بكل صراحه، شسالفت المتزوجات و الخيانه ؟

السلام عليكم يا حلويين

موضوع جريئ شوي و شغله قاعده تكثر عندنا بالكويت احنا مو حاسين

الخيانه

الخيانه القادمه من الزوجه و ليس الزوج
انصدمت مره و ابوي يسولف ان رفيجه يحلف يميين كان رايح شالييه و لا حريم متزوجات قاعدين مع رياييل
و رياييلهم يدقوون تلفون و يقولولهم احنا اب بيووت اهالينا !!

ياريت بس متزوجات في بعضهم حمل بعد !! ماتخاف الله؟ ماتخاف عالياهل اللي اب بطنها؟؟

انا شاهده حريم يكلمون على رياييلهم و يقولون انهم بنات

ابيكم تقولولي رايكم ليش هالشغله كاثره عندنا
و شلون نقدر نمنعهه او ان نقلل منها

و شنو الاسباب اللي تدفع المرأه انها تخوون زوجها او حتى لو متزوجه و تخوون ثقة اهلها

و ليش البنت المتزوجه هدف سهل للشباب الضايعين؟

الله يحفطنا و يحفظ حبيبتنا الكويت من كل شر

السبب واااااااضح ما تخاف الله اكو اكبر من جذي سبب و لا العن من جذي مصيبة لو تخاف الله ما سوت جذي اعوذ بالله من غضب الله انطرح هالموضوع من قبل في المنتدي بس كل مجتمع في الزين و الشين و علي فكرة تري كل واحد لة يوم و ربج يمهل و لا يهمل راح تشوف بدنيتها و اخرتها

ولله مادري حتى سمعت باخر سالفه صارت بالمعهد التجاري الرجال لقى مرته مع واحد من الشباب وكفخها جدام العالم مادري الحريم المتزوجات ما تشبعين من واحد؟؟
اما الي مو متزوجات لي جيتي تنصحينها وتقوليلها عيب ومايصير قالت لج هذا صديقي ولله زمن اغبر الله يعينه وهذا دليل على قرب الساعه انتشار الزنا والخيانه الله يغفر لنا

انا مايقهرني غير انها ابذمة ريال و تخووون
لو الريال يخووون احس مادري مو كبيره نفس ما المره تخوون

المعهد التجاري تصيير فيه بلاوي بنت عمي تحلف تقوول واحد دش عليهم
طق اخته

بس شوفي اشلون الله فضحهاا
وااي تييلي رجفه من هالسوالف الحين هذا الحال عيال عيالنا شراح سشوفون من هوايل

مو اخته هذي مرته هي نفسها السالفه الي صارت من جم يوم اختج على نيتها

ماتخاف الله ولا تشوفه جدام عينها

لا انا السالفه اللي سامعتهه من سنتين سسالفه غير
سالفت اللي طاق مرته يديده عليي

تدرين مره سمعت ان صايره واحد ذابح رفيجته بالمعهد
ذبحها لما كانت طالعه وياه
و السالفه ماعلنو عنهه لان الولد ولج عايله معرووفه
خلوها سكاتي

الحمدلله والشكر لله

ميمي
شنو يعني الريال يخون اهون مو المره تخون مع ريال والريال يخون مع مره ماكو شي اهون من شي

الوازع الديني يفضح

اقروا الدعاء اللي بتوقيعي والله يكافينا وياكم كل شر يارب العالمين
الله يحفظنى ويثبتنا يارب

استغفر الله بروحها الوحده يالله ترقع روحها مع ريلها المره بعد عله ثانيه حبني واحبك

حياتي مشكوره عالرد

بس بالنسبه لي صعبه ان المره تخوون لان احنا البنات تربينا بديرتنا على انا نحفظ شرفنا و سمعتنا

و نكون ويا اهلنا و نساعدهم و تعلمنا ان لاتزوجنا نطيع ازواجنا و نشاركم

ادري ان مجتمعنا فكرة الولد مايعيبه شي بس الواقع ان احنا تربينا ان البنت تكون ايهي اللي الشريفه ة العفيفه

فا تيي البنت و ايهي عارفه كل هذا و متربيه على هالاساس
تيي و تخون ؟

عشان جذي اشوفهه انهه المره شي جاااااااايد و كبير اذا خانت

همن الريال شغله كبيره و عند ربنا ايهي اثم واحد

بس اهالينا شددوا عليينا اكثر من الرياييل
الريال يسوي بلوه و مايخالف من اهله و لا من احد

ذبحهاااااااا امبييييييه عمار ياكويت

ايي ذبحهه وعليه

و سالفه ثانيه يقوولج اثنيينه كانو مع بعض هشك بشك
و فجاه احترقت عليهم السياره

و توفوا الله يغفرلهم

سالفه معرووفه

خيانة البنت ممكن اتقبلها اوكي

بس المتزوجه لالالالالالالالالالالالالالا ما تدش العقل شنو ما تفكر بعيالها قبل لا تفكر بزوجها حتى لو مو مهتم فيها حتى لو مهملها بس بصراحة انا اعتبر هذيل الحريم أوطى درجة .

أعوذ بالله ,,,, الزنا من الكبائر العظيمة وهي مثل الدين ( من زنا يزنا به) والسبب أولا وأخيرا ضعف الوازع الديني سواء للمره أو الرجل …. والله يكافينا شر المعاصي

والله خوش كلام>>> لو انهم يخافون ربنا ماسوو جذي

استغفرالله
ربنا لا تؤاخذنا بما فعله السفهاء منا