|
|
انا والدة صالي 3 شهور ونص
بفضل من الله والدكتور الي بدار الشفا تسهلت ولادتي
في الشهر الثامن كان راس بنتي فوق حاول الفه الراس ما لف لان بطني كان صغير
والماي كان شوية وضليت طول الثامن والله ما انام من التفكير لان الولادة المقعدية خطرة على الجنين وكنت خايفة من الولادة القيصرية بس اهوا الدكتور مارضا قالي ماراح افتح بطنج ياني الطلق وكانو الدكاترة يتهاوشون فوق راسي وانا اطلق اهما يقولون ولدها قيصرية واهوا مو راضي الا طبيعي صج انه الولادة احساسة غير يعني تطلع ريل البيبي بعدين الراس بس الحمدالله سهاله من الله والحين بينتي عمرها 3 شهور ونص الحمد لله فضل من الله وثم هذا الدكتور ونصايحة واهوا شاطر وايد ومشهور بالخياط الزين والتجميلي والله يوفقه وانا كل ما اتذكره ادعيله بالتوفيق
والله تساهيل الولادة من الله واكيد بعد الدكتور يلعب دور كبير
منو دكتورج
والتساهيل من رب العباد
والحمدالله علي كل حال
بس حبيت أختي أذكرك أنك لازم تقولين بفضل من الله((( ثم))) الدكتورر لانك أختي شاركتي مع فضل الله فضل الدكتور((((( بحرف الواو))))…والله ياأختي هوالأول والآخر في تسهيل ولادتك والله المستعاان …..
إعذريني ولاتقولين قامت تتفلسف علي بس حبيت أذكرك والذكرى تنفع المؤمنين…….والله يتم نعمته عليك..
ومبارك مايبتي
بس سؤاااال
شنو كان شعورج لما ولدج ريال مو مرا ؟؟؟؟؟؟؟
قولي مبنجه ماكنتي حااااسه
إنزين الدكتوره هذا مايالج من باجر علشان يجيك على الجرح والخياط ؟؟؟؟؟؟
أحب انصحج لوجه الله تعالى
ترا حرااااام تنكشفين على ريال خصوصا إن الدكاتره الحريم ماشالله
ترس الكويت سواء بعيادات خاصه أو بالمستشفيات ولا يقلون خبره عنهم
وشهاداتهم أطول منهم
إذا ماتوفرلج ذيج الساعه عند الضروره تحل المحرمات
والله لا يعيزنا لهم إن شالله
اللهم إني بلغت أللهم فشهد
وانا مع سارا شنو كان احساسج والدكتور يولدج وليش ريال مو دكتوره مثلا وعلى كلام سارا الكويت متروسه حريم وفى منهم اشطر من الرياييل
تصدقين استانس لما تحطين رد على اي موضوع لانه يعجبني ردج واحس دايم انج على حق
انا ارشح انج تكونين مشرفه بهذا المنتدى
|
المشاركة الأصلية كتبت بواسطة نور^الدنيا
يا حلو كلامج يا سارا
تصدقين استانس لما تحطين رد على اي موضوع لانه يعجبني ردج واحس دايم انج على حق انا ارشح انج تكونين مشرفه بهذا المنتدى |
لا تقولين مشرفه لايوقفونج الحين هههههههههههههههههههههه
مشكوووره حبيبتيهذا من ذوقج
بس انا خايفه إن إللي رديت عليها تكون زعلت من صراحتي
الله إللي يعلم إني أحب أنصح كل إللي حولي وإللي بمشرف خخخخخخخخخخخخخخخخخخ
عاد احبه هالمنطقه لان كل رفيجاتي هناك
بس انتي ما قلتي شئ غلط وانتي صاجه مستشفياتنا متروسه حريم تولد
بس فيه حريم يقولون ان الرجال ما يخاف ويكون اجرأ من الدكتوره فتعتقد ان الولادة بتصير سهله مع ان السهالات من ربي العالمين وكل على اللع
انا بنت عمي جابت الاول والثاني والثالث والرابع طبيعي والخامس قيصرية
ويقولون ان الدكاتره يخيطون احسن من الحريم يمكن عشان جذي البعض يلجأ لهم
اولا شي اهوا ماشاف الخياط رحت حق الدكتورة الي تساعدة
وبعدين ولادتي متعسرة وايد فكان اهوا شاطر الدكاترة الحريم كلهم قالولي سوي قيصرية اخافون من المسؤولية
وبعدين ياروضة الصالحين انا اقصد بفضل من الله وثم الدكتور يمكن خاني التعبير الله يعلم الي بقلبي لان الله الي يسهل مو البشر
مشكورين هذا اول موضوع صراحة انا كنت بفيد بس؟؟؟
على العموم جزاكم الله خير