتخصصين (الحاصلين على الثانوية العامة فأقل من دون تدريب ) المسجلين في فترات التوظيف السابقة ثم في الفترة الحالية وفقاً للمعايير التالية:
( 1 ) بالنسبة للذكور يقدم الأكبر سناً المتزوج فالمطلق والأرمل ثم الأعزب.
( 2 ) ومن الاناث تقدم المطلقة والأرملة ثم المتزوجة والعزباء
-فإن تساوى اثنان يقدم الأقدم في الحصول على المؤهل.
واختي Golden يعطيج العافيه وماقصرتي على المعلومات
انزين عندي سؤال
انا حاطة أول رغبة وزارة الكهربا وتخصصي هندسه كهربائية
وكانو حاطين ان وزارة الكهربا يبون 88 مهندس كهربا
يعني في احتمال ينزل اسمي مع دفعة شهر 8 ؟؟
موفقين حبيباتي