بنات ابي رايكم وتجاربكم بمستشفى السلام

السلام عليكم

انا محتاره بين المواساة والسلام اليوم وايد قاعده افكر اني اروح اولد بالسلام
منو جربت ولادتهم ؟ شلون معاملتهم ؟ واسعار غرفهم ؟
ومنو خذت عندهم ابرة الظهر ؟
انا ما احاتي الا ابرة الظهر اخاف اخذها بأي مكان

قوووولولي كلشي تعرفونه عنهم بالتفصيل
بس ابي البنات اللي مجربينهم يعني مو سامعين كلام من احد ثاني لان الحجي وايد ^_^

انا نفسج بس ما ياني قلب اخلي المواساه رجعت حق دكتورتي وايد احبها معاملتها تهبل

هلا حبيبتي شلونج اول شي الله يسهل عليج انشالله وتقومين
انتي والعنونو بألف صحه وسلامه
انا من قبل اربع سنين وشي ولدت عندهم عند الدكتور علي النمر

ما اخش عليج اهوه زين بس وقت الولاده كان الاخ الظاهر مو شبعان نوم
وماله خلق يشتغل بس كل شي اوكي وراحه والولاده سهاله من الله
وخذيت ابره الظهر بصراحه رحمه بس ما انصحج فيها لانه الدكتور يظطر يشقج عشر غرز يمكن
علشان يطلع البيبي
انا شاقني من فوق لي تحت ولحد الحين رحمي مشوه من الخياط الخربوطه
ولما ولدت بعدها بعشر ايام فتحولي الخياط والجرح مو ملتأم

وسوولي كووي وخذو يمكن 1600 على شنو مادري ؟
وغير جذي طلع شافطين راس ولدي وطالعه راسه مثل الاناناسه وبعدين خفت الحمدلله الحين ما فيه شي بس اول اسبوع من يبته
وانشالله البنات يفيدونج بعد

انا افضل المواساة على طول اولد فيها 3 مرات و ان شاء الله بعد هالمرة بروح المواساة
بالنسبة لابرة الظهر انا ما انصح فيها … ولا جربتها
دكتورتي معصومة مخصيد … تجنن اموت عليها

يعني ماتنصحوني فيه كلش
عاد انا مادري شالطاري قلت بولد بالسلام مع اني قايله ماحب غير المواساة
واذا قررت اولد بالسلام راح اشوف اول دكتورتي اذا تولد هناك والا لا مابي دكاترتهم
بس اخاف دكتور البنج عندهم خواره لان انا ابي ابرة الظهر معزمه عليها وايد تريح

كاشونة منو دكتورتج ؟ لينا؟

بتبوتا ويه والله حسرووا فيج بس يقولون وايد تغيروا الحين عن قبل اربع سنين .. والا شرايج ؟

donat انا نفسج احب المواساة بس قلت بغير هالمره اجرب مستشفى ثاني
وابرة الظهر والله وايد زينه جربيها شوفي شلون ترتاحين عجيييييبه
انا احب دكتوره شاديه بس غميضه طلعت من المواساة

الله يتمم عليج حبوبة

انا دكتورتي فرجينيا تهبل اموووووووووت عليها امس تقولي يله متى اولدج واشوف البيبي ودي اشوفه يوم سويت سونار استانست اكثر مني وتصرخ تقول يحليله كنت مشتاقه اعرف شكله انا سويت رباعي فقررت اولد بالمواساه

ام نوره وهيا : الله من صجج على عدد البيبيات اللي في بطنها ؟ ويه جنهم صكوا على دار الشفا بالخواره

lailalaila : تسلمين حبيبتي ماتقصرين

كاشونه : انا كانت مولدتني شاديه ولما طلعت ضاق خلقيييييي ماحب لينا وماعجبتني فرجينيا احس انها نفيسه راجعت عندها مرتين وبعدين رحت حق لينا بس هم مو عاجبتني لينا ليلحين ، انتي جم لج الحين ؟

الحين غير اكيد بس انا ما قمت اروحلهم

وانا شكلي ماني رايحه بعد ^_^

شوفي يالغالية انا ولدي البجر ولدته بالمواساة وخذيت ابرة ظهر بس تعبت حييييل لاني كنت مدمنة كبتشينو ونسكافيه كانت ولادتي على العيد تخيلي فطوري وسحوري هذا … علشان جذي تعبت المهم والله عناية صج اما الخياطة وهذا الاهم عندنا عموما فكانت خرطي بمعنى الكلمة وابرة الظهر ما انصحج فيها والله ثم والله اني ما اقدر اطول اقعد بدون مسند لان ظهري يعورني حييييل واحس بنغزات فيه ..

اما السلام حلو.. صج غالي بس يستاهل انا ولدت عند احمد الشاذلي وصج الخياطة حيييييل شادة معاي وانا الثالث تخيلي والله من كثر ما هي شادة حسبالي فيني دمل ورحت حق سكينه وشافتني وقالت لي لا ما فيج هذا من كثر ما اهي شادة منتفخ .. والله تميت 15 يوم موقادرة انام ولا اقعد وادمنت المخدر ..

ومو بس انا اختي ورفايجي والله يمدحونه و جربو طيبة بعده وتحسفو ..

انا انصحج فيه جربيه والله ما تخلينه وبالاخر اهي تساهيييل من رب العالمين والله يتمم عليج ويقومج بالسلامة..

ام عبود يمدحونه هالدكتور بس انا مافكر اولد عند دكتور فشله
بس ترى ابرة الظهر تختلف من وحده لي الثانيه انا خذيتها بولادتي اللي قبل وايد ارتحت منها والحمدالله ماحاشني عوار وخياطهم كان زين يمكن يختلف من دكتوره لي الثانيه هم كانت ولادتي بالمواساة

بس بالعكس انا عندي مستشفى السلام اسعاره ارخص من المواساة