بعدل مسار حياتي الزوجية افزعو يا بنات الاجاويد

بسم الله

شخباركم عساكم بخير

بنات صار لي سنه متزوجه وفيه اخطاء وامور ابغى اعدلها واتلاحق عمري

اولا
من تزوجت ما مدت يده لي هديه حتى صباحه و طلاعه ماعطاني
سالته مره ليش ماعطيتني صباحه اذا مو معجبك شي علمني اعدله
قال لا موب قصدي بس ماكنت اعرف الصباحه !!! مع العلم انه مطلق يعني معقول حتى طليقته ماعطاها .. معقوله ماعمره سمع بالصباحه ..
مع العلم انه موب صقير وجاهل
وانا والله بين فتره وفتره اهدي له لو هدية رمزيه والله ماقصرت معه

ثاني شي مايعطيني مصروف شهري .. زين قلت هو موبخيل خلاص مايحتاج اخذ مصروف منه .. اذا احتجت بروح انا وياه وهو يدفع لكل شي
وشكت عن سالفة المصروف
والحين ينزل لي شهري بحسابي 100 دينار .. مو منه لا والله راتب لي مندوبه بشركه ياصلني الراتب وانا قاعده بالبيت المهم من صار يوصلني هالراتب اللي الله بس يبارك فيه والرجال بادي يسحب يده من الصرف علي
ويتحجج انه مامعه فلوس . بالعيد ماعطاني ولا فلس

وثالث شي

طلعات ومطاعم وتمشيات زي العالم مااااافي
اخر مره رحنا مطعم من 5 شهور
وسط الاسبوع ممكن اعذره دوامه طويل مايرحع البيت الا حول المغرب
بس بالويكند يروح هالويكند يوم عند اهلي وبكره عند اهله وتسدح وتبطح عند النت والجوال والتلفزيون

راااااابع شي
العذر و السمرحه طولت عليكم .. بس خلاص هذي اخر وحده
الله يسلمكم واقف لي لاااااا تقصين شعرك لاااا تصبغين لاااا تشقرين لاااا تهلكسن شعرك بالاستشوار لااا تدمرين بشرتك بالمكياج لاااا ولااااا
شسوي فيه ؟؟؟

هاوشوني كفخوني سوو الي تبون فيني بس علموني انفعوني
أأومت بـ ( كفً صفعني نفعني ) وبعد ترا اأومن بالرقه و الحواررر ههههههههه

حياتي اغلب الكلام اللي ذكرتيه موجود بفئه كبيره من الرياييل ومنهم ريلي ,
لكن عودي نفسج على طبعه ,
وأهم شي بالريال ان حابج وعازج ورازج هذا اهم من الهدايا اللي قيمتها ماديه لاتودي ولاتييب ,

المصروف الشهري لازم تقعدين مع ريلج وتفهمينا انج مرا واحتياجاتج وايد ,
وتتفقون على مبلغ معين ..

الطلعات عندي وعندج خير ,
هذا من التربيه تربوا على انهم بيتوتيين مايطلعون الا بالسنه حسنه ,
طلبي منه ان يحدد يوم بالاسبوع تطلعون فيه واذا ماقدر هالاسبوع الاسبوع اللي بعده ..

سالفة الشعر والميكب عادي مع الايام راح يقتنع ,
وكل شي طبيعي وناعم حلو ,
بس انتي لاتحنين وايد وتبينين له انج كلا مو راضيه عن تصرفاته واوامره ,
بالعكس قوليله حاضر باللي تامر فيه عشان يلين قلبه عليج لان العناد والحنا ماتفيد مع الرياييل ..

وسعي صدرج ,
موفقه قلبي ..

مو لهدرجه

لازم يحط لج مصرف شهري ١٠٠ شنو تكفي ! على الاقل يعطيج هو ١٠٠ بعد ! حاولي معاه مره مرتين ثلاث

واذا عالقص والصبغ .. سوي نيولوك فاجئه مو شرط تقصين اصبغي شعرج و سوي حمام ملكي و انقشي
و سوي خزامه و بس

فهميه ان انتي بنت لجزاحتياجاتج و هو زوجج مسؤول عنج

قوليله افتشل اطلب من احد او احس نفسي ناقصة

انا ابغي اشتريلي من الظروريات مابي اشياء مالها لزمة

و هذا كله عشانك

اما موضوع المكياج و الشعر

لا تقصين شعرك في رحال يموتون بحريمهم شعرهم طويل و انتي تبين رضاه

و المكياج خففيه

اكيد يحب شكلج الطبيعي و حمدي ربج انه يوفج حلوة بدون شي

بالسياسة تحصلين اللي تبينه و ربي يسخره لج

الله كريم

اذا عالمصروف انتي اطلبي منه قولي ابي ١٠٠بروح مثلا الصيدلية او الصالون لا تنتظرينه او قولي له ودني السوق انا معزومة ناقصني كم شغله وتشري وخلصي اغراضك عوديه. كل شهر تنزلين تشترين اي شيء والطلعات ب البداية قولي له حبيبي انا عازمتك ع حسابك هههههههه على مطعم. او ايس كريم ع البحر لين يتعود ويحب الطلعات الدكتورة ناعمة الهاشمي تقول ان الرحل مايفهم التلميح انك تبين هدية او شنطة او سفرة لازم تطلبين منه وتكونين واضحه ابي الشيء الفلاني. الله يسخر لك زوجك

أول شي
الهدايا كل الرياجيل جذي عندهم الهدايا مو مهمه كثر ماهي مهمه عندنا يالحريم ,,,,,,,أعاني من نفس المشكلة.

ثاني شي
المصروف ضروري يزيدة وتفاهمين وياه بالتودد والصراحه مو هواش وحنه ورنه ,,,,,,ماكو فايدة

ثالث شي
الطلعات قطيها أشكرة كل شهر طلعة خاصة لكم,,,,,,سويتها وجابت نتيجه وياه

رابع شي
اذا اهو يحب المفاجآت غيري بشكلج بس اذا اهو منبهج لا احسن لج تصبرين
وتسوين شغله شغله بدون يحس مو كلهم مرة وحدة عشان مايعصب.

كلااام سليييم

مشكلة الي مايعرف مسؤولياته وان صار مسؤول عن بيت وعيله..الله يسخره لج ويهديه

المصروف لازم تاخذين منه بس سالفة الصباحه ما فهمتها؟؟!!
شنو تقصدين فيها ممكن توضحين؟!!!

توك في بداية الطريق وسنه زواج ماهي كافيه

تفهمون بعض اصبري عليه وربي بيعينك

جزاكم الله خير الجزاءماقصرتو ياعل عمركم طويل