بنات الجامعه ضرورس ادخلوا

وعليكم السلام والرحممة

اي تأثر نتيجة القدرات ع النسبة " خاصة اذا كنتي تبين كلية علمية طب هندسة علوم ادارية …. "

اذا نتيجتج عالية بالقدرات بيرتفع المعدل المكافيء واذا منخفضة العكس

طريقة حسابها سهلة بس ما اذكرها والله

اذكر ان نتيجتي ٨٩ ومع المكافيء صارت ٧٥ يمكن

لكن الحمدلله انقبلت بالكلية اللي ابيها لأني قدمت قدرات اكثر من مرة وخذوا اعلى درجة
…
العلوم البيولوجية ما اعرف عنها شي
العلوم الإدارية بتكونين مطلوبة بالقطاعين الخاص والحكومة ولج مستقبل فيهم لكن اكيد بالخاص أكثر والاغراءات بتكون احلى 
تخصصاتهم : اقتصاد تمويل محاسبة نظم معلومات وبعد في تخصص خامس اعتقد بس نسيته
واقوى تخصص محاسبة واغلب الكلية متخصصة محاسبة والحين يشتكون من كثرتهم

،

العلوم الاجتماعية
تضم اللي اذكره " علوم سياسية – علم الاجتماع – علم النفس – الجغرافيا "
تقدرين تصيرين مدرسة او اخصائية واذا انتي خريجة علوم سياسية وعندج ذيج الواااسطة السنعه ولسانج طويل ولج قبول بتتوظفين بأحلى الاماكن
الجغرافيا gis في مكان يتوظفون فيه غير التدريس بس نسيت شنو هو المهم انه مكان حلو

،

الآداب

تضم تخصص " تاريخ – اعلام – عربي بفرعيه النحو والبلاغه والادب – الانجليزي – الفلسفة – الفرنسي "
اكيد اقوا تخصص الانجلش والاعلام
الانجلش تقدرين تصيرين مترجمة بتلفزيون الكويت ووظائف كثيرة منها التدريس
وكذلك العربي تصيرين مدرسة او كاتبة بوزارة الخارجية " بس صعبة مو كل يقبلونه "
الفلسفة مدرسة
الفرنسي اكيد بعد مدرسة واتوقع لها مستقبل
الإعلام تخصص قوي بعد وله مجالات حلوة
الاعلام والانجلش اقوا تخصصات الاداب
التاريخ مدرسة

وكل تخصصات الاداب تقدرين بعدها تشتغلين بأي وزارة تبينها

،

دشي على موقع جامعة الكويت بتلقين كل الكليات شوفي شنو يناسب ميوولج وشنو انتي تحبين
ولا تمششين على كلام الناس اختاري اللي انتي تبين
واسألي ثم اسألي ثم اسألي واستخييري
لأن في بنااات واجد اختارو شي ما يبونه وتالي كملو سنيين ع اللي مو راغبين فيه بعدين يحولون وتضيييع عليهم مواد ولا تنحسب لهم الا اوفر لووود

وتذكري ان الكلية الوحدة فيها عدة تخصصات منها القوي ومنها الضعيف مستقبلاً ومنها السهل ومنها الصعب

اخذي فكرة أكثر من ناس خبرة
والله يوووفقج
*

مشكوووووووووووووووووووووره وما قصرتي
يعطيج الف عافيه

ماقصرت الاخت اجابتها كافيه وافيه

بالتوووفيق