ايهو احسن المالية ولا knpc??

السلام عليكم

شلونكم بنات

عيدكم مبارك مقدما

بنووتاات يا حلوواااات

انا موظفة في المواصلات وشهادتي بكالوريس محاسبة

صارلي متوظفة تقريبا 8 شهور او 9

ومفكرة انقل حق المالية .. او البترول

شرايكم انتوا منو الاحسن

وبعرف متى تبدي دوامات المالية والبترول من الساعة جم لي جم؟؟

وجم معاشات كل واحد منهم

وشنو مميزات كل واحد منهم

والبترول knpc اهي القطاع الحكومي ولا شنو؟؟؟

واذا عندكم اي معلومات ثانية لاتقصرون معاي

اي صح بعد بسال عن اذا حق البترول لانها مو حكومية هل اقدم كتاب ترشيح ولا شلووون؟؟

لاني انا اساسا متوظفة

فشلوووون اقدم عليهم؟؟؟

مشكورين ويزاكم الله خيييير

وراح ادعيلكم ان شاء الله بهالايام الفضيلة

ولا اطولون بالرد عفية

والله إذا تقدرين على دوام من 7 الى 3
روحي البترول معاشاتهم ضاربه حده يعني التوظيف اليديد مع الزيادة اليديدة معاشاتهم صكت الألف دينار
فما بالج انتي محاسبة يعني عندج كادر بعد يمكن يوصل معاشج 1500

والبترول ينصرف لهم دعم عمالة وطنية يعني موحكومي

بالنسبة للمالية زين بالنسبة لغيرها من الوزارات وهم فيها بونصات محرزه هذا إللي أعرفه

واستخيري والله يوفقج

مشكورة حبوبة على الرد السريع

ماتقصرين

بس الكادر ما يمشي حق المحاسبين بالقطاع الخاص

مادري احترت واحتار دليلي

أنا بالمالية حبوبه معاشاتنا زينه بالنسبة للوزارات الثانيه وانتي محاسبه يعني معاشج هم أكثر مني لأن كادركم قوي وعموما الادارات الماليه والمحايبه عندنا بالوزاره لهم أقوى معاشات وبونصات اذا ماني غلطانه بونصهم فوق ال 2000

بالنسبه لل knpc مايعتبر خاص اهيه خكوميه والزياده بتنطبق عليهم هذي شغله
الشغله الثانيه انتي تقولين صارلج 8 – 9 شهور مشتغله يعني ماعندج خبره والمعاش اللي نذكر من الاخت 1500 دينار مو صحيح
انا زوجي صارله اكثر من 10 سنين بالنفط بال kpc واهوا مهندس وكان شغال يمكن سنتين او 3 سنين بنعهد الابحاث وعنده ماجستير و منصبه زين بدوامه ومعاشه يمكن 1500 دينار

بس حبيت اعلق على هالنقطه

حبوووبة اختي النوووووور عفية ساليلي انزين شنو احسسن قسم حق المالية …ادارة تكون مديرها او مديرتها حلييوين وجذي يعني

وسمعت ان قسم الضراءب احسن شي ؟؟ هل هذا صحيييح

مشكورة اختي سحاب على الرد

حبيبتي النور بغيت اسألج شلون دوامج بالماليه مريح وشلون دوامكم قصير ولاطويل وشلون الرواتب زينه وعادي إذا عندج شي نص الدوام تطلعين ولاشديدين وشلون الإداره القانونيه عندكم

ال knpc
معاشاتهم اكثر دوامهم لي 3 او 4
كل فترا ينزلون بالجريده اعلان يطلبون تخصصات و المحاسه معاهم علي ما اتوظفين اقل شي 3 اشهر وايد لويه دوامهم بالاحمدي و قمته و يقدمون 600 ياخذون منهم 60 30 منهم يقدمون استقالتهم بعد اقل من سنه لان تعب و الي اتزوج و الي مادري شنو
الماليه رواتبهم اتينن و الشسمه الكوادر حق المحاسبين بس انتي و حظج اي اداره و منو مسؤالج
اتمنالج التوفيق

هذا اختي اعتقد بدون الزياده اللي اقروها من فتره للقطاع النفطي

عندج فكره كم المعا ش اجمالي بعد الزياده اذا خبره 10 سنين ؟؟؟

ومشكووره

عدل الراتب اللي قلته اللي يمشيله الحين طبعا الزياده مانزلت ليلحين

بس اللي عرفته عالدرجه

يعني في ناس صارلهم 10 سنين بس كل واحد درجته غير
وفي موضوع عن الزياده البنات حاطين الجدول الزياده حق طل درجه

ان شاءالله اكون جاوبتج