بسوي لولدي عملية لحمية و مدحولي مستشفى الاتصالات . بس .

انا سويتها لولدي يوم 24 /12 في مستشفى الاتصالات
اول شي خذيت موعد وكان بعيد بس حطيت واسطه وقربته ورحت الساعة 7 الصبح ودشيت على الدكتور وبعدين سحبو منه دم وخذوا عزكم الله بول وبعدين قالولي روحي البيت تعالي قبل الساعه 7 المسا ونمنا بالجناح وقالوا لازم يصوم من الساعه 1 والساعة 8 الصبح لبسوا ولدي ملابس العمليه ودخلوه اهو كان ثاني اسم لانه عمره صغير وطبعا شربوه دوا خلاه ريلااااااااااااكس ورحت معاه لين غرفة العمليات ونطرت شويه ليما وصل دورنا وطلع المريض الاول وخذوه وقالولي روحي الغرفة واذا طلع راح تبلغج السستر ورحت وبعد اقل من ساعة قالتلي السستر تعالي اخذي ولدج ورحت وطلعوه وكان يابعد قلبي قلبه نايم واخشيمه طالع منه شوية دم وقالتلي لازم ينام على جنبه وبدون مخده ولازم ماياكل او يشرب لي الساعه 12 الظهر والحمدلله بعدين بدا ياكل برد وجلي وعصاير والساعه 6 شافه الدكتور وقتله انا بطلع لاني تلعوزت واهو بعد حبيبي لما شاف اخوانه استانس ولما راحوا عنه قعد يبجي ورخصنا الدكتور وعطانا مراجعه والحمدلله ياربي صار وليدي يتنفس عدل وصارت نومته مريحة
الحمدلله
هذي قصة عملية ولدي الله يحفظه ياااااارب ويحفظ عيالكم
انصحج سويها انا كنت ميته من الخوف بالاول لكن لما سوها ولدي وشفت شلون نومته تعدلت وقام يتنفس عدل قلت الحمدلله الف مرة اني سويتها له
الحمدلله