ايام الخطبه وليله العرس وغيرها

———————————————–
1)واحد وده يتزوج وقال لامه دوري لي وحده دلوعه وشكلها بيبي فيس وجسمها صغييروشعرها طويل واهم شي مو بطة وكل مرة يروح ويشوف البنات ما يعجبه الشكل , وفي يوملقت الام وحده وقالت له روح وشوفها يوم راح ودخل المجلس قعد وقال ابوالعروسة لبنته يالله ادخلي يوم دخلت و قعدت يمه وشافها من قوةالفرحه وانها طلعت مثل مايتمنى اخونا ماقصر قام وباس البنت جدام ابوها ما صدقالمسكين قومي يا البنية من كثر الاحراج و عطيه كف و طلعت بره تصيح ههههههههههههههههههههههههههههههههههههههههههههه
————————————————————
2) هذا واحد ربعه ماينلعب معاهم.. يوم عرسه مروه ربعه وقالوا يالله مشينا الحلاق.. يوم ودوه الحلاق ( وكانوا متفقين مع الحلاق من قبل ) وينقز واحد منهمويتل راسه ويقول للحلاق يالله و يقوم يقص شعر المعرس مووووووووووووووووس على الصفر
المهم أنهم حلقوه موس والمعرس قفلت معه ولا قدر يسوي شي .. يوم يا العرس لبس الطاقيه والغتره ومشى كل شي تمام ..
عاد لمن دخل مع العروس بيتهم لازم يشيلالغتره مو معقوله بيتم لابسها .. يوم فصخ الغتره وطلعت الصلعيه البنت قالت بقلبها : (هذا يستهبل و لا فيه شئ ؟؟ ) .. واستغربت منه لأنه ماكو احد يحلق موووس ليلة عرسه
اللي زاد الطين بله أن المعرسشاف البنت خايفه وفاهمه غلط قال خلني بطينها وقعد يخوفها ويقرب راسه يمها جنهبينطحها ويسوي حركات جنه مينون و يستعبط .. يوم طلعت الشمس قالت البنت : (ودني لأهلي .. (عاد المعرس دق على أبوها وقالله : ( تعال ) يا ابو البنت و فهمه المعرس انه ربعه سوو فيه …كذا و كذا … وأنه شافها خايفه قال خلني أستهبلعليها .. والأبو فَهَمْ البنت و عدى اليوم على خير هههههههههههههههه ..

———————————————————-

3) ثنين توهممتزوجين .. أول ما رجعوا لبيتهم الا زوجها مجهز لهم عشاء ..و العروس يوعانه بشكل مو طبيعي.. ما ذاقت الاكل من أصبحت من زود ما اهية مشتطة .. و زوجهايناديها يبيها تاكل .. البنت مستحية وما تبي تاكل جدام زوجها .. بس انهابالصج يوعاااااااااااانه .. قالت له : ( مشكور أنا شبعانة ) .. قالها : ( يا بنت الحلال تعالي اكليلج لقمة ).. والبنت معنده و ما تبي تاكل جدامه.. ويحاول فيهامني مناك ما قدر راسها يابس.. مع انها كانت ميته من اليوع و اهية تشوفه تاكل …..خلص زوجها من العشا وقال لها : (يلا قومي خل انام باجر ورانا قومة من الصبح ) **عندهم شغل ** .. قالت : ( خلاص انت روحنام أنا بودي الاكل المطبخ بالأول و بعدين بيي ) .. الريال ابتسم وقال : ( على راحتج ) .. ما صدقتالبنت زوجها دخل الدار الا طيرااااااااان على الأكل .. لقمة في حلجها ولقمة بايدها وعينها على الثالثة .. وهي في قمة الانسجام ما درت الا ….. هذا الي يمد لها قلاصالماي و يقول لها : ( شوي شوي خلي الأكل ينزل ) .. البنت مسكينة من كثر الاحراج علطووول راحت الحمام << عزكم الله << و قعدت تبجي من قوة الموقف ,,,, ههههههههههههههههههههه
————————————————————–

4) واحد بليلة عرسه قاعد بزاويه وزوجته بزاويه , يكلمها مستحيه وتطالع الأرض يقط نكت يستهبل عليها مافي البنت تطالع الأرض ومشكلتها ولا جنه فيه أحد قاعديمها …
الريال من كثر مايكلم نفسه وبنت الناس ساكته قال خلني أسكت وأشوف شنوتاليتها معاها .. يعني ثنيناتهم سكتوا ..
شويه يو ربع المعرس وقالوا: ( خل نستهبلعليه ) .. المهم ويقوم واحد منهم ويآخذ ضخرة و يحذفها على دريشة غرفتهم .. عاد تخيلواسكوووون و هدوووووء + صوت صخرة قوية = البنت في حضن زوجها ….. ههههههههههه لمن سمعت الصوت نقزت و لمت زوجها من الخوف .. الريال اعجبته الحركه .. خله مرته قاعدة وطلع طل من الدريشة شاف ربعة يضحكوون قالهم : ( شباب بعد وحدة و اللي يرحم امك انته وياه ) …… ههههههههههههههههههههههههههههه
——————————————————————

5 ) وحده يا خطيبها يشوفها وطبعا ميته من كثر الحيا . المهم دخلت عليه وابوها كان موجود شوية الا ودخل خالها وبعدين عمها وبعد شوي يدخلون اخوانها كلهم وصارت القعدة متروسهناس( وطبعا كلهم عيونهم عليها ) و اهية المسكينة من كثر الحيا " اغمى عليها " …… ههههههههههههههههههههههه

——————————————
6 ) وحدة تقول دخل ابوي باغراض البيت وتعرفون الاغراض لما تكون واااايد يقطهاا الوالد بالحوشوينادي يلا شيلو ……اللي صار تقول انطلقت مع اخواني ركض وسوينه سباق منو اييب الأغراض اسرع طبعا اخوانهاصغار …….
ولا اخوها الكبير وصديقه قاعدين على صوب والله لايوريك البنت تشيل وياغافلين لكمالله و اهوة قاعد و يتفرررج …. المسكينة تقول عقبها يا بعد يومين و خطبني وبعد ما عرسنااا قالها الموقف و حلفت ما تخلي اخوها على اللي سوااه ههههههههههههههههههههههههههههههههه

————————————-
7 ) وحدة تقول لمن يا خطيبي يشوفني لبست تنورة ضيييييييييييييييجة و نصحتني امي اني ما البسها بس انا عندت و قلت : ( لأ الا البسها ) ….. و وقتها دخلت و سلمت و قعدت شوية و لا اسمع صوت ( تشششششششششششششش ) و لا التنورة انشقت من وره قعدت اقول بقلبي : ( يالله شسوي ؟؟؟ ) و قعدت اسأل نفسي شلون بقوم ؟؟……..ز و خطيبي يطالعني مستانس و ابوي يطالعني و الشرر يتطاير من عيونه و يأشر لي عشان اقوم و انا خلاااااااااااااص لازقة في الكرسي و ماني قادرة اقوم … لو قمت بتطلع بلاوي … و طبعا الاخت قاعدة و منزلة عينها بالأرض و جني ما ادري عن ابوي اللي مسكين صارله ساعة يأشر ,,,, و بآآآخر اليوم اللي مو راضي يعدي على خير قام ابوي و قال للخاطب بطريقة لبقة : ( انتهت الزيارة و حياك الله ) و اول ما طلع رحت لداري ركض قبل لا يشوفني ابوي و يأدبني …. هذي اللي ما تسمع كلام الماما ……….. هههههههههههههههههههههه
—————————————–
8) وحدة تقول دشيت عشان اشوف خطيبي و اهوة يشوفني و معاي صينية العصير تفاجئت فيه و اهوة يصرخ بقوة (( ماشاء الله ما شاء الله ما شاء الله )) قلت بقلبي : (( شكله مو شايف خير و اور مرة يشوف بنت جدامه )) , و قام وقف جدامي و اهوة يردد (( ماشاء الله ماشاء الله ماشاء الله )) …. انا خفت و قلت بقلبي : (( شنو هالمينون ؟؟ )) ….. قمت اصرخ و طلعت اصيح بره و ياني ابوي و قعد يحاول فيني عشان ادش مرثانية و بعد ما طلعت روحة المسكين دخلت مرثانية عنده …. بس هالمرة قعدت بعييييد عنه … و اهوة الخبل للحينه قاعد يردد بصوت منخفض (( ماشاء الله ماشاء الله ماشاء الله )) …… هههههههههههههههههههه <<< الله يعينها بس

————————————————

9) وحدة تقول اول مره شفته (( خطيبي )) كنت احاول اتماسك و اوقف هالرجفة اللي صارت فيني فجأة قبل ما ادخل عليه ….. تنفست بعمق و انا ارجف و اشيل صينية العصير اللي كانت ثقيلة علي بسبب الموقف اللي انا فيه …. ذكرت ربي و قريت الآيات اللي حافظتها… و بصعوووووبة دخلت عليه … اول ما دخلت ابوي كان جدامي شفته و زدت حياء و خوف … سلمت بصوت خفيف….و خطيبي كان قاعد على اليمين … رحت بسرعة و طنش فيه و عطيت ابوي العصير … اخذ العصير مني و اشرلي بعينه على خطيبي … بلعت ريجي و التفت بسرعة و توتر عشان اعطيه العصير ما وعيت الا انا طايحة بالأرض و العصير مكتوت على الغنفات بكل مكان بالمجلس … حطيت الصينية على الطاولة بكل بروووووووووود (( و انا متعجبة و مستغربة من نفسي من وين نزل علي هالبرود العجيب …سبحان الله … )) و طلعت بره جني ما سويت شئ … هههههههههههههههههههههههههههههههههههههه <<<< فعلا موقف محرج

—————————————–
10) وحدة تقول (( احنه من عاداتنا انه الخطيب ما يشوف خطيبته الا يوم الملجة )) و لمن خطبني صديق اخوي لزم انه يشوفني فدخله اخوي الدوانية اللي كانت دريشتها تطل على الحوش …. و طلع اخوي الحوش و ناداني و قالي : (( يا منيرة تعالي شيلي الصحون )) …… طلعت الحوش و انا (( بدرنكسوت البيت و شعري منفوش )) <<< يعني وحدة بالبيت شلون شكلها <<<….. و المصيبة مو في لبسي المصيبة اني دخلت اقحص بسيارتة اخوي الصغير …..و اخيو يقولي : (( يا منيرة شوي شوي )) …. و خطيبي يطالع كل شئ من دريشة الدوانية …. خطيبي من شافني قال حق اخوي : (( انا هالبنت ابيها دمها خفيف و عسل )) ……. ههههههههههههههههههه

منقووول

لوووووووووووووووووول

ونستينا الله يونسج بالعافيه
مشكوووره

لوووووووووووووووووووووول
صج مواقف تضحك
يعطيج العافية عالنقل الحلو

ههههههههههههههههههههههههههههههههه
احلى شي الي كتت العصيرر
يعطيج العافيه

هههههههههههههه موو صج ابيه

8
8
8
8
Gourges حده امبيه

مشكورين على ردودكم الحلوه

[quo]لوووووووووووووووووول

ونستينا الله يونسج بالعافيه
مشكوووره[/quote]

دوم مستانسين يارب

ههههههههههههههههههه

يضحكون ^^

:

ههههههههههههههههههههههههههه روعه وايد يضحكووون

وخصوصا منيييييييرة خخخخخخخخخخخخخ .,,

تسسسسسسلمييين ياروحي