بنات أنا سويت عملية تجميل الأنف . منو منكم صار لها نفسي؟

بنات أنا صارلي شهر من يوم سويت عملية خشمي بس ملاحظة ان من جدام لما أطالع نفسي في المنظرة في فرق بين صوب اليسار واليمين … أكرر وأقول انه الفرق مبين من جدام ومو من الجوانب
يعني أشوف انه صوب اليسار مورم أكثر من اليمين حتي من داخل الخشم صاير سميك ومتين لدرجة انه الفتحات صايرة غيرعن بعض
صوب اليمين وايد عاجبني بس الأرنبة من اليسار مايلة على طرف اليسار
وشكل الأرنبة عندي صايرة مربع من بدل ماتكون دائرية
بنات طمنوني في أحد صار لها مثلي وهل هذا الشي راح يخف مع مرور الأشهر؟

والله حبيبتي ماعندي فكره
بس بسئلج عند منوو مسويتها

سويتها عند نادر صعب صار لي شهر

عادي حبيبتي ,, متورم
توج شهر
وينج ويين

ناطرين موضوعج وصورج ولاتبخلين علينا

نطري عليه كل ماله يتعدل لان عمليه الخشم يبيلها وقت كل فتره يتغير لين يوصل لشكله الثابت يعني اتوقع يبيله 6 اشهر لي سنه

نطري عليه توج مسويته لابد ان يكون مورم الحين

اي عااد متورم من بعد العمليه

مشكورين بنات على ردودكم والله طمنتوني
وتستاهلون أحطلكم صورة خشمي بس ماعرف شلون

علموني وإن شاءالله ماببخل عليكم

اختي انتي بجم سويتيها عند نادر يقولون انه غالي

اي والله غالي كلفتني العملية عشرة آلاف دولار

جم تقريبا بالكويتي و انتي صج رحتي له لبنان لان انا مرة كنت ماخذة استشارة عنده قال اذا تبين عملية تجميل أنف لازم اسويها لج بلبنان اهني ما اسوي

عادي وارم انا صارلي ٣ شهور و النص الي فوق توه يروح الورم باقي النص الي تحت بعد ٣ شهور ثانيه و انا نفسج فتحات خشمي سميك الجلد

يعني بحدود 2800 2900 جذي
أي رحت لبنان حق استشارة وعملية
ويسويها في المستشفى الخاصة ماته

أنا النص اللي فوق لاحظت علية هذا ال
اسبوع انه بدا يخف بس الارنبة والفتحات ماتغيروا بعدهم نفس الشي
مالي صبر يطوفون الستة أشهر

هههه انا اقول شيلي المناظر الي ابيتكم احسنلج ولا ترى بتينين

طولي بالج بعد باقيلج 5شهور تخف الارنبه..هذي تطول علما تخف