بسافر بالعيد عادي اغيب اول يوم مدارس؟؟؟

مرحبا بنات…
شلونكم؟
بغيت استفسر منكم عادي اغيب واخذ طبيه اول يوم مدارس لاني ودي اسافر على العيد.. لاني سمعت يقولون مايصير لان لازم مباشره عمل اول يوم؟؟الي عندها خبر اتفيدني…
ومشكورين

عادي … إلا إذا كنت إجازة طويلة آخر العام والحين بتباشرين فمايصير لازم تحددين مركز عمل وإلا ….

اظن عادي
….

أتوقع الطبية عادي

بس نصيحة يالغالية عشان الله يبارك لج في معاشج وفي سفرتج وفي حياتج كلها لا تاخذين طبية وإنتي مو مريضة

نصييييييييحة من وحدة تحبج في الله

7

7

تصدقين يالغالية كانت عندنا وحده غابت أول يوم والكل يقولها ليش ماخذيتي طبية حرام راح يخصمون عليج

تخيلي تقول عااااادي خل يسوون إللي يسوونه …ما خذت طبية لأنها مسافرة ما كانت مريضة ..

وهي عندها قناعة إذا مو مريضة ما تاخذ طبية

صج من يتقي الله يجعل له مخرجا ..عقب ما داومت بيومين تقريبا الوكيلة طلبت من كل إللي غايبين طبياتهم عشان تحسب لهم مباشرة عمل

وهي على نياتها حسبت غيابها عرضي ..قالت حرام ما يسوى ينخصم عليج فحسبته لها عرضي …صج من يتقي الله يجعل له مخرجا …تخيلي هي ما طلبت منهم العرضي ..كانت راضية بالخصم …بس الله عطاها على نيتها

قرقت وااااااااااااااايد بس حبيت أنصحج يالغالية

تروحين وتردين بالسلامة

موفقة يارب

عادي اختي انا اللي اعرف ان المدرسات الواهدات اللي معانا بالقسم ما يداومون اول يوم وياخذون طبيه سافري واستانسي لاحقه على الغثه

لا اذكر بالدوره اللي اخذتها
ماينفع تاخذين طبيه كلش مو مقبوله وموزين لملفج

عاااااااااااادي سحبي عليهم بس وروحي استانسي مردج بتقابلينهم طول السنه الله المستعان

طبية عادي

متى الدوامات ؟