بنات الحقوق

مخرجات الكلية وايد قوية ماشالله

والدكاترة مو مقصرين ( العموم )

موادنا حلوة ودراستنا لطيفة

بس اهم شي تنظيم الوقت ..

صج نمتحن بكمية خيالية بالميد تيرمز والفاينلز

بس بغمضة عين تمر السنين

كله يهون ..

لان مستقبل الحقوق ماشالله قوي وزين

ومطلوب بكل مكان

والمحامين مهما زادو ..

هم الكويت بحاجتهم

.
.

ماعندي فكرة عن الشارجة ..

بس جامعتنا وكليتي هني فيها الخير والبركة

موفقة حبيبتي ..

وايد ناس خرعوني منها (المووووت الحمر……) و من هالحجي بس قلت اللي دشو و ادرسو مو احسن مني و الحمد لله بالارادة كل شي يصير دامج حابة المجال.
و اللي يخرعونج ترا ما يعرفون طبيعة الدراسة حاطين ببالهم ان الحقوق حفظ و بس علبالهم تحفظين كل مواد القوانين (والله لو كمببيوتر جان طق و وقف من صجهم!!!!!!)
لا الدراسة مجرد شرح حق هذي القوانين و تعتمد وايد على الفهم فالامتحانات تكون قضايا و انتي تحلينها او تتكلمين عن موضوع معين (باسلوج) مو صح و خطا اختاري الاجابة . فالقانون مو مجرد تلقين.

و في وايد مواد قانون لان في اكثر من قسم للقانون منها القانون العام و القانون الخاص و كل قسم فيه تفريعات (قانون دستوري.تجاري.مدني.اداري.جزائي………….)

دراسة الحقوق ما اقولج سهلة يبيلها مجابل فشدي حيلج و انا سمعت ان الحقوق بجامعة الشارجة اسهل من جامعة الكويت

لا تخافين مستقبلج حلو و قوي فتقدرين تشتغلين بأي وزارة او شركة سواء مسماج (باحث قانوني أو محامي) طبيعة شغلج راح تكون قانونية بحته تحقيقات ادارية او استشارات قانونية …… يعني بمجال تخصصج

و ممكن تروحين التحقيقات أو اذا كنتي حابه تدخلين المحاماة فتقدرين تدربين سنتين بمكتب محامي بمقابل و بعدها تفتحينلج مكتب خاص سواء بروحج او مع محامي ثاني او اكثر

يعني في اكثر من خيار حسب ميولج و اللي يناسبج

الله يوفقج انشالله ويسهل عليج و تصيرين استازة

ويعطيكم الف عافية